Friday 9 April 2021

వకీల్ సాబ్ ఎలా ఉండాలి అనేది ఎవరు నిర్ణయిస్తారు?

 
కొంతమంది మేథావులప్పుడే మొదలెట్టారు… పింక్‌లో అమితాబ్ అట్లా చెయ్యలేదు, అమితాబ్ ఇట్లా చెయ్యలేదు అంటూ.

రీమేక్ కథాచర్చల్లో వీళ్లను కూర్చోబెట్టాల్సింది. పాపం దిల్ రాజుకు తెలియదు.

‘సినిమా బాగుంది’, ‘బాగాలేదు’, ‘చెత్తగా ఉంది’… అని చెప్పే హక్కు – టికెట్ కొని సినిమా చూసే ఎవరికైనా ఉంటుంది. కాని, కోట్లు పెట్టి సినిమా తీసేవాళ్ళకు “మీరు సినిమా ఇలా తీయాలి, ఇ-లా-గే తీయాలి” అని చెప్పే హక్కు మాత్రం ఎవరికీ ఉండదు.

అలాంటివాళ్లు నిరభ్యంతరంగా వారికిష్టమైన సినిమాలు మాత్రమే చూసుకోవచ్చు… తీసుకోవచ్చు… తీసుకొని చూసుకోవచ్చు. మీరు సినిమా ఇలా తీశారేంటి అని అడగడానికి ఒక్కరు కూడా ఆ వైపు రారు.

Cut back to Pink –

బోనీ కపూర్, దిల్ రాజు, శ్రీరామ్ వేణు, తమన్, పవన్ కళ్యాణ్, నివేతా థామస్, అంజలి, అనన్య… నాకేం చుట్టాలు కారు. సినిమా మాత్రం నాకు చుట్టమే!

అదొక పరిశ్రమ. ఒక కార్పొరేట్ బిజినెస్. కోట్లతో వ్యాపారం.

కమర్షియల్ సినిమాకు మొదటి లక్ష్యం డబ్బు. రెండో లక్ష్యం, మూడో లక్ష్యం కూడా డబ్బే. క్రియేటివిటీ, వినోదం దాని ముడిసరుకు.

పింక్ రీమేక్ పింక్‌లాగే ‘మక్కీ కి మక్కీ’ ఉండాలి అంటే, పింకే మరోసారి చూస్తే చాలు. వకీల్ సాబ్ సినిమా చూసి అది పింక్‌లా లేదు అనటం కమర్షియల్ సినిమా లాజిక్‌కు చాలా దూరం.

అమితాబ్ హిందీ సినిమాను, పవన్ కల్యాణ్ తెలుగు సినిమాను ఒకే మీటర్‌తో ఎలా కొలుస్తారు?

బాలీవుడ్‌లో అమితాబ్‌కు ఉన్న ఇమేజ్ వేరు. అక్కడి మార్కెట్ వేరు. ఇక్కడ పవన్ కళ్యాణ్ ఇమేజ్ వేరు, మార్కెట్ వేరు.

పింక్ దర్శకుడు ఆ సినిమా తీసేటప్పటి ఆలోచన వేరు. అది హిందీలో హిట్ అయ్యాక – అదే సినిమాను తెలుగులో పవన్ కల్యాణ్‌తో రీమేక్ చెయ్యాలన్న నిర్మాతల ఆలోచన వెనకుండే వినోదాత్మక వ్యాపార ఆలోచన వేరు.

పింక్ కమర్షియల్ సినిమానే. వకీల్ సాబ్ కూడా కమర్షియల్ సినిమానే. దేని నిర్మాణ నేపథ్యం దానిది.

పింక్‌లో చర్చించిన వ్యక్తుల ఇండివిడ్యువాలిటీ, సాంఘిక ప్రయోజనం అనే ఆత్మ ఎక్కడికీ పోదు. పోలేదు. మిగిలిన వ్యాపార హంగులన్నీ మాత్రం తప్పవు… తప్పనిసరి కూడా. అలా చేశారు కాబట్టే – వకీల్ సాబ్ ఈరోజు ఇంత బ్లాక్ బస్టర్ హిట్ అయ్యింది.

పక్కా కమర్షియల్ సినిమాలను సీరియస్ సినిమా దృక్కోణంతో, మేథోపరమైన తూనికరాళ్లతో తూచటం ఏమాత్రం కరెక్టు కాదు.

కట్ చేస్తే –

ఈ సోకాల్డ్ కొంతమంది మేథావుల ఆలోచనలకు అనుగుణంగా సినిమా తీస్తే – థియేటర్ క్యూబ్‌లకు కట్టిన డబ్బులు కూడా రావు. 🙂 🙂

Understand cinema. Enjoy cinema.

2 comments:

  1. Too much importance to pawan —he is not a good actor -or leader
    But people crazy about him
    Saw movie —complete hero oriented film —luv Prakash raj-great actor
    Manohar ji — i am from Warangal dist —living in california 42 years

    ReplyDelete
    Replies
    1. Buchi Reddy garu!

      Thanks for your comment. I think, I couldn't express well in my blog what my real intention was. :-)

      I'm not a fan of Pawan. I wrote this only in the point of view of Film Business. The whole point in buying the rights of Pink and take Pawan in the lead is to cash his image in Tollywood with this subject. So, natuarally the director makes tha changes that are needed in this business aspect only. How can one expect Pawan to act like Amit ji and get the film hit?!

      Filmmaking is a big business now.In this POV, the makers have achieved their goal 100%.

      Yes, Prakash Raj is a great actor. No doubt.

      Nice to know that you too are from Warangal and very nice meeting you. I'd love to be in touch, Reddy garu.

      Regards. :-)

      Delete