Saturday 17 December 2016

ఫోటోల పండుగ!

హైద్రాబాద్ బుక్‌ఫెయిర్‌ను "ఫోటోల పండుగ"గా మార్చిన ఘనుడు మరేవరో కాదు .. సీనియర్ జర్నలిస్టు, బిజినెస్‌మాన్, ఉస్మానియా యూనివర్సిటీలో నా సీనియర్, నా హాస్టల్ మేట్, నా మిత్రుడు .. షేక్ సాదిక్ అలీ.

"తోపుడుబండి" కాన్‌సెప్ట్‌తో పుస్తకాలపట్ల, వాటిని చదవటం పట్ల .. దాదాపు పూర్తిగా అంతరించిపోతున్న మనలోని సాహిత్య స్పృహను మళ్లీ తట్టిలేపిన మార్కెటింగ్ గురు మన సాదిక్ భాయ్.

అసలు తోపుడుబండి మీద పుస్తకాలమ్ముతారా ఎవరైనా?

అమ్మి చూపించాడు సాదిక్.

అదీ వేలల్లో!

సరదాగా "పి టి బర్నమ్ ఆఫ్ ఇండియా" అనీ, "బోధివృక్షం" అనీ నేను పిల్చుకొనే ఈ మార్కెటింగ్ జీనియస్, తన తోపుడుబండి ఆలోచనతో వేలాదిమందిని ప్రభావితం చేయగలిగాడు.

తోపుడుబండి ఆలోచనకు కొనసాగింపుగా, కేవలం సిటీలోనే కాకుండా, '100 రోజుల్లో 1000 కిలోమీటర్ల దూరం' తన తోపుడుబండితో ఊరూరా తిరిగి పుస్తకాలమ్మిన రికార్డు సాదిక్‌కు ఉంది. ఈ కొనసాగింపులో భాగంగానే, "ఊరూరా గ్రంథాలయం" కాన్‌సెప్ట్‌తో ఇప్పటికే వందలాది గ్రంథాలయాల్ని గ్రామాల్లో స్థాపించాడు, పునరుజ్జీవింపచేశాడు సాదిక్‌.


కట్ టూ ఫోటోల పండుగ - 

హైద్రాబాద్ బుక్‌ఫెయిర్‌లో అన్ని వందల స్టాల్స్ ఉన్నా, ఒక్క తోపుడుబండి స్టాల్ దగ్గర మాత్రమే ఒక హైరేంజ్ సందడి ఉంటుంది. ఒక ఆత్మీయమైన పండుగ వాతావరణం ఉంటుంది.

స్టాల్‌కు వచ్చిన ప్రతి కస్టమర్‌తోనూ, ప్రతి ఫ్రెండ్‌తోనూ, ప్రతి సెలబ్రిటీతోనూ, ప్రతి వి ఐ పి తోనూ అక్కడ స్టాల్ లోపలా బయటా ఫోటోలే ఫోటోలు!

ఆ ఫోటోలన్నీ ఎప్పటికప్పుడు ఫేస్‌బుక్‌లో ప్రత్యక్షమవుతుంటాయి. వైరల్‌గా ఎఫ్ బి ని దున్నేస్తుంటాయి.

సో, దటీజ్ సాదిక్!

ఎన్ టి ఆర్ స్టేడియంలో ఇప్పుడు జరుగుతున్న హైద్రాబాద్ బుక్‌ఫెయిర్‌కు మీరింకా వెళ్లనట్లయితే, ఇవాళే వెళ్లండి.

తోపుడుబండి స్టాల్ నంబర్ 28.

ఈ సారి తోపుడుబండి స్టాల్ లో ప్రత్యేక ఫోకస్ ఒక ఎన్ ఆర్ ఐ సెంట్రిక్ ఇంగ్లిష్ నవల కావడం విశేషం. అది నా స్టుడెంట్ భరత్‌కృష్ణ రాసిన "The Guy On The Sidewalk" కావడం మరింత విశేషం!

1 comment:

  1. మీ స్నేహితులు షేక్ సాదిక్ అలీ గారి తోపుడుబండి మీద పుస్తకాల అంగడి ఐడియా చాలా బావుంది - Share చేసిన మీకు Thanks!

    ReplyDelete