పాతవాళ్లయినా, కొత్తవాళ్లయినా - ఆర్టిస్టులు, టెక్నీషియన్లకు ఒక్క రూపాయి రెమ్యూనరేషన్ కూడా ముందు ఇవ్వటం అనేది ఉండదు. సినిమా పూర్తయ్యి, రిలీజయ్యి, లాభాలు వచ్చాకే ఆ ఆ లెక్కలు! దీనికి ఒప్పుకున్నవాళ్లే సినిమాలో పనిచేస్తారు.
ఈ మైక్రో బడ్జెట్ పాతిక లక్షలు కావొచ్చు. 50 లక్షలు కావచ్చు, కోటి కావచ్చు, రెండు కోట్లు కావొచ్చు. సో .. ఉన్న ఆ కొద్ది బడ్జెట్‌ను మేకింగ్‌కు, ప్రమోషన్‌కు మాత్రమే వాడతామన్నమాట!
చాలా మంచి కాన్‌సెప్ట్ ఇది. ముఖ్యంగా చిన్న బడ్జెట్ సినిమాలకు సంబంధించి మాత్రం ఇదే చాలా చాలా కరెక్టు.
కొత్తవాళ్లతో చేసే సినిమాలకు "టాక్" వచ్చేదాకా మంచి ఓపెనింగ్స్ ఉండవు కాబట్టి, ప్రమోషన్ పరంగా ఎన్నో జిమ్మిక్కులు చేయాల్సి ఉంటుంది. అయినా హిట్టో, ఫట్టో ముందే ఎవరూ చెప్పలేరు. ఇలాంటి పరిస్థితుల్లో ముందు ప్రొడ్యూసర్‌ను కొంతయినా బ్రతికించుకోవాలంటే ఇదే మంచి పధ్ధతి.
టీమ్ వర్క్.
కంటెంట్.
ప్రమోషన్.
ఈ తరహా సినిమాలు తీయాలంటే ఈ మూడే చాలా ముఖ్యమైనవి.
కట్ టూ మనోహర్ -
ఫిలిం ప్రొడక్షన్‌కు సంబంధించి దాదాపు ఇదే కాన్సెప్ట్‌తో అతి త్వరలో నేను, ఈ మధ్యే నేను పరిచయం చేసిన నా కో-చీఫ్ టెక్నీషియన్‌తో కలిసి, మా సొంత బ్యానర్‌లో, కొన్ని నాన్-రొటీన్ కమర్షియల్ సినిమాలు ప్లాన్ చేస్తున్నాను.
ఆసక్తి ఉన్న పాత/అప్‌కమింగ్ హీరోలు, హీరోయిన్లు, సపోర్టింగ్ ఆర్టిస్టులు, టెక్నీషియన్లు ఈమెయిల్/ఫేస్‌బుక్/ట్విట్టర్ మెసేజ్ ద్వారా నన్ను నేరుగా కాంటాక్ట్ చేయవచ్చు. మా కోపరేటివ్ ఫిలిం మేకింగ్ టీమ్‌తో కలిసి ఓ పిక్‌నిక్‌లా ఎంజాయ్ చేస్తూ పనిచేయవచ్చు.
కొత్తవారికోసమైతే ఎలాగూ ఆడిషన్స్ ఉన్నాయి. మనం అక్కడే నేరుగా కలుద్దాం.
హైద్రాబాద్/వైజాగ్/గుంటూరుల్లో జరిగే నా తర్వాతి చిత్రం ఆడిషన్స్‌కోసం .. జస్ట్ కౌంటింగ్ డౌన్ డేస్ .. 9, 8, 7, 6, 5, 4, 3, 2, 1, 0 ..
No comments:
Post a Comment