Monday 21 September 2015

క్రాస్‌రోడ్స్‌లో సినిమా పడితేనే సినిమానా?

"..మన చిన్న సినిమాల దౌర్భాగ్యం ఎమిటంటే మనకింతకంటే మంచి థియేటర్లు రెగ్యులర్ షోస్ కి దొరకవు. అందుకని చిన్న సినిమాలు రెగ్యులర్ షోస్ కాన్సెప్ట్ మానుకోవాలి. మల్టిఫ్లెక్స్ లల్లొ ఒక షొ దొరికినా చాలు, వీలైనన్ని ఎక్కువ మల్టిఫ్లెక్స్ లల్లో విడుదల చేసుకోవడం మంచిది!" -- రామ్‌కుమార్ భరతం

"అసలు క్యూబ్ వాళ్లు ఏం చేస్తున్నట్టు?" అని మొన్న నేను రాసిన ఒక బ్లాగ్ కి కామెంట్ చేస్తూ - ఫిల్మ్ లవర్, ఫిల్మ్ క్రిటిక్ రామ్‌కుమార్ గారు రాసిన కామెంట్‌లోని చివరి ముక్కనే కోట్ చేస్తూ ఇది రాస్తున్నాను.

దాదాపు ఓ రెండువారాల క్రితం అనుకుంటాను. ఇదే పాయింట్ మీద నేనూ, మా మ్యూజిక్ డైరెక్టర్ ప్రదీప్ చాలాసేపు మాట్లాడుకున్నాము.

క్రాస్‌రోడ్స్‌లో థియేటర్ దొరకటం లేదు అనో, రెంట్లు కట్టలేమనో బాధపడుతూ చేసిన తప్పుల్నే మళ్ళీ మళ్ళీ చేయడం వృధా. వీలైనన్ని ఎక్కువ సెలెక్టెడ్ సెంటర్లలోని మల్టిప్లెక్స్‌లలో కేవలం రోజుకి ఒక్క షో చొప్పున ఏర్పాటుచేసుకొని సినిమా రిలీజ్ చేసుకున్నా చాలు అన్నది నా ఉద్దేశ్యం.

ఈ పని చేయడం కోసం ప్రత్యేక దళారులో, తలారులో ఎవ్వరూ అవసరం లేదు. ఎవ్వరి మాయమాటలకో తెలిసీ లొంగిపోవాల్సిన అవసరం అంతకన్నా లేదు. ప్రొడ్యూసర్, డైరెక్టర్ స్వయంగా మల్టిప్లెక్స్‌లను కాంటాక్ట్ చేసి బుక్ చేసుకోవచ్చు. అంత సింపుల్.

941 సీట్ల పురాతన కాలపు గోడౌన్ థియేటర్లకంటే ఇవి చాలా చాలా బెటర్.

ప్రేక్షకులకు లేటెస్ట్ టెక్నాలజీ సినిమా అనుభూతినివ్వొచ్చు. ఆ తర్వాత, సినిమాలో ఏమాత్రం స్టఫ్ ఉన్నా ప్రేక్షకులు ఆదరిస్తారు. థియేటర్లు అవే పెరుగుతాయి. పైగా, ఇలా చేయడం ద్వారా చిన్న సినిమాల అతి ప్రధాన సమస్య ఒకటి సులభంగా పరిష్కారమవుతుంది.

మార్కెట్‌లో ఒక బ్రాండ్ క్రియేట్ చేసుకొనేవరకూ ఏ చిన్న సినిమా ప్రొడ్యూసర్‌కయినా, డైరెక్టర్‌కయినా ఈ శ్రమ తప్పదు.

రామ్‌కుమార్ గారి లాంటి సీనియర్‌లు ఇంత మోడర్న్‌గా ఆలోచిస్తోంటే, యూత్ అనుకున్నవాళ్లు మాత్రం ఇంకా పాత కాలపు ఆలోచనలకే అతుక్కుపోయి ఉండటం నిజంగా బాధాకరం.  

2 comments:

  1. థాంక్యూ మనోహర్ జీ, నా కామెంట్స్ కి ఇంత విలువ ఇచ్చి ఒక బ్లాగ్ రాసినందుకు!!

    ReplyDelete
    Replies
    1. You deserve it my dear Sir ji!
      Thank you for your valuable time and I really appreciate your passion for Cinema.

      Delete