Tuesday 22 September 2015

ఒక సంవత్సరంలో 15 సినిమాలు డైరెక్ట్ చేసి రిలీజ్ చేయగలరా?

అవును. చేయొచ్చు అని 1980 లోనే నిరూపించారు దర్శకరత్న దాసరి నారాయణరావు గారు.

అంటే నెలకి ఒక సినిమా కంటే ఎక్కువే!

అలాగని ఏదో చుట్టచుట్టి అవతపడేసిన సినిమాలు కావవి. వాటిల్లో కనీసం 70% సినిమాలు హిట్లు, సూపర్ హిట్లు, సిల్వర్ జుబ్లీలు.

స్వప్న, శ్రీవారి ముచ్చట్లు, సర్కస్ రాముడు, సర్దార్ పాపారాయుడు, సీతారాములు మొదలైనవి ఆ లిస్ట్ లోనివే!

ఇంకో విశేషం ఏంటంటే - ఈ 15 సినిమాల్లో 2 హిందీ సినిమాలు కూడా ఉన్నాయి!

జ్యోతి బనే జ్వాల, యే కైసా ఇన్సాఫ్.

నిజంగా గురువుగారికి వందనం .. అభివందనం!

ఆయన రికార్డుల గురించి, ఆయన గురించి ఒక పుస్తకమే రాయొచ్చు.

కట్ టూ 2015 - 

ఫిలిం నెగెటివ్ తో సినిమాలు చేసిన ఆ రోజుల్లో - ఎడిటింగ్ నుంచి, ప్రతి ఒక్క శాఖలో పని చాలా ఎక్కువే. ఒక్కొక్క ఫిలిం ముక్క చేత్తో పట్టుకొని చూస్తూ, అతికించాల్సిన రోజులవి. ప్రతి చిన్న ట్రాన్సిషన్స్‌కు కూడా గంటలకి గంటలు, రోజులకి రోజులు మాన్యువల్‌గా పని చేసిన రోజులవి.

అలాంటి రోజుల్లోనే, నెలకో సినిమా చేసి రిలీజ్ చేయగలిగినప్పుడు .. ఇంత అడ్వాన్స్‌డ్ డిజిటల్ టెక్నాలజీ వచ్చిన ఈ రోజుల్లో ఒక్కో సినిమాకు సంవత్సరాలు పడుతుండటం నిజంగా విచారకరం.

గ్రాఫిక్ వర్క్‌లతో తీసే మాగ్నమ్ ఓపస్ ల గురించి నేను మాట్లాడ్డం లేదు. మామూలు మెయిన్ స్ట్రీమ్ కమర్షియల్ సినిమాల గురించి మాట్లాడుతున్నాను.

అదంతే. దీనికి వంద రీజన్స్ చెప్తారు.

ఈ పాయింటాఫ్ వ్యూలో .. నాకు తెలిసినంతవరకు, ఇప్పటి తెలుగు దర్శకుల్లో టెక్నికల్‌గా మంచి క్వాలిటీతో, వెరైటీ సబ్జెక్ట్స్‌తో, సూపర్ టైటిల్స్‌తో, ఫాస్ట్ గా సినిమాలు చేస్తున్న దర్శకులు ఇద్దరే ఇద్దరు.

పూరి జగన్నాధ్. ఆర్ జి వి.

హిట్లూ, ఫ్లాపులూ అందరికీ ఉంటాయి. టెక్నాలజీతోపాటు మనం ఎంత ఫాస్ట్‌గా మూవ్ అవుతున్నామన్నదే ఇక్కడ పాయింట్.   

2 comments:

  1. like to differ. where is the need to make so many films. already supply far exceeds the demand. most of the films being made are'nt worth the effort. the glut of films should stop. they are inundating the hapless viewers with poor quality films which lack lasting value with very few exceptions.

    ReplyDelete
    Replies
    1. I just saw the comment after a long time. I didn't get time to reply when your comment was posted. My simple answer to this comment is this: 200+ OTT platforms in USA, about 100 OTT platforms in India... and 100 more OTTs on the way. This tells the need for more films and more entertainment. :) And thank you for your comment.

      Delete