అయితే ఒక వార్నింగ్:
అమ్మాయిలు అనుకొని, ఎవరో తుంటరి అబ్బాయిలు క్రియేట్ చేసిన "లేని అమ్మాయిల ప్రొఫైల్స్" నే ప్రేమిస్తూ కొందరు అబ్బాయిలు జీవితాలనే వృధా చేసుకోవచ్చు. ముగించేసుకోవచ్చు.
అంతేనా? ఇంకా చాలా ఉంది..
హాయిగా ఉన్న కుటుంబ జీవితాన్ని, కుటుంబ సభ్యులమధ్య ఉన్న సంబంధాల్నీ అతలాకుతలం చేసుకోవచ్చు. ఒక్క ఇంట్లోనే అసలు ఒకరికొకరు మాట్లాడుకోకుండా అంతా అతి సులభంగా మరమనుషులయిపోవచ్చు.
అంతేనా? ఇంకా చాలా చాలా ఉంది..
జీవిత భాగస్వామిపట్ల, జీవనశైలిపట్ల అసంతృప్తి ఉన్న స్త్రీలు రెచ్చిపోయి తమ విశ్వరూపం చూపించొచ్చు. పర్వర్షన్‌లో తాము ఏ స్థాయికి చేరుకున్నారో నిరూపించుకోడానికి ఫేస్‌బుక్‌ని ఓ గొప్ప ప్లాట్‌ఫామ్‌గా కూడా చేసుకోవచ్చు.
సేమ్ టూ సేమ్ .. ఇది మగాళ్లకూ 100% వర్తిస్తుంది.
ఎన్నో ఉదాహరణల్ని, వ్యక్తిగతంగా తెలిసిన ఎందరో వ్యక్తుల్నీ FB పైన చాలా దగ్గరగా అధ్యయనం చేశాకే పై పది వాక్యాల్ని నేను రాయగలిగాను. రాశాను.
కట్ టు ది పాజిటివ్ సైడ్ ఆఫ్ ఫేస్‌బుక్ -
> దశాబ్దాల క్రితం సంబంధాలు తెగిపోయిన మిత్రుల్ని, బంధువుల్నీ ఫేస్‌బుక్ ద్వారా నిమిషాల్లో కలుసుకోవచ్చు.
> నిత్యజీవితంలోని ఎన్నో టెన్షన్లను తట్టుకోడానికి, గాడితప్పిన జీవితాన్ని ఒక పాజిటివ్ కోణంలో బాగుపర్చుకోడానికి.. ఒక ప్రయోగశాలగా, ఒక మెడిటషన్ సెంటర్‌గా కూడా ఫేస్‌బుక్‌ని ఉపయోగించుకోవచ్చు.
> FBలో ఫ్లోట్ అవుతున్న ఎందరో వ్యక్తులు, ఎంతో సమాచారం, ఎన్నో ఇన్‌స్పయిరింగ్ కొటేషన్లలో - కేవలం ఒకే ఒక్క వ్యక్తితో పరిచయం, లేదా ఓ చిన్న సమాచారం, ఓ చిన్న కొటేషన్ మీ జీవితాన్నే పూర్తిగా మార్చివేయవచ్చు. మీ జీవిత గమ్యాలవైపు మిమ్మల్ని అవలీలగా నడిపించవచ్చు.
> FB ని బాగా ఉపయోగించుకొని ఉద్యమనాయకులు కావొచ్చు. దేశ ప్రధానులూ కావొచ్చు.
> ఒకే ఒక్క FB పేజి తో ఆన్ లైన్ లో మిలియన్ల వ్యాపారం చేయొచ్చు ..
ఇంత గొప్ప అవకాశాల్న్ని, సౌకర్యాల్ని, ఇంత సింపుల్‌గా FB రూపంలో ఓ గొప్ప అద్భుతంగా మనకోసం రూపొందించిన మార్క్ జకెర్‌బర్గ్‌కి మనం థాంక్స్ చెప్పకుండా ఎలా ఉండగలం?
ఇంతకీ ఫేస్‌బుక్‌లో మనం ఎటు వెళ్తున్నట్టు? పాజిటివ్ దిశలోనా.. నెగెటివ్ దిశలోనా?
ఆలోచించాల్సిన అసలు పాయింట్ అదీ!
As far as my knowledge it is moving in negative direction and ur preamble is correct
ReplyDelete