Wednesday 25 June 2014

తెలుగు ఫిలిం ఛాంబర్ Vs తెలంగాణ ఫిలిం ఛాంబర్!

చాలా మేథావులు ..

కేవలం ఒక్క పదం మార్పుతో మళ్లీ ఇక్కడివాళ్లందరినీ బకరాలు చేసి, మునుపటి ఆధిపత్యం, మునుపటి దోపిడీనే కొనసాగించొచ్చని వాళ్ల ఐడియా. స్ట్రాటజీ.

తెలంగాణ సినీ దర్శకులు, ప్రొడ్యూసర్లు, ఇతర ఆర్టిస్టులు, టెక్నీషియన్లు ఏం చేస్తున్నారో అర్థం కాదు. ఎవరి కుంపటి వాళ్లు పెట్టుకొని, ఎవరికి తోచిన విధంగా వాళ్లు పది రోజులకు ఒక్కసారి ఏదో ఒక ప్రెస్ మీట్ పెట్టి ఏదో ఒకటి చెప్తున్నారు. ఈ ఒక్క సంకేతం చాలు అవతలివాళ్లకి.. విడగొట్టి ముందటి పబ్బమే కొనసాగించడానికి!

అత్యధికశాతం మంది సీమాంధ్రులు ఉన్న ఎ పి ఫిలిం ఛాంబర్ పేరును ఇప్పుడు "తెలుగు" ఫిలిం ఛాంబర్ అని మార్చటం అవసరమా? ఎ పి ఫిలిం ఛాబర్ ను ఎవ్వరూ ఇక్కడినుంచి వెళ్లిపొమ్మని చెప్పడం లేదే! ఎందుకంత భయం?

అక్కడ సెక్రెటేరియట్ రెండుగా ఎలా విడిపోయిందో.. అసెంబ్లీ ఎలా రెండుగా విడిపోయిందో.. అదే విధంగా ఇక్కడ ఫిలిం ఛాంబర్ కూడా విడిఫోక తప్పదు. ఎవరి ఛాంబర్ వారిది. ఎవరికి తోచినవిధంగా వాళ్లు పని చేసుకుంటారు. అంత సింపుల్ విషయాన్ని మొన్న తమ్మారెడ్ది భరధ్వాజ, నిన్న మురళీమోహన్ చాలా విచిత్రంగా రకరకాల స్టయిల్స్‌లో చెప్తున్నారు!  

అంత అవసరం లేదు. ఒక్కసారి విడిపోయాక అన్నీ విడిపోక తప్పదు. ముఖ్యంగా ఈ ఫీల్డులో ఉన్నంత ఆధిపత్యం, అణచివేత మరెక్కడా లేదు. ఇంకా ఎందుకీ ముసుగులు?

రాష్ట్రాలే విడిపోయాయి. ఇంక ఈ ఫిలిం ఛాంబర్లు ఎంత? విడిపోక తప్పదు.

ఎవరి సినిమాలు వాళ్లు ఎవరితోపడితే వాళ్లతో తీసుకోవచ్చు. బిజినెస్ చేసుకోవచ్చు. ఎవరూ కాదనరు. ఆధిపత్యం దగ్గరే అసలు సమస్య. ఇదంతా అనుభవించినవారికి తెలుస్తుంది. బయటినుంచి ఎవరు ఎన్నయినా నీతులు చెప్పొచ్చు. అది చాలా ఈజీ.

ఇదొక్కటే కాదు. విడిపోవటమంటూ జరిగితే బయటికి వచ్చే ఛాంబర్ లెక్కలు, భూములు, ఫ్లాట్లు, ఇళ్ల కేటాయింపులూ.. చాలా ఉన్నాయి. దాన్నించి తప్పించుకోడానికే ఇదంతా. ఎన్నడూ లేని ఈ హడావిడి.
ఈ "తెలుగు" స్ట్రాటజీ.

కనీసం క్రియేటివిటీ దగ్గరయినా చెత్త పాలిటిక్స్, కల్మశం లేకుండా విడిపోయి స్వఛ్ఛంగా బ్రతుకుదాం. స్వేఛ్ఛగా బ్రతుకుదాం. 

3 comments:

  1. telangana film chamber munduga nirmatalani enrol chesukuni appudu vidipothe baguntundi.

    ReplyDelete
  2. ఆల్‌రెడీ తెలంగాణ ఫిలిం ఛాంబర్‌లోనూ, ఎ పి ఫిలిం ఛాంబర్‌లోనూ తెలంగాణ నిర్మాతలున్నారు. పంపకాలు ఒక్కటే జరగాల్సింది!

    ReplyDelete
  3. Meeru cheppindi badundi sir.AP film chamber vallu ika akkadanundi vacchesi aplone develop chesukunte baguntundi.kalsi manam undamanna vallu vellagottadam kayam.

    ReplyDelete