Sunday 8 June 2014

పాజిటివ్ పాలిటిక్స్ దిశగా!

"ప్రజల్లో ఇప్పుడు చాలా అవేర్‌నెస్ వచ్చింది" అనేది చాలా పాత మాట. ప్రజల్లోకంటే ఇప్పుడు రాజకీయనాయకుల్లో బోల్డంత అవేర్‌నెస్ వచ్చింది. కాకపోతే ఎప్పట్లాగే.. ఒక జీవితకాలం లేటు!

అయినా సరే.. ఇది ఒక విధంగా మనస్పూర్తిగా మనం ఆహ్వానించదగ్గ పరిణామం. ఇప్పుడు రాజకీయ పార్టీలకు, నాయకులకూ అందరికీ ఒక్కటే గోల్.

"బాగా.. చాలా బాగా పనిచేయాలి!"

ఏదో ఊకదంపుడు ఉపన్యాసాలు, ప్రెస్‌మీట్లు కాకుండా.. నిజంగా పని చేసి చూపించాలి. ఇచ్చిన హామీలను నెరవేర్చాలి. ఇవ్వని ఇంకెన్నో హామీలను కూడా నెరవేర్చి, తమని గెలిపించినందుకు ప్రజలకు సర్‌ప్రయిజ్ గిఫ్టులు ఇవ్వాలి. ఇక మీదట ఇది తప్పదు.

వేలకోట్ల, లక్షల కోట్ల స్కాముల ద్వారా డబ్బు సంపాదించుకున్నవాళ్లంతా కూడా ఒక్క క్షణం ప్రశాంత జీవితం కొనసాగించలేకపోతున్నారన్న వాస్తవం గుర్తించాలి.

పని చేయండి. మీకు వోటేసిన ప్రజల నమ్మకాన్ని నిలబెట్టుకోండి. అయిదేళ్ల తర్వాత కూడా కుర్చీ మీదే. చరిత్రలో చిరస్థాయిగా నిల్చిపోతారు.

కేవలం డబ్బే కావాలనుకుంటే మాత్రం తొందరలో గద్దె దిగిపోడానికి కూడా సిధ్ధంగా ఉండాలి. తప్పదు. మరోసారి ఇక ఈ వైపు కూడా చూడలేరు. ఇదే నిజం.

ఈ నిజాన్ని ఇప్పుడు మన పొలిటీషియన్లు కూడా గుర్తించారు. 

1 comment:

  1. I truly hope this is true, at least of half those elected. While such changes in attitude can't be awaited for another lifetime, if the trend becomes evident within a couple of election cycles, that can surpass the wildest of expectations!

    ReplyDelete