Friday 29 March 2013

తెలుగమ్మాయి కావలెను!


పదహారణాల తెలుగమ్మాయిలు ముగ్గురి కోసం గత రెండు నెలలుగా శతవిధాలా వెతుకుతున్నాము. ఫిలిం మ్యాగజైన్లలో యాడ్స్ ఇవ్వటం నుంచి మొదలెట్టి, ఫేస్‌బుక్ మీదుగా, యూట్యూబ్ లోని షార్ట్ ఫిలింస్ లో నటించిన అమ్మాయిలదాకా...

ఏమాత్రం లాభం లేదు. కనీసం ఒక్క అమ్మాయిని సెలక్టు చేసుకోలేకపోయామంటే మాకే ఆశ్చర్యంగా ఉంది! అంతకు ముందు స్టార్ డైరెక్టర్లంతా తమ ఇంటర్వ్యూల్లో ఈ విషయం మీద ఎన్నోసార్లు వారి అనుభవాల్ని చెప్పారు. అప్పుడు నేను అంతగా పట్టించుకోని ఆ మాటలు ఇప్పుడు ఎంత నిజమో నా వ్యక్తిగత అనుభవంతో తెలుస్తోంది!

ఒకరిద్దరు నిజంగా బాగా ఉన్న అమ్మాయిలు ఆడిషన్‌కి వచ్చినా, చివరికి వాళ్ల పేరెంట్స్ పెట్టిన అర్థంలేని కండిషన్లతో (లేదా, మేం తీర్చలేని కోరికలతో) వారిని వెనక్కి పంపక తప్పలేదు. ఇంకా తెరమీద అరంగేట్రం చెయ్యని ఇంకొక అమ్మాయి ఏకంగా కొన్ని లకారాల రెమ్యూనరేషన్ అడిగింది!  పరిస్థితి ఇలా ఉంటుందని నేను అస్సలు ఊహించలేదు.

అయితే - ఇలా ఉన్నట్టుండి తెలుగమ్మాయిల స్పందన లేకపోడానికి, లాజికల్‌గా ఒక కారణం మాత్రం నేను అనుకుంటున్నాను. అది... ప్రస్తుతం పరీక్షల సీజన్ కావటం.

ఏమైనప్పటికీ, ముంబైలో ఓ ముగ్గురు అమాయిల్ని ముందే రిజర్వ్‌లో  పెట్టుకున్నాము కాబట్టి టెన్షన్ లేదు. లేదంటే ఇదొక పెద్ద టెన్షనే అయ్యేది. కొంతవరకు, ఫరవాలేదు అనుకున్న కొందరిని షార్ట్‌లిస్ట్ చేసి ఉన్నాము. అయినా, ఇంకా మా అన్వేషణ కొనసాగుతూనే ఉంది.

నాకు మాత్రం ఇంకా నమ్మకముంది... మా కొత్త సినిమాలో, నేను ఊహించిన స్థాయిలో కనీసం ఒక్క తెలుగమ్మాయి అయినా హీరోయిన్‌గా చేస్తుందని.

***

My Facebook Page: www.facebook.com/onemano
My Direct Email: manutimemedia@gmail.com

1 comment:

  1. Saryna tagina moolyamu chellinchakunda manchi arhata gala Telugu ammayilu dorakaru.Adepaniga OKA samvatsaram vethakaali kaallallo kanchu kaagadaalu veliginchi commitment tho vethakaali.Select ayina ammayiki mee katha nacchhaali screenplay nacchhali.Darshakudu kotta naayikanu findout cheyyaliSaavitrulu Jamunalu mattilo maanikyaalalaa
    nivuru gappina nippu kanikalla untaaru!durbhini vesi vethakaali!meeku telugutanam moorteebhavinchina naayikalu dorakaklani aakaanxistunna manohar gaaru!

    ReplyDelete