Tuesday 26 February 2019

"ఓవర్ నైట్ సక్సెస్" అనేది అసలుందా?

"ఓవర్ నైట్ సక్సెస్" అనే మాట మనం తరచూ వింటుంటాం. 

అంటే రాత్రికి రాత్రే సక్సెస్ సాధించటం అన్న మాట.

అసలంత సీనుంటుందా? 

రాత్రికిరాత్రే దొంగతనం చేసి ధనవంతుడైన ఒక దొంగ విషయంలో కూడా అంతే. ఆ ఒక్క రాత్రి లూటీ చేసి విజయం సాధించడం వెనుక ఆ దొంగ ఎన్నేళ్ల ప్రాక్టీసు, ఎంత కష్టం ఉందో ఎవరికి తెలుసు?

ఒక సైంటిస్ట్ అయినా, ఒక క్రియేటివ్ పర్సన్ అయినా, ఒక ప్రొఫెషనల్ అయినా, ఇంకే రంగంలో వారైనా సరే .. అందరికీ ఇదే వర్తిస్తుంది. 
 

సో, నా దృష్టిలో అసలు ఓవర్‌నైట్ సక్సెస్ అనేది లేదు. 

దేశంలోని టాప్ దర్శకుల్లో ఒకరైన మణిరత్నం తన తొలిచిత్రం నుంచి వరుసగా నాలుగు కమర్షియల్ ఫ్లాప్‌లు ఇచ్చిన విషయం ఎంతమందికి తెలుసు?

"మౌనరాగం" హిట్టు ఆతర్వాతే! 


హిట్ దర్శకుడు కాదని అప్పట్లో లీడ్‌లో ఉన్న ఒక హీరోయిన్ మణిరత్నం చిత్రంలో పనిచేయడానికి ఒప్పుకోలేదు. టాప్ దర్శకుడయ్యాక, అదే మణిరత్నం ను ఆ హీరోయిన్ పెళ్లాడింది. ఇంక ఆ హీరోయిన్ పేరు చెప్పడం అవసరమా? 

Success is always sexy. 

ఆమధ్య నేను వెళ్లిన ఒక యువ దర్శకుడి ఆఫీస్ లో - పూరి జగన్నాథ్ ఫోటోతో పాటు కొటేషన్ ఒకటి గోడకి అతికించి ఉంది. 

“It took 15 years to get overnight success!”  అని. 

ఇదే కొటేషన్ను సుమారు పదేళ్ల క్రితం ఓ స్పిరిచువల్ మార్కెటింగ్ గురు Joe Vitale పుస్తకం లో చదివాను. 

ఓవర్ నైట్ సక్సెస్ వెనక ఎన్నో కష్టాలు, ఎంతో కృషి ఉంటుంది. అది బయటి వారికి కనిపించదు.

వారికి కనిపించేది రెండే రెండు విషయాలు: 
సక్సెస్, ఫెయిల్యూర్. 

No comments:

Post a Comment