Monday 11 February 2019

తెలంగాణలో బయోపిక్‌లు ఎందుకని రావు?

ఒక్క ఎన్ టి ఆర్ మీదనే ఏకకాలంలో మూడు బయోపిక్‌లు తయారయ్యాయి. వాటిల్లో ఒకటి మొన్నీమధ్యే రిలీజయింది. దాని రెండో భాగం త్వరలో రిలీజ్ కాబోతోంది.

క్రిష్ దర్శకత్వంలో ముందు ఒక్క సినిమాకే ప్లాన్ చేసి, తర్వాత దాన్ని రెండు సినిమాలుగా రూపొందించారు. అది వేరే విషయం.

మరోవైపు, దర్శకుడు ఆర్జీవీ "లక్ష్మీస్ NTR" అనే టైటిల్‌తో, అదే ఎన్ టి ఆర్ మీద ఇంకో భారీ బయోపిక్ తీస్తున్నాడు.

దీని ట్యాగ్‌లైన్: 'అసలు కథ' .. టాప్‌లైన్: 'ఇది కుటుంబ కుట్రల చిత్రం!'

ఎన్ టి ఆర్, లక్ష్మీపార్వతిల ప్రేమను సింబాలిక్‌గా తీసుకొని అనుకుంటా .. ప్రేమికులరోజు ఫిబ్రవరి 14 నాడు, ఉదయం 9.27 నిమిషాలకు ఆర్జీవీ తను తీస్తున్న "లక్ష్మీస్ NTR" బయోపిక్ ట్రయలర్ రిలీజ్ చేయబోతున్నాడని ఇందాకే ఒక ట్వీట్ చదివాను.

ఇది సెన్సార్ దగ్గర ఏమవుతుందో ఆ పైనున్న ఎన్ టీ ఆర్ కే తెలియాలి. అసలా చాన్స్ ఎవ్వరికీ ఇవ్వకుండా తన మియా మల్కోవా సినిమాలా దీన్ని కూడా ఆన్‌లైన్‌లోనే రిలీజ్ చేస్తాడా వర్మ అన్నది ఆ సినిమా బడ్జెట్ అంత ప్రశ్న!

మొన్న 8వ తేదీనాడు వైయస్సార్ బయోపిక్ 'యాత్ర' రిలీజైంది. బాగా నడుస్తోంది.

ఒక బయోపిక్ సినిమాగా 'యాత్ర' ను బాగా తీసి, విజయవంతం చేసిన డైరెక్టర్ మహి వి రాఘవ్‌కు  శుభాకాంక్షలు. వైయస్సార్ పాత్రకు మమ్ముట్టిని ఎన్నుకోవడంలోనే మహి తొలి విజయం సాధించాడు.

క్రిష్ తీసిన ఎన్ టి ఆర్ బయోపిక్ మొదటి భాగం బాగుందో లేదో తెలీయదు కాని, బాగా నడవలేదు. భారీ నష్టాలపాలయ్యింది.

ఇంక హిందీలో అయితే లెక్కలేనన్ని బయోపిక్‌లు వచ్చాయి. ఇంకా వస్తూనే ఉన్నాయి.

త్వరలోనే మన టెన్నిస్ స్టార్ సానియా మీర్జా మీద కూడా ఒక బయోపిక్ రాబోతోందని లేటెస్ట్ న్యూస్.

కట్ చేస్తే - 

తెలంగాణలో ఈ మధ్య మన కేసీఆర్ మీద ఒకట్రెండు బయోపిక్‌లు తీసినట్టుగా చదివాను. అవి రిలీజయ్యాయో లేదో కూడా నాకు తెలియదు. వాటి నిర్మాణ విలువలు పైన చెప్పుకొన్న బయోపిక్‌ల స్థాయికి కనీసం దరిదాపుల్లో కూడా ఉండే అవకాశం లేదు.

దీనికి కారణం ఇక్కడ ఆ టాలెంట్ లేక కాదు.

డబ్బు పెట్టే నిర్మాతలు ఇక్కడ లేక!

ఎవరో ఒకరిద్దరున్నా, వారు కూడా ఎక్కడ, ఏ సినిమాలకు, ఏ హీరోలకు డబ్బు పెట్టాలో అక్కడే పెడతారు.

వారి తప్పేం లేదు.

బిజినెస్!

ప్రస్తుతం తెలంగాణలో "మల్లేశం" బయోపిక్ ఒకటి రెడీ అవుతోంది. చాలా మంచి ప్రయత్నం అది. ఆ సినిమా పూర్తయ్యాక, దాని రిలీజ్ నుంచి పెట్టిన డబ్బులు వెనక్కి తెచ్చుకొనేవరకూ ఆ టీమ్‌కు ఎలాంటి అడ్డంకులు, కష్టాలు రావొద్దని మనస్పూర్తిగా కోరుకొంటున్నాను. 

ఇక్కడి దర్శకుల టాలెంట్ గురించి మనవాళ్లే వాగే వాగుడుకి .. ఈ మధ్య ఎడాపెడా ట్రెండీ సూపర్ డూపర్ హిట్స్‌తో బాగా నిరూపించారు మన తెలంగాణ దర్శకులు. ఇంక దాని గురించి మాట్లాడే అవసరం లేకుండా.

ఆ దర్శకులు కూడా ఆ స్థాయి విజయాలను సాధించడానికి ఎన్ని రిస్కులు తీసుకొని, ఎన్ని కష్టాలు పడ్దారో వారి ఇంటర్వ్యూలే చెప్తాయి.

మామూలు కమర్షియల్ సినిమాలకే అట్లా ఉంటే .. ఇంక బయోపిక్‌లకు ఎవరు పెడతారు మన దగ్గర?

అల్లాని శ్రీధర్ "కొమరం భీమ్" తీయడానికి పడ్ద కష్టాలు ఎవరికి తెలుసు?

ఒక్క ముక్కలో చెప్పాలంటే, తెలంగాణలో దర్శకుల టాలెంట్‌లో 90 శాతం టాలెంట్, వారి విలువైన సమయం .. బడ్జెట్ ఎట్లా అన్న ఆలోచన, ఆ బడ్జెట్‌ను నానా రకాలుగా సమకూర్చుకొనే ప్రయత్నాలతోనే వృధా అవుతుంది.

తెలంగాణ దర్శకుల కష్టాలు ఒక బి నర్సింగరావుకు తెలుసు, ఒక అల్లాని శ్రీధర్‌కు తెలుసు, ఒక రమేష్ రెడ్డి తుమ్మలకు తెలుసు, ఇంకా .. ఇలాంటి చాలా మందికి తెలుసు. వారిలో ఎక్కడో ఒక మూలన మనోహర్ చిమ్మని కూడా ఉంటాడు.

సినిమా అంటే కోట్లు కుమ్మరిస్తారు. కోట్లు సంపాదిస్తారు.

ఆ దమ్ము ఇక్కడ లేదు.

ఇంక బయోపిక్‌ల కోసం వాళ్లలా ఒక్కో సినిమాకు 50, 60 కోట్లు మనవాళ్లెప్పుడు పెట్టాలి? 

2 comments:

  1. Most of the biopics are showing the persons as flawless and glorifying them. The directors and producers don't have the gumption to show the shortcomings of the person. The biopics are reduced to eulogies. Leave alone the biopics. Even the media, journalists, bloggers almost everyone has a fixed and biased view. And the fans and followers don't accept that their heroes can go wrong.

    ReplyDelete
  2. "ప్రస్తుతం తెలంగాణలో "మల్లేశం" బయోపిక్ ఒకటి రెడీ అవుతోంది. చాలా మంచి ప్రయత్నం అది"

    చింతకింది మల్లేశం బయోపిక్ ఒక సాహసం. సినిమా సఫలం కావాలని తద్వారా ఒక మహామనిషి అద్భుత జీవితం జనానికి తెలియాలని కోరుకుందాం.

    ReplyDelete