Sunday, 30 September 2018

'వరంగల్ ఈస్ట్' టికెట్ ఎవరికిస్తే బాగుంటుందో మీకు తెలుసా?

( సరదాగా / Just Kidding)
***

నేను పుట్టింది, పెరిగింది "వరంగల్ ఈస్ట్" నడిబొడ్డులో! 

పక్కా లోకల్ ... 

ఉస్మానియాలో 2 పీజీలు చేశాను. 2 గోల్డ్ మెడల్స్ సాధించాను. 3 సెంట్రల్ గవర్నమెంట్ జాబ్స్ చేశాను.

తిక్కలేచినప్పుడు, ఒక్కొక్కటిగా  ఆ జాబ్స్‌ను  రెజైన్ చేసిన రికార్డు కూడా ఉంది. 

అలాగని నేనేం రిచ్ కాదు. 

హైద్రాబాద్ వచ్చి పాతికేళ్లయినా ఇక్కడ నాకు జానెడు జాగా లేదు. సొంతిల్లు లేదు. అది వేరే విషయం. 

ఇప్పుడు ఫ్రీలాన్సర్‌గా లోకల్ నుంచి, మల్టీ నేషనల్ స్థాయి వరకు యాడ్స్ చేస్తున్నాను. ఒక్క 'అమెజాన్ డాట్ కామ్‌'కే ఫ్రీలాన్సర్‌గా ఓ అరడజన్ పనులు చేస్తున్నాను. రైటర్‌గా, ఘోస్ట్ రైటర్‌గా, సోషల్ మీడియా ప్రమోషన్ స్ట్రాటజిస్ట్‌గా .. ఇంకో డజన్ క్రియేటివ్ జాబ్స్ చేస్తున్నాను.  

రైటర్‌గా నంది అవార్డు తీసుకున్నాను. 

సినిమాల్లో 'స్పెషల్ అప్పియరెన్స్' ఇచ్చినట్టు, అప్పుడప్పుడూ డైరెక్టర్‌గా సినిమాలు కూడా డైరెక్ట్ చేస్తుంటాను. 

ఇప్పుడు "నమస్తే హైదరాబాద్", ఇంకో రెండు సినిమాలు చేస్తున్నాను.

బట్, సినిమాలు నా ప్రధాన వ్యాపకం ఎప్పుడూ కాదు.

జస్ట్ ఫర్ ఫన్.

జస్ట్ ఫర్ బిజినెస్. 

అంతే. 


ఈ ఫీల్డుని ఏ క్షణమైనా వదిలేస్తాను. 

దీన్ని మించిన ప్యాషనేట్ పనులు నేను చేయాల్సినవి ఇంకా చాలా ఉన్నాయి ఈ ప్రపంచంలో.

అవి ముఖ్యం నాకు. 


చెప్పాలంటే, అవే ముఖ్యం.     

కట్ టూ నా తెలంగాణ - 

నేను పుట్టిన తెలంగాణ అంటే నాకు ప్రాణం. 

ఆ తెలంగాణ సాధించిన కేసీఆర్‌కు నేనొక హార్డ్‌కోర్ ఫ్యాన్‌ను.

ఉద్యమసమయం నుంచి, ఇప్పటిదాకా .. తెలంగాణపైన, కేసీఆర్ పైన ఎన్నో ఆర్టికిల్స్ రాశాను. బ్లాగ్ పోస్టులు రాశాను. వీటన్నిటి సంకలనంతో ఒక పుస్తకం కూడా త్వరలో పబ్లిష్ చేసే ఉద్దేశ్యంలో ఉన్నాను. 

అయితే, ఎప్పుడా పని చేస్తానో ఇప్పుడే చెప్పలేను.   

ఏపీతో సహా, దేశంలోని ఎన్నో ఇతర ప్రాంతాలంటే కూడా నాకెంతో ఇష్టం. 

నా స్నేహితుల్లో అత్యధికభాగం మంది ఆంధ్ర నుంచే ఉన్నారు. దేశంలోని ఇతర ప్రాంతాలనుంచి కూడా ఉన్నారు. 

అంతెందుకు .. నా భార్య పుట్టిపెరిగింది హైద్రాబాదే అయినా, ఆమె పేరెంట్స్ కడపవాళ్లు! 

సో, రాజకీయాలు వేరు. స్నేహాలు, బంధుత్వాలు వేరు.

కట్ చేస్తే - 

ఏ లెక్కప్రకారం చూసినా మనోహర్ చిమ్మని 'రైట్ క్యాండిడేట్' అని .. పలు పార్టీలు నాకు టికెట్ ఇచ్చే ఆలోచనలో ఉన్నట్టు నిపుణుల సమాచారం. 

ఏ పార్టీ నుంచి పోటీచేసినా మనోహర్ చిమ్మని గెలుస్తాడని 'టుడే ఇండియా' విశ్లేషణ! 

మన ఇంటిపార్టీ టీఆరెస్‌లో ఆల్రెడీ ఈ 'వరంగల్ ఈస్ట్' సీటు గురించి నానా లొల్లి నడుస్తోంది. కాబట్టి, నాకు టీఆరెస్ నుంచి ఛాన్స్ లేదు.

సో, వేరే ఏదో ఒక పార్టీ తప్పదు. 

ఏ పార్టీ నుంచి గెలిచినా, తర్వాత ఎలాగూ మన రాజకీయాల్లోని 'ఎవర్‌గ్రీన్ అండ్ గుడ్-ఓల్డ్' ప్రాక్టీస్ ఒకటి ఉండనే ఉంది.

అదేంటో తర్వాత మరోసారి వివరంగా మాట్లాడుకుందాం.

సరే, ఇదంతా ఎలా ఉన్నా, మన కేసీఆర్ గారు చెప్పినట్టు 'రాజకీయాల్లో ఒక గుణాత్మక మార్పు' అనేది ఇప్పుడు చాలా అవసరం. అది తెలంగాణ నుంచే మొదలవ్వాలి.  


సో .. వరంగల్ తూర్పు సీటు కొసం, తెలంగాణ ప్రగతి కోసం, ఏ క్షణమైనా, ఏ గొంగలిపురుగునైనా నేను కూడా ముద్దుపెట్టుకుంటాను!  

జై కేసీఆర్!
జై తెలంగాణ!! 

Now the ball is in the court of all parties ... 😃

No comments:

Post a Comment