Saturday 22 December 2018

బుక్ ఫెయిర్, మిస్ యూ దిస్ టైమ్!

హైదరాబాద్ బుక్ ఫెయిర్ ఒక పండుగ.

పుస్తకాలు, పుస్తకపఠనం మీద ఆసక్తి ఉన్నవాళ్లు, ప్రచురణకర్తలు ఇంకా ఉన్నారనే ఒక నిజాన్ని తెలిపే పండుగ.

లాపీలు, మొబైల్ ఫోన్స్, కిండిల్స్ లో చదవడానికి అలవాటుపడ్డ ఈ డిజిటల్ యుగంలో .. ఒక పుస్తకం చదివేటప్పుడు భౌతికంగా ఆ పుస్తకస్పర్శను ఇష్టపడే పాఠకుల కోసం ఈ పండుగ.

డిజిటల్ విస్ఫోటనం తర్వాత 'పుస్తకాలు ఇక ఉండవు' అని చాలా మంది జోస్యం చెప్పారు. కానీ, అది నిజం కాదని ప్రపంచవ్యాప్తంగా పాఠకులు నిరూపించారు.

ఈ లెక్కల్ని ఎప్పటికప్పుడు ప్రఖ్యాత 'అమెజాన్ డాట్ కాం' చెప్తూనే ఉంది.

ఎన్నిరకాల డిజిటల్ పుస్తకాలు వచ్చినా, పుస్తకం పుస్తకమే.

ఈ డిజిటల్ యుగంలో కూడా పుస్తకప్రేమికుల సంఖ్య తగ్గలేదు. ఇంకా పెరిగింది.

అయితే, ఈ పుస్తక ప్రేమికుల పెరుగుదల మనదేశంలోకన్నా, బాగా అభివృధ్ధిచెందిన దేశాల్లోనే ఎక్కువగా ఉండటం అసలు కొసమెరుపు!

కమింగ్ టు ద పాయింట్ ...

నా వ్యక్తిగత కారణాలరీత్యా, ఈ సంవత్సరం, హైదరాబాద్ బుక్‌ఫెయిర్‌ను మిస్ అవుతున్నాను. బుక్‌ఫెయిర్‌లో అనుకోకుండా కలిసే ఎందరో మిత్రులను కూడా మిస్ అవుతున్నాను.    

Saturday 1 December 2018

కౌంట్ డౌన్ .. 6

"చంద్రబాబు తెలంగాణ దుష్మన్!"

ఈమధ్యకాలంలో ఇంత క్యాచీ 'బ్యానర్ హెడింగ్' చూళ్లేదు నేను.

రెండ్రోజుల క్రితం నమస్తే తెలంగాణ పత్రికలో పెట్టిన బ్యానర్ హెడ్డింగ్ అది.

థాంక్స్ టూ ది ఎడిటర్ కట్టా శేఖర్‌రెడ్డి గారు అండ్ హిజ్ టీమ్.

ఆల్రెడీ దీన్నే ట్వీట్ కూడా పెట్టాను.

అదే పేపర్లో ఇంకో రోజు కార్టూనిస్ట్ మృత్యుంజయ కార్టూనొకటి చూశాను. సూపర్బ్!

అదేంటంటే, "సార్ లేరా ఇంట్లో?" అని టీడీపీ ఆఫీసు ముందు ఒకతను అడుగుతుంటాడు. "లేడు, పక్కింటికి పెత్తనానికెళ్ళాడు" అని చెప్తాడు అక్కడున్న ఆఫీసు బంట్రోతు.

అదీ విషయం. 

కట్ చేస్తే - 

ఇక్కడ తెలంగాణలో 2018 ఎన్నికల సందర్భంగా ది గ్రేట్ బాబు గారు చేస్తున్నది అదే.

అక్కడ అమరావతిలో సొంతిల్లు కట్టుకోడమే ఇంకా చేతకాలేదు. పక్కింటిమీద పెత్తనానికొచ్చాడు.

ఇప్పుడు ఇక్కడ తెలంగాణలో ఎవ్వరూ ప్రశాంతంగా ఉండొద్దు.
కేసీఆర్ మళ్లీ అధికారం లోకి రావద్దు.
ఎక్కడ వీలైతే అక్కడ మళ్లీ ఆంధ్ర-తెలంగాణ ఫీలింగ్‌ను గుర్తు చేయాలి.
రెచ్చకొట్టాలి .. ఎట్సెట్రా ఎట్సెట్రా ..
ఇట్లా చెప్పుకుంటూపోతే ఇంకో వంద ఆలోచనలుంటాయి బాబు గారి ఎజెండాలో.
నిజానికి, అవి ఆలోచనలు కావు. కుట్రలు.

అవన్నీ తెలంగాణకు, తెలంగాణ అభివృధ్ధికి నష్టం కలిగించేవే. ఇక్కడ హాయిగా ఉన్న మనుషులందరిమధ్య కొత్తగా ఫీలింగ్స్‌ను రేకెత్తించే ప్రయత్నంలో భాగంగా బాబు గారు ఇంకో మాస్టర్ ప్లాన్ వేశారు.

హరికృష్ణ కుమార్తె చుండ్రు సుహాసినిని, "నందమూరి సుహాసిని" చేసి, కుక్కట్‌పల్లి బరిలోకి దింపారు.

పాపం బలిపశువు సుహాసిని.

ఆమె గెలవదుగాక గెలవదు. అయినా సరే నిలబెట్టాడు. వాళ్ల పరువు తీయడంకోసం. ఇంక ఆ నందమూరి వంశంవల్ల పార్టీకి ఏం ప్రయోజనంలేదని రేపు ఎలెక్షన్ల తర్వాత చెప్పడం కోసం.

"నిజంగా నీకు అంత ప్రేమ వాళ్లమీద ఉంటే, నీ కొడుకు లోకేష్‌ను మినిస్టర్ చేసినట్టు, ఈ సుహాసినిని కూడా అక్కడ ఏపీలో మినిస్టర్‌ను చెయ్యాల్సింది. ఎందుకు చెయ్యలేదు?"

ఇది మొన్న కుక్కట్‌పల్లి రోడ్‌షోలో మన మంత్రి కేటీఆర్ సూటిగా అడిగిన ప్రశ్న.

దీనికి ఆ ప్రపంచ మేధావి సమాధానం చెప్పగలడా?

చెప్పలేడు.

తెలంగాణ బాగుపడకూడదు. ఇక్కడ ఏ ప్రాజెక్టులు నిర్మాణం కాకూడదు. ప్రతిదానికీ అడ్దంగా కేసులు పెట్టించడం, లేదంటే, వద్దు వద్దంటూ వందలకొద్దీ లెటర్లు కేంద్రానికి రాయడం.

ఆయనకు తెలంగాణవాళ్లు అన్నా పడదు. తెలంగాణ పదం అన్నా ఇష్టం ఉండదు.

అందుకే .. పాపం అక్కడ ఏపీలో ప్రజలను, ప్రభుత్వాన్ని గాలికొదిలేసి ఇక్కడ తన కుటిల చక్రంతో నానా కుట్రలు చేస్తున్నారు.

అందుకే మన ముఖ్యమంత్రి కేసీఆర్ బాగానే అన్నారు:

చంద్రబాబు తెలంగాణ దుష్మన్!

ఆ దుష్మన్ కనుసన్నల్లో నడుస్తున్న మాయాకూటమికి వోటేస్తారా? 60 ఏళ్లుగా తెలంగాణలో లేని అభివృధ్ధిని ఆఘమేఘాలమీద చేసి చూపించి, అంతర్జాతీయస్థాయిలో గుర్తింపు కూడా  పొందుతున్న మన ఇంటిపార్టీ టీఆరేస్‌కు వోటేస్తారా?

ఆలోచించండి.

రేపు 7వ తేదీ నాడు మీ వోటు ద్వారా ఇలాంటి దుష్మన్‌ల ఆటలకు చెక్ పెట్టండి. 
మీ వోటుతో బుధ్ధి చెప్పండి.

మరోసారి ఇటివైపు రాకుండా చెయ్యండి.

Friday 30 November 2018

7 రోజుల కౌంట్ డౌన్!

2001 నుంచి, దాదాపు ఒకటిన్నర దశాబ్దంపాటు, మలిదశ తెలంగాణ ఉద్యమంలో పోరాడి తెలంగాణ సాధించుకొన్నాం.

ఈ విజయం అందరిదీ,  ప్రతి తెలంగాణ బిడ్డదీ.

అయితే - కేసీఆర్ లేకుండా ఈ ఉద్యమం లేదు. తెలంగాణ లేదు. ఎవరు ఒప్పుకొన్నా, ఒప్పుకోకపోయినా ఇదే నిజం.

ఉద్యమ విజయం నేపథ్యంలో, 2014 ఎన్నికల్లో మన ఇంటి పార్టీ టీఆరెస్ గెలిచింది. కేసీఆర్ ముఖ్యమంత్రిగా ప్రభుత్వాన్ని ఏర్పాటు చేసింది.

ఇదంత గొప్ప విషయం కాదు. ఎందుకంటే, ఉద్యమ విజయ నేపథ్యం అప్పటికింకా హాట్ హాట్‌గా ఉంది.

కట్ చేస్తే - 

తెలంగాణ తొలి ముఖ్యమంత్రిగా కేసీఆర్ సాధించిన విజయాలు, తెలంగాణను కనీసం ఒక 24 అంశాల్లో దేశంలోనే "నంబర్ వన్‌"గా నిలబెట్టాయి. పక్కరాష్ట్రాల నుంచి, జాతీయస్థాయిమీదుగా, ఐక్యరాజ్యసమితి వరకు .. ఎంతో గుర్తింపు తన చేతల ద్వారా సాధించి చూపెట్టారు కేసీఆర్. ఇప్పుడు ఇతర రాష్ట్రాలు, కేంద్రం కూడా మన తెలంగాణలో జరుగుతున్న పనులు, పథకాలను అనుసరిస్తున్నాయి.

60 ఏళ్లుగా, తెలంగాణలో కలలో కూడా ఊహించని ప్రగతిని, కేవలం 4 ఏళ్లలో సాధించి చూపించారు కేసీఆర్ అండ్ టీమ్.

ఇప్పుడిదంతా కొనసాగాలంటే, ఈ ఎన్నికల్లో విధిగా టీఆరెస్ గెలవాలి. మళ్లీ మన కేసీఆర్ ముఖ్యమంత్రి కావాలి.

కేసీఆర్ మళ్లీ ముఖ్యమంత్రి తప్పక అవుతారు. కానీ ఎంత మెజారిటీతో, ఎన్ని సీట్లతో అన్నది ఇప్పుడు మనకు చాలా ముఖ్యం.

ఒక్క ముక్కలో చెప్పాలంటే, ఈ 2018 ఎన్నికలే మనకు సిసలైన ఎన్నికలు.

తెలంగాణ వోటర్లందరికీ రేపు డిసెంబర్ 7 నాడు, పోలింగ్ బూత్‌లోని ఈవీఎం మీద ఒక్క "కారు గుర్తు" మాత్రమే కనిపించాలి. దాన్నే అందరూ కసిదీరా నొక్కాలి.

ఎంత కసి అంటే, "కేసీఆర్‌ను గద్దె దించడం" అనే ఒకే ఒక్క స్వార్థ ఎజెండాతో నిర్లజ్జగా ఏర్పడిన మాయాకూటమి, దాని తెరవెనుక పాత్రధారులు అంతా మన కసికి మసై కొట్టుకుపోవాలి.

మళ్లీ చెప్తున్నాను. రేపు డిసెంబర్ 7 నాడు జరగబోయే ఎన్నికలే మన తెలంగాణకు అతి ముఖ్యమైన ఎన్నికలు.

ఇజ్జత్ కా సవాల్ ...   

Monday 26 November 2018

Happy Birthday to Me!

ఇవాళ నా పుట్టినరోజు.

నేనేం సెలబ్రిటీ కాదు.

కానీ, ఫేస్‌బుక్ టైమ్‌లైన్ ఓపెన్ పెట్టాలి. ఫోన్‌కు అందుబాటులో ఉండాలి.

నా మిత్రులు, శ్రేయోభిలాషులైనవారందరి శుభాకాంక్షలను నేను తప్పక గౌరవిస్తాను. వారి అభిమానానికి సర్వదా కృతజ్ఞుణ్ణి.

కానీ, ఎక్కువభాగం, ఇదంతా ఒక అనవసరమైన ఆబ్లిగేషన్. హిపోక్రసీ.

అనవసరంగా కొనితెచ్చుకొనే ఒక మానసిక వత్తిడి.

కనీసం కొన్ని గంటలైనా ఈ హిపోక్రసీకి, ఈ వత్తిడికి దూరంగా ఉండాలనిపించింది.

అనుకోకుండా అలా ఉండే అవకాశాన్ని ఈసారి నా బర్త్‌డేనే నాకు గిఫ్ట్‌గా ఇచ్చినట్టుంది.

నిన్నరాత్రి 9 గంటలనుంచి ఫోన్‌లో ఏదో టెక్నికల్ ప్రాబ్లమ్ ..

ఇంక లాపీ కూడా ఓపెన్ చేయాలనిపించక దాన్ని కూడా దూరంగా పెట్టాను.

మొత్తం ఆఫ్‌లైన్! 

సుమారు 16 గంటలయ్యింది ..

చేతిలో ఆండ్రాయిడ్ ఫోన్ లేని ఈ జీవితమే బాగుంది.

నిజంగా ఆండ్రాయిడ్ ఫోన్ తీసేసి, ఒక చిన్న బ్లాక్ అండ్ వైట్ నోకియా మొబైల్‌తో, "ఫోన్‌ను ఫోన్‌లా మాత్రమే వాడే రోజు కోసం" నేను ఎదురుచూస్తున్నాను.

మిగిలిన అత్యవసరాలకు ఈమెయిల్, టెక్‌స్ట్ మెసేజ్‌లు చాలు నాకు.

ట్విట్టర్‌లు, ఫేస్‌బుక్‌లు ఎట్సెట్రా .. మనం కావాలనుకున్నప్పుడు, ఎప్పుడో కొంచెంసేపు, లాపీ ఓపెన్ చేసి మాత్రమే చూసుకోవాలన్నది నా ఉద్దేశ్యం.

ఇప్పుడీ బ్లాగ్ అలాగే రాస్తున్నాను.

కట్ చేస్తే - 

సుమారు ఆరేళ్లక్రితం, ఒక యాక్సిడెంట్‌లో 17 ముక్కలయిన నా ఎడమకాలును నట్స్ అండ్ బోల్ట్స్‌తో సరిచేశారు. దురదృష్టవశాత్తూ, నా అజాగ్రత్తవల్ల కొన్నిరోజుల క్రితం అదే కాలు మీద మళ్లీ గాయం అయ్యింది.

కర్ర, ప్లస్ ఒక మనిషి పక్కన లేకుండా నడవలేకపోతున్నాను. బయట తిరగలేకపోతున్నాను. ఎక్కడి పనులు అక్కడ ఆగిపోయాయి. అవసరాన్నిబట్టి, వీలైనంత తిరుగుతున్నాను. జర్నీలు కూడా చేస్తున్నాను.

అయితే, ఇంటా బయటా వత్తిడులకు ఈ నేపథ్యంతో ఏమాత్రం పని ఉండదు. ఏది ఎలా ఉన్నా, జరగాల్సిన టైమ్‌కు అన్నీ జరగాల్సిందే.

ఇప్పుడు కాలికి మళ్లీ ఆపరేషన్ తప్పదన్నారు. కొన్నిరోజుల్లో హాస్పిటల్‌లో అడ్మిట్ అవుతున్నాను. ఇప్పటికే ఈ విషయంలో చాలా ఆలస్యమైంది.

ఈలోగా కొన్ని పనులు చాలా వేగంగా పూర్తిచేయాల్సి ఉంది. 

ప్రస్తుతం ఆ బిజీలోనే ఉన్నాను.

నా జీవితంలో "నేను కోరుకున్న స్వేఛ్చ"ను అతి తొందరగా సాధించాలని ఈ బర్త్‌డే సందర్భంగా నన్ను నేనే విష్ చేసుకుంటున్నాను.

త్వరలో వచ్చే ఆ రోజు కోసమే బాగా పనిచేస్తున్నాను. ఎదురుచూస్తున్నాను.

నా జీవితంలోని ఈ దశలో, నేను పెట్టుకొన్న ఈ చిన్న గమ్యాన్ని అతి త్వరలోనే నేను చేరుకోగలననే నా నమ్మకం.

తప్పక చేరుకొంటాను కూడా. 

Happy Birthday to Me! 

Thursday 22 November 2018

వారసత్వం కాదు, చూడాల్సింది సత్తా!

కేవలం ప్రతిపక్షాలేకాదు, వ్యక్తిగత ఎజెండాలున్న చాలామంది ఒకటే పాట పాడుతుంటారు: "వారసత్వం కదా, ఏదైనా చేయొచ్చు" అని.

ఇంతకంటే పనికిరాని వాదన ఇంకోటి లేదు.

ఇది ఒక్క రాజకీయాల్లోనే అని కాదు. సినిమా ఫీల్డులో అయినా, బిజినెస్‌లో అయినా ఒకటే. దీని గురించి చాలా స్పష్టంగా ఒకసారి ఆర్జీవీ తన "రామూఇజం"లో బాగా చెప్పాడు.

కట్ బ్యాక్ టూ పాలిటిక్స్ - 

టీఆరెస్ కు ముందు గత 58 ఏళ్లలో, ఎంతమంది ముఖ్యమంత్రులు, మంత్రులు లేరు తెలంగాణలో? వారికి ఎంతమంది వారసులు లేరు? ఎవరో ఒకరిద్దరు తప్ప .. వారిలో ఏ ఒక్కరైనా ఎందుకని ఈ స్థాయిలో పనిచేసి నిరూపించుకోలేకపోయారు?

పోనీ, ఇప్పుడు దేశంలో ఉన్న ప్రముఖ రాజకీయనాయకుల్లో ఎంతమంది వారసులు ఏ విషయంలోనైనా, ఏ స్థాయిలో ఉన్నారో ప్రపంచమంతా తెలుసు. ప్రత్యేకంగా వారి పేర్లు ప్రస్తావించనవసరం లేదు.

ఢిల్లీలో ఒకరు, ఇక్కడ మన పక్కనే ఒకరు. అంత బ్రహ్మాండంగా వారికి వచ్చిన వారసత్వాన్ని ఎందుకని వినియోగించుకొని తమ సామర్థ్యాన్ని నిరూపించుకోలేకపోతున్నారు?

జస్ట్ గూగుల్‌లో కొడితే చాలు, రెండక్షరాల్లో దేశం మొత్తం వారికి పెట్టిన ముద్దు పేరు ఎలా కనిపిస్తోంది? అందులో ఒకరు స్వయంగా పార్లమెంటులో మాట్లాడుతూ, తనకా ముద్దు పేరు ఉన్నట్టు ఒప్పేసుకోవడం మరో పెద్ద విశేషం.   

సో, ఇక్కడ వారసత్వం అనేది అసలు పాయింట్ కానేకాదు.

ప్రజలకోసం, దేశంకోసం ఏదో చేయాలన్న నిరంతర తపన, అది సాధించి చూపగల సామర్థ్యం ముఖ్యం.

అది కవితలో, కేటీఆర్ లో అత్యున్నతస్థాయిలో ఉంది. ఎం పి గా ఒకరు, మంత్రిగా ఒకరు .. వాళ్లిద్దరూ చేస్తున్న పనులు, సాధిస్తున్న విజయాలు, పొందుతున్న మెచ్చుకోళ్ల గురించి ఎంతయినా చెప్పవచ్చు. వాళ్లలో సత్తా ఉంది. వాళ్లు కేసీఆర్ వారసులు కావడం అనేది అసలు ఇక్కడ పాయింటే కాదు. 

కాళేశ్వరం ప్రాజెక్టు ఎక్జిక్యూషన్‌లో హరీష్‌రావు అహోరాత్రులు ఎంత కృషి చేస్తున్నారో అందరికీ తెలిసిందే. పార్టీకి గానీ, ప్రభుత్వంలో ముఖ్యమైన పనులకు గానీ, హరీష్‌రావును ఒక "ట్రబుల్ షూటర్"గా విజయవంతంగా పనిచేయించుకోవడం కూడా అందరికీ తెలిసిందే. ఆయన ఆధ్వర్యంలో సిద్దిపేట ఇప్పుడొక మాడల్ టవున్ అయ్యిందంటే అతిశయోక్తికాదు. హరీష్‌రావు కేసీఆర్ మేనల్లుడు కావడం ఆయన తప్పుకాదు.

ప్రజాస్వామ్యంలో ప్రతి ఒక్కరికీ చాయిస్ ఉంటుంది. నిజంగా నీలో సత్తా ఉంటే, ఒంటరిగా ఏదయినా ప్రారంభించు. పోరాడు. సాధించు. ఎవ్వరూ నిన్ను ఆపలేరు.

2001 లో తన పోరాటం ప్రారంభించినప్పుడు కేసీఆర్ కూడా ఒక్కడే అన్న విషయం మనం మర్చిపోవద్దు.

వారసత్వం అంటే దేశం మీదపడేలా పెంచడం కాదు. దేశానికి ఉపయోగపడేలా పెంచాలి. ఈ విషయంలో కేసీఆర్ గారికి చాలా స్పష్టత ఉంది.  

Tuesday 20 November 2018

టీఆరేస్ విజయం పక్కా!

టీఆరెస్ అతి పెద్ద మెజారిటీతో గెలవబోతున్నది.

నాకెందుకో అలా అనిపిస్తోంది.

ఇది జోస్యం కాదు. నా ఇంట్యూషన్ అలా చెబుతోంది.

అంతా ఒక పక్కా ప్లాన్‌లా జరుగుతున్నట్టుగా నేను ఫీలవుతున్నాను. ప్లాన్ అనే కంటే, "వ్యూహం" అనడం కరెక్టు అనుకుంటాను.

నా దగ్గర ఖచ్చితమైన సమాచారం అంటూ ఏం లేదు కానీ, కేసీఆర్ గారు చాలా కూల్‌గా ఒక వ్యూహం రచించి, దాని ప్రకారం, ఇంకా కూల్‌గా దానికదే ఎగ్జిక్యూట్ అవుతుండటం చూస్తున్నారని అనుకుంటున్నాను.

మాయాకూటమి ఎప్పుడో చేతులెత్తేసింది.

నిజానికి, టీఆరెస్ ఘనవిజయాన్ని ముందుగా గ్రహించిందీ, వెంటవెంటనే జాగ్రత్తపడిందీ కూడా ఆ కూటమి లేదా అందులోని కొందరు అన్నది చాలా స్పష్టంగా తెలిసిపోయింది.

టీఆరెస్ వేసుకొన్న 100 అంకె ఇప్పుడు 105 వరకూ వెళ్లింది.

ఇంక ఇప్పుడు తెలంగాణలో ఎన్నికలు అనేది ఒక ఫార్మాలిటీ మాత్రమే. స్వల్పంగా హెచ్చుతగ్గులు ఏమైనా ఉంటే, అది కేవలం మెజారిటీ విషయంలోనే.

చలో ... నేనైతే, డిసెంబర్ 11 తర్వాత, తెలంగాణ ముఖ్యమంత్రిగా కేసీఆర్ మరొకసారి ప్రమాణస్వీకారం చేసే రోజుకోసం చూస్తున్నాను.

జయహో కేసీఆర్! 

Monday 19 November 2018

తెలంగాణ వస్తే ఏమొచ్చింది?

ఈ ప్రశ్న చాలాసార్లు వింటుంటాము.

అది మామూలుగా అడగటం కావొచ్చు. వ్యంగ్యం కావొచ్చు.

ఏం ఫరవాలేదు. మనదగ్గర వందల జవాబులున్నాయి.

 > వృధ్ధులకు పెన్షన్ ఒక్కసారిగా వెయ్యిరూపాయలకు పెరిగింది.
> ఒంటరి మహిళలకు పెన్షన్ కొత్తగా వచ్చింది.
> వికలాంగులకు 1500 పెన్షన్.
> "కళ్యాణలక్ష్మి"/"షాదీ ముబారక్" పథకం కింద పేద అమ్మాయిల పెళ్లిళ్లకు 1,00,116 సహాయం.
> తెలంగాణ పండుగ బతుకమ్మకు ప్రపంచస్థాయి గుర్తింపు తీసుకురావడం.
> కేవలం ఒక ప్రాంతపు గుప్పిట్లోనే ఉన్న రవీంద్రభారతిలో కొత్తగా తెలంగాణ కళలు, సినిమాల అభివృధ్ధికి వివిధ కార్యక్రమాలు, ఏర్పాట్లు, సౌకర్యాలు కల్పించడం. 
> పనులులేక, రుణభారంతో మరణిస్తున్న చేనేతన్నకు ఎన్నోరకాల చేయూత.
> రాష్ట్రమంతా అర్హులైన ఆడబిడ్డలకు బతుకమ్మ చీరెలు.
> రాష్ట్రమంతా 24 గంటల కోతల్లేని విద్యుత్ సరఫరా.
> రైతులకు ఉచితంగా 24 గంటల విద్యుత్ సరఫరా.
> రైతుల రుణమాఫీ.
> రైతుకు ప్రతిపంటకు నగదు సహాయంతో "రైతుబంధు" పథకం.
> రైతుకు 5 లక్షల ఉచిత "రైతు భీమా" పథకం.
> బాలింతలకు "కేసీఆర్ కిట్."
> చదువుకొనే అమ్మాయిలకు "హైజీన్ కిట్."
> హాస్టల్లలో ఉండి చదువుకొనే పిల్లలకు భోజనంలో సన్న బియ్యం.
> అమ్మాయిలను, ఆడవాళ్లను వేధించే వాళ్ల పాలిట "షి టీమ్‌స్."
> దేశంలోనే అత్యుత్తమస్థాయికి చేరుకొనేలా సాంకేతికంగా, శిక్షణాపరంగా ఆధునికం చేసిన పటిష్టమైన పోలీస్ వ్యవస్థ.
> రాష్ట్రంలో పేకాట, గ్యాంబ్లింగ్ బంద్. ఆన్ లైన్ లో కూడా లేదు.
> ఆధునికంగా మారిన ప్రభుత్వ ఆసుపత్రులు, స్కూళ్లు.
> జిల్లాకొక ఉచిత డయాలసిస్ సెంటర్.
> రాష్ట్రంలో ఉచితంగా కంటి పరీక్షలు, ఉచితంగా కళ్ళద్దాలు ఇచ్చే కార్యక్రమం: "కంటివెలుగు." రికార్డుస్థాయిలో ఇప్పటికే సుమారు 85 లక్షలమందికి కంటిపరీక్షలు జరిపి, అవసరమైనవారికి కళ్లద్దాలివ్వటం జరిగింది.
> ప్రభుత్వ ఆసుపత్రుల్లో ప్రసవాల సంఖ్య గణనీయంగా పెరగటం. ప్రజల్లో నమ్మకం పెంచడానికి, స్వయంగా ఆసుపత్రి డాక్టర్స్ కూడా అదే ప్రభుత్వ ఆసుపత్రిలో డిలివరీ కావడం.
> ప్రభుత్వ స్కూళ్లలో అడ్మిషన్లు గణనీయంగా పెరగటం.
> యాపిల్, మైక్రోసాఫ్ట్, అమెజాన్, గూగుల్ వంటి ఎన్నో ప్రపంచస్థాయి కంపెనీలు హైదరాబాద్‌లో వారి కొత్త యూనిట్లు స్థాపించడం.
> సాఫ్ట్‌వేర్ రంగంలో ఎగుమతులు అత్యధికస్థాయిలో పెరగటం. 
> టి ఎస్ "ఐపాస్" కింద 15 రోజుల్లో అన్నిరకాల పరిమితులనిస్తూ ప్రపంచవ్యాప్తంగా పారిశ్రామికవేత్తలను ఆకర్షించడం, ఇప్పటికే వందలాది యూనిట్ల ప్రారంభం.
> వరంగల్ లో టెక్స్‌టైల్ పార్క్.
> హైదరాబాద్ లో ఫార్మాసిటీ.
> ఇంటింటికీ నల్లా.
> ఒకప్పుడు ఎడారిలా ఉన్న మహబూబ్‌నగర్ జిల్లాలో ఇప్పుడు ఎక్కడ చూసినా పచ్చదనం కంపించేలా నీటిపరవళ్లు.
> అత్యంత వేగంగా అన్ని పరిమితులనూ పొంది, పూర్తికావస్తున్న కాళేశ్వరం ప్రాజెక్టు.
> అనేక నీటిపారుదల పథకాల కోసం "మిషన్ భగీరథ."
> వందల ఏళ్ల తర్వాత చెరువుల పునరుధ్ధరణతో "మిషన్ కాకతీయ."
> పరిపాలనా సౌలభ్యంకోసం, ప్రజల సౌకర్యం కోసం 31 కొత్త జిల్లాల ఏర్పాటు.
> పరిపాలన సంబంధమైన, ఇతర అంశాల్లో సుమారు 24 విషయాల్లో దేశంలోనే అగ్రస్థానం సాధించడం.
> రైతుబంధు, రైతుభీమా పథకాలు ఐక్యరాజ్యసమితి గుర్తింపు సాధించడం.

... ఇట్లా కనీసం ఇంకో 400 అంశాలను చెప్పగలను.

నేనేకాదు, మాతృభూమి తెలంగాణను ప్రేమించే ప్రతి తెలంగాణ బిడ్డ చెప్పగలడు. ఇక్కడ తెలంగాణలో ఉన్నా .. ఎక్కడో కెనెడా, యూకే, యూరోపుల్లో ఉన్నా కూడా చెప్పగలడు.

మనసుంటే మార్గం ఉంటుంది.

ఇప్పటివరకూ, రాజకీయాలంటే దోచుకోవడం అన్నదొక్కటే తెలుసు.

కానీ, ప్రజలకు సేవ చేయటమే నిజమైన రాజకీయం అనీ, ప్రజలకోసం ఎంతైనా చేయొచ్చుననీ, దానికి ఆకాశమే హద్దనీ కొత్త పాఠాలు నేర్పారు తెలంగాణ సాధకుడు, తెలంగాణ తొలి ముఖ్యమంత్రి కేసీఆర్ గారు.

ఈ పాఠాల్లో చాలావాటిని పక్క రాష్ట్రాలు మాత్రమే కాదు, కేంద్ర ప్రభుత్వం కూడా ఫాలో అవుతుంటం విశేషం.

తెలంగాణ వస్తే చాలా మార్పు వచ్చింది. ఆ మార్పు ఒక్క తెలంగాణలోనే కాదు, దేశమంతా వచ్చింది.

రాజకీయాల్లో ఒక గుణాత్మక మార్పుకు శ్రీకారం ఇక్కడ తెలంగాణలోనే జరిగింది.

ఇప్పుడు రాజకీయం అంటే అధికారం ఒక్కటే కాదు, ప్రజల పట్ల బాధ్యతకూడా.

దటీజ్ కేసీఆర్.

దటీజ్ తెలంగాణ. 

Sunday 18 November 2018

డైనమిజమ్ అన్‌లిమిటెడ్!

కేసీఆర్ గారికి వచ్చిన #ET "బిజినెస్ రిఫార్మర్ ఆఫ్ ది ఇయర్" అవార్డును, ఉపరాష్ట్రపతి వెంకయ్యనాయుడు చేతులమీదుగా, కేసీఆర్ తరపున మంత్రి కేటీఆర్ నిన్న అందుకున్నారు.

కట్ చేస్తే - 

అవార్డు అందుకున్న తర్వాత, అక్కడ నాలుగు మాటల్లో కృతజ్ఞతలు చెప్పే ఆ కొద్ది సమయాన్ని కూడా మన డైనమిక్ మంత్రి కేటీఆర్ వదులుకోలేదు.

వందలాదిమంది పారిశ్రామికవేత్తలు, బిజినెస్ మాగ్నెట్స్ అలా ఎప్పుడో ఒకసారి తప్ప, ఒక్కచోట దొరకరు!

కేసీఆర్‌కు ఈ అవార్డు రావడానికి ముఖ్యకారణమైన "టిఎస్ ఐపాస్" గురించి చకచకా నాలుగుముక్కల్లో చెప్పేశారు.

"తెలంగాణలో ఎవ్వరైనా ఏ ఫ్యాక్టరీగానీ, పరిశ్రమగానీ పెట్టాలనుకొనేవాళ్లకు అంతా సెల్ఫ్ డిక్లరేషనే. అనుమతులన్నీ మంజూరు చేసి, కేవలం 15 రోజుల్లో మీ బిజినెస్ ప్రారంభించుకోడానికి సర్టిఫికేట్ ఇస్తాం.

ఒకవేళ 15 రోజుల్లో మీకు సర్టిఫికేట్ రాలేదంటే, ఆటొమాటిగ్గా మీకు సర్టిఫికేట్ వచ్చినట్టే లెక్క!

ఇదంతా ఒక్క మా తెలంగాణలోనే సాధ్యం. ఏ మహారాష్ట్రలో గానీ, ఆఖరుకు గుజరాత్‌లోగానీ లేదు" .. అంటూ చమత్కరిస్తూ తన 2 నిమిషాల థాంక్సోపన్యాసాన్ని ముగించారు కేటీఆర్.

దటీజ్ డైనమిజమ్.

With that said -

రాష్ట్రస్థాయిలోనే కాదు, జాతీయస్థాయిలో కూడా తన ఊహే హద్దుగా ఎంత ఎత్తుకయినా ఎదిగే  అవకాశాలు కేటీఆర్‌కు పుష్కలంగా ఉన్నాయనడంలో ఎలాంటి అతిశయోక్తి లేదు. 

అవసరమైనప్పుడు సలహాలు, సూచనలు ఇవ్వడానికి వెనుక కేసీఆర్ ఎలాగూ ఉన్నారు.    

Saturday 17 November 2018

మళ్లీ గులాబీలే విరబూస్తాయి!

"25 వస్తే ఎక్కువ టీఆరెస్‌కు!"

ఏదో పనిమీద మొన్న మా ఆఫీసుకొచ్చిన ఒక అడ్వొకేట్ ఉవాచ అది.

"ఈసారి కేసీఆర్ రాడు సార్!"

అదే రోజు సాయంత్రం మా ఆఫీసు బయట కలిసిన ఒక టీవీ ఛానెల్ రిపోర్టర్ అలా తేల్చేశాడు. కేసీఆర్ ఎందుకు రాడో ఆయన దగ్గర మొత్తం సమాచారముందట.

"ముందస్తు ఎన్నికలకు పోయినవాళ్లెవరూ గెలిచిన దాఖలాలు లేవు. ఇదే రేపు కేసీఆర్‌కు జరగబోతోంది!"

ఒక సీనియర్ సూడో రాజకీయ విశ్లేషకుని జోస్యం.

ఇదంతా టైమ్ పాస్ బఠానీ సెక్షన్. 'రివ్యూలు చదివి, సినిమా చూసిన ఆనందం పొందేవాళ్ళ' లాగన్నమాట!

తెల్లారిలేస్తే రివ్యూలు చదివేటోళ్లు అసలు సినిమాలకు పోరు. వీళ్ళతో టికెట్లు తెగవ్. ఎగబడి సినిమాలకు పోయేటోళ్లు అసలు రివ్యూలు చదవరు. టికెట్లు తెగేది వీళ్లతోనే. కోట్లు వచ్చేది వీళ్లతోనే.

సో, మన టైమ్ పాస్ బఠానీ సెక్షన్ కూడా అట్లాంటిదే. వీళ్ళల్లో ఎంతమంది రేపు పోలింగ్ బూత్ కు పోయి ఓట్లేస్తరో ఆ వేములవాడ రాజన్నకే తెలవాలి.

కట్ చేస్తే - 

ఏ గ్రామానికైనా వెళ్లండి. ఏ ఊరికైనా వెళ్ళండి. చిన్న టౌన్ లు, పెద్ద సిటీలు కూడా అంతే.

టీఆరెస్ .. టీఆరెస్.

కేసీఆర్ .. కేసీఆర్. 

అంతా గులాబీమయం!

ఒక్క విషయం పైన అందరికీ చాలా స్పష్టమైన అవగాహన ఉంది:

తెలంగాణకు ముందు పరిస్థితి ఏంటి, తెలంగాణ తర్వాత ఏంటి?

దేశం మొత్తంలో, అతి తక్కువ సమయంలో, అద్భుత ఫలితాలను, ఊహించని మార్పులను అత్యంత వేగంగా చూపించిన ఏకైక ప్రభుత్వం తెలంగాణలోని తెరాస ప్రభుత్వం ఒక్కటే.

అలాంటి పనిచేసే ప్రభుత్వం మాత్రమే మళ్లీ రావాలనుకుంటున్నారు తెలంగాణ ప్రజలు.

కేసీఆరే మళ్ళీ ముఖ్యమంత్రి కావాలనుకొంటున్నారు.

రేపు ఎన్నికల్లో అదే జరగబోతోంది.    

Sunday 28 October 2018

ప్రాధాన్యాలు ముఖ్యం!

నా ప్రియమైన నేస్తం 'నగ్నచిత్రం' బ్లాగ్‌కు ఇంక శెలవ్!

నిజంగా.

ఆగస్టు, 2012 - సెప్టెంబర్, 2018.

సుమారు 6 సంవత్సరాల సహచర్యం తర్వాత, నాకెంతో ప్రియమైన నా బ్లాగ్ "నగ్నచిత్రం"కు ఈరోజు నిజంగా గుడ్‌బై చెప్తున్నాను.

దస్విదానియా. సయొనారా. గుడ్‌బై. సెలవు ..

కట్ చేస్తే -  

"మైండ్ చేంజెస్ లైక్ వెదర్" అన్నారు.

ఇంతకుముందు కూడా రెండు మూడుసార్లు ఇలా గుడ్‌బై చెప్పాలని చాలా గట్టిగా అనుకొన్నాను. కానీ, అంత ఈజీగా ఆ పని చేయలేకపోయాను.

కొన్ని అలవాట్లు అంత ఈజీగా వదలవు.

కానీ, ఇప్పుడు మాత్రం ఊరికే అనుకోవడం కాదు. ఈ విషయంలో నిర్ణయం ఇప్పుడు నిజంగా తీసేసుకున్నాను.

అంతా ఒక్క క్షణంలో జరిగింది.

ఇలా అనుకున్నాను .. వెంటనే ఈ బ్లాగులో, ఈ చివరి పోస్టు రాస్తున్నాను!

ప్రాధాన్యాలు చాలా ఉన్నాయి. వాటిలో కొన్నిటికి నా బ్లాగ్ కూడా ఉపయోగపడొచ్చు. కానీ, ఆ పని ట్విట్టర్, ఫేస్‌బుక్, ఇన్స్‌టాగ్రామ్‌ల ద్వారా కూడా నేను చేయగలను.

చెప్పాలంటే ట్విట్టర్ ఒక్కటి చాలు.

వివిధరంగాల్లో ఉన్న ఎంతోమంది స్టాల్‌వార్ట్స్ ఈ మినీ బ్లాగింగ్ సైట్ ట్విట్టర్‌ను ఎంతో అద్భుతంగా వాడుతున్నారు.

నేను ప్రస్తుతం ఒక సినిమా చేస్తున్నా కాబట్టి, నా టీమ్ "తప్పదు, ఫేస్‌బుక్‌ను ఈ సినిమా అయ్యేదాకా కంటిన్యూ చెయ్యాల్సిందే" అని పట్టుబట్టడంవల్ల ... నాకు అత్యంత బోరింగ్‌గా ఉన్నా, తప్పనిసరై ప్రస్తుతం ఫేస్‌బుక్‌ను కంటిన్యూ చేస్తున్నాను.

కొన్ని తప్పవు, మనకు ఇష్టం ఉన్నా లేకపోయినా.

కట్ టూ 'సెలెక్టివ్ మెమొరీ' - 

ఈ బ్లాగ్‌లోని కొన్ని ఎన్నికచేసిన బ్లాగ్ పోస్టులతో "నగ్నచిత్రం" పేరుతో తీరిగ్గా, ఒక ఏడాది తర్వాత ఒక పుస్తకం తప్పక పబ్లిష్ చేస్తాను.

అది నా జ్ఞాపకం కోసం.

దాని పీడీఎఫ్ ఫ్రీగా ఆన్‌లైన్‌లో పెడతాను. వేలాదిమంది నా ప్రియమైన బ్లాగ్ రీడర్స్ కావాలనుకొంటే దాన్ని డౌన్‌లోడ్ చేసుకొని చదువుకోవచ్చు.

ఇప్పటికే, ఈ బ్లాగ్‌లో రాసిన కొన్ని పోస్టులు, మరికొన్ని ఆర్టికిల్స్ కలెక్షన్‌తో కలిపి కేసీఆర్ గారి మీద ఒక పుస్తకం అతి త్వరలో పబ్లిష్ చేస్తున్నాను. బహుశా, ఇప్పుడు రాబోతున్న ఎలక్షన్స్‌కు ముందే.

నా ఇప్పటి అత్యవసర ప్రాధాన్యాలన్నీ పూర్తిచేసుకున్న తర్వాత, మళ్ళీ నా ఆనందం కోసం, నేను తెలిసిన నా నిజమైన మిత్రులు, శ్రేయోభిలాషులకోసం, ఓ కొత్త బ్లాగ్ ప్రారంభించాలని ఒక ఆలోచన.

దాని గురించి ట్విట్టర్‌లో చెప్తాను. ఇంకా చాలా టైమ్ ఉంది.

ఇదే నెల 31 నాడు ఫేస్‌బుక్‌కి కూడా గుడ్ బై చెప్తున్నాను. నిజానికి ఎఫ్ బి కి కూడా గుడ్ బై ఈరోజునుంచే! కాకపోతే, ఈ నెలాఖరువరకు, నా ట్విట్టర్ లింక్‌ను అక్కడ నా ఎఫ్ బి టైమ్‌లైన్ మీద కొన్నాళ్ళపాటు ఉంచాలని నా ఉద్దేశ్యం.

సో, ఇకనుంచీ ఓన్లీ ట్విట్టర్.   

ఎందరో మహానుభావులు. అందరికీ వందనాలు. :) 

Saturday 27 October 2018

అనుభవిస్తేనేకానీ తెలీని నిజం

ఎంత వద్దనుకున్నా కొన్ని అనుభవాలు మన జీవితంలో ఒక సునామీని సృష్టిస్తాయి.

మనచేతుల్లో ఏదీ ఉండని, ఏ ఒక్క పనీ జరగని ఒక విచిత్రమైన పరిస్థితిని క్రియేట్ చేస్తూ.

ఇలాంటివాటిని నేను అస్సలు నమ్మను.

ఇప్పటికి కూడా!

మనలోనో, మన ప్రయత్నంలోనో, మన నిర్ణయంలోనో ఉంటుంది తప్పు. మన పనివిధానంలోనో, మన చుట్టూ మనం క్రియేట్ చేసుకొన్న వాతావరణంలోనో ఉంటుంది తప్పు.

ఈ తప్పు బయటి వ్యక్తులవల్లనో, పరిస్థితులవల్లనో కూడా జరగొచ్చు.

ఈ తప్పుని గుర్తించడం మాత్రం అంత ఈజీ కాదు.

గుర్తించినా, చాల్లాసార్లు మన ఈగో ఒప్పుకోదు. మనకిలాంటి ఈగో ఉందన్న నిజాన్ని మన మనసొప్పుకోదు.

అయితే, ఈ లాజిక్కులెలా ఉన్నా, ఈ నిజాల్ని ఒప్పుకొనే సమయం కూడా మనకొస్తుంది. కానీ అప్పటికే మన జీవితంలో చాలా విలువైన సమయాన్ని మనం కోల్పోయుంటాము.

ఇష్టం లేకపోయినా సరే, అప్పుడు చెప్తాము. ఒక్కటే మాట.

సరెండర్.

దేవుడు గుర్తుకొస్తాడు. లేదా మనకు తెలీని ఆ శక్తి ఏదో గుర్తుకొస్తుంది.

సరెండర్.

అంతే ఇంకేం చేయలేం.

ఇలా మనల్ని సరెండర్ చేయించగలిగే శక్తి ఈ ప్రపంచంలో ఒకటిరెండు విషయాలకు మాత్రమే ఉంది.  వాటిలో ప్రధానమైనది ...

డబ్బు.

జీవితంలో ఏం జరిగినా జాంతానై. డబ్బు డబ్బే!

ఈ ఒక్కవిషయంలో ఎలాంటి ఫీలింగ్స్‌కు తావులేదు. బంధువులైనా, మిత్రులైనా, శత్రువులైనా, శ్రేయోభిలాషులైనా.

ఎవరైకైనా సరే, అనుభవిస్తేనేకానీ తెలీని నిజం మన జీవితంలో ఇదొక్కటే.

డబ్బుదగ్గర ఏ లాజిక్కులూ, ఏ నమ్మకాలూ, ఏ వ్యక్తిత్వాలూ, ఏ రిలేషన్లు పనిచేయవు. నిలవవు.

మన అనుభవంలోకి వచ్చేవరకూ ఈ నిజాన్ని మనం అస్సలు నమ్మలేం.

దటీజ్ ద పవరాఫ్ డబ్బు! 

Thursday 25 October 2018

నిజం ఒప్పుకోడానికి ఈగోలు ఎందుకు?

అందమైన ఒక అమ్మాయిల బృందం ఆకాశంలో బతుకమ్మ ఆడుతోంది.

ఇది కవిత్వం కాదు.

ఊహ కాదు.

నిజం.

రంగురంగుల పూలతో అందంగా పేర్చిన బతుకమ్మలను చేతిలో పట్టుకొని, ఒక అరడజను మంది ఆడపడచులు నిజంగానే ఆకాశంలో బతుకమ్మ ఆడుతున్నారు.

ఆకాశంలోనే, చుట్టూ వున్నవాళ్లు, ఆ అద్భుతమైన దృశ్యాన్ని వారి మొబైల్ ఫోన్లల్లో చిత్రీకరిస్తున్నారు.

ఆ ఆకాశం మరేదో కాదు.

జెట్ ఎయిర్‌వేస్ విమానం!

మొన్న ఆదివారం, హైదరాబాద్ నుంచి ముంబై వెళ్తున్న ఆ ఫ్లైట్‌లో, చేతిలో బతుకమ్మలతో ఆడి పాడి, ప్యాసెంజెర్లను సంభ్రమాశ్చర్యాల్లో ముంచెత్తిన ఆ అమ్మాయిలు కూడా మరెవరోకాదు.

జెట్ ఎయిర్‌వేస్ ఎయిర్ హోస్టెస్‌లు! 

కట్ టూ మన ఈగోలు - 

'కవిత పుట్టకముందునుంచే తెలంగాణలో బతుకమ్మ ఉన్నది. కేసీఆర్ టీఆరేస్ పార్టీ పెట్టకముందు కూడా బతుకమ్మ ఉన్నది. కొత్తగా కవిత చేసిందేం లేదు' .. అని నానా కామెంట్లు విన్నాను. చదివాను.

ఇప్పటికే కనుమరుగైపోయిన మన ఎన్నో పండుగలు, ఆచారాలు, సాంప్రదాయాల్లాగే మన తెలంగాణ బతుకమ్మ కూడా దాదాపు ఒక అంతిమ అంతర్ధాన దశకు చేరుకుంటున్న సమయంలోనే .. ఒకరి మనసులో ఒక మెరుపు మెరిసింది.

ఆ ఒక్కరు మన ఎం పి కవిత గారు.

ఆమె మనసులో మెరిసిన ఆ మెరుపు మన బతుకమ్మ.

మిగిలిందంతా చరిత్రే!

మన బతుకమ్మను ఎవరూ ఊహించని విధంగా, ఎవరూ ఊహించని స్థాయిలో, తెలంగాణ ఉద్యమానికి కూడా అత్యంత సమర్థవంతంగా కనెక్ట్ చేసింది మన కవిత. 

తెలంగాణ జాగృతి వేదికగా బతుకమ్మ పండుగను పూర్తిస్థాయిలో పునరుజ్జీవింపజేసింది మన కవిత.

ఒక్క తెలంగాణలోనే కాదు .. దేశమంతా, యావత్ ప్రపంచమంతా ఇప్పుడు 'బతుకమ్మ పండుగ జరుపుకోవడం' అనేది ఒక గర్వపడే అంశంగా, ఒక విడదీయలేని సాంప్రదాయిక బంధంగా, మన తెలంగాణ ఆడపడచుల హృదయాల్లో నిలపడంలో వందకి వందశాతం సక్సెస్ సాధించారు మన కవిత.

జెట్ ఎయిర్‌వేస్ ఫ్లైట్‌లో బతుకమ్మ ఆలోచన ఎవరిదోగాని, వారికి నా హాట్సాఫ్!

ఈ ఆలోచన ఎవరిదైనా కానివ్వండి. అది రావడానికి పరోక్షంగా ఇన్స్‌పిరేషన్ మాత్రం తప్పకుండా కవిత గారే.

నిజమే. కవిత గారు లేకపోయినా మన తెలంగాణవాళ్లు బతుకమ్మ ఆడుతుండేవాళ్లే. కానీ, మన జీవనశైలిని, మన కుటుంబ బంధాలను, మన సంప్రదాయాలను నిర్దాక్షిణ్యంగా విధ్వంసం చేస్తున్న ఈనాటి ప్రపంచీకరణ, ఆండ్రాయిడ్ ఫోన్ల జీవితం నేపథ్యంలో ... ఇంకొన్నాళ్లకయినా మన బతుకమ్మ క్రమంగా అంతరించిపోయేదే.

అందులో ఎలాంటి సందేహం లేదు.

అట్లా కాకుండా, మన బతుకమ్మను గిన్నిస్‌స్థాయిలో నిలబెట్టింది మన కవిత.

అసలు బతుకమ్మ ఆడటమే ఇప్పుడొక స్టేటస్ సింబల్‌గా చేసింది మన కవిత.

ఈతరం ఆధునిక టీనేజ్ కాలేజ్ అమ్మాయిలు కూడా, ఎంతో చక్కగా, తొమ్మిదిరోజులు ఆడే మన బతుకమ్మకుండే ఆ తొమ్మిది పేర్లను కూడా, అదే వరుసక్రమంలో చెప్తుండటం మొన్న నేను ఒక ఎఫ్ ఎం రేడియో లైవ్ ఇంటరాక్టివ్ ప్రోగ్రాంలో విని, నిజంగా సంభ్రమంతో షాకయ్యాను.

క్రెడిట్ రియల్లీ గోస్ టూ మన కవిత గారు!

కవితగారికి అసలు ఈ ఆలోచన రావడానికి, తను ఈ దిశలో ఇంతగా కృషి చేయడానికి నేపథ్యం - 
మన తెలంగాణ ఉద్యమం.

ఆ ఉద్యమాన్ని విజయపథంలో ముందుకు నడిపిన మన కేసీఆర్. 

ఈ నిజం ఒప్పుకోడానికి మాత్రం కొందరి ఈగోలు ఒప్పుకోవు.

తప్పులేదు. వారి ఎజెండాలు వారివి. వాళ్లలోకంలో వాళ్లనలా వదిలేద్దాం.

కట్ బ్యాక్ టూ మన బతుకమ్మ - 

ఈ పోస్ట్ రాయడానికి కారణమైన మన బతుకమ్మ, మన ఎం పి కవితగారికి వందనం. అభివందనం.

నా బాల్యంలో, నేను పుట్టిపెరిగిన వరంగల్‌లోని ఉర్సుగుట్ట దగ్గర, ప్రతియేటా నేను చూసి, ఆనందం అనుభవించిన ఆనాటి బతుకమ్మ పండుగ మధుర జ్ఞాపకాలు మళ్లీ నా కళ్లముందు కనిపించడానికి కారణమయ్యారు మీరు.   

ఎవరో కొందరిచ్చే కిరీటాలు మీకక్కర్లేదు. ఎవరి విమర్శలను మీరు పట్టించుకోనక్కరలేదు.

ఇంక వందేళ్లయినా ఎవ్వరూ మర్చిపోలేని స్థాయిలో, ఎవ్వరూ విస్మరించలేని స్థాయిలో మన బతుకమ్మను మీరు మళ్లీ బతికించారు.

అది చాలు.

మీరు నిజంగా ధన్యులు.  

Sunday 21 October 2018

పోలీసు అమరవీరులకు ఆత్మీయ శ్రధ్ధాంజలి!

సోషల్ మీడియాలో 'అత్యంత మాస్ సోషల్ మీడియా' అయిన ఫేస్‌బుక్ .. ఈమధ్య మరీ పరమ చెత్త అయిపోయింది.

అయిపోయింది అనేకంటే, దాన్నలా చేసుకొన్నాం అనుకోవడం బెటర్.

మన ఫ్రెండ్స్ లిస్టులో ఉన్నవాళ్ళను జాగ్రత్తగా ఎన్నికచేసుకోకపోతే పరిస్థితి ఇలాగే ఉంటుంది.

ట్విట్టర్‌కు ఈమధ్య నేను ఎక్కువగా ఎడిక్టు కావడానికి కారణం కూడా ఇదే.

ఫేస్‌బుక్ స్థాయి 'ఫిష్ మార్కెట్ కల్చర్' ట్విట్టర్లో ఉండదు.

ట్విట్టర్‌ వేరే.

అదొక ఎలైట్ సోషల్ మీడియా.

పాయింటుకొస్తే -

ప్రియా వారియర్ కన్నుగీటిన పోస్టుకు ఫేస్‌బుక్‌లో మిలియన్ల లైకులు, కామెంట్లు!

కానీ, పోలీస్ అమరవీరుల సంస్మరణదినం రోజు, విధినిర్వహణలో మనకోసం అసువులుబాసిన ఎందరో వీర జవాన్లు, పోలీసుల త్యాగాన్ని స్మరించుకొనే పొస్టులు మాత్రం మనకు అసలు కనిపించవు.

కనిపించినా, వాటికి ఒక్క లైకు ఉండదు!

ఎంటర్‌టైన్‌మెంట్ ఉండాల్సిందే. కానీ, దానితోపాటు దేశంపట్ల, మనల్ని కాపాడుతున్న మన భద్రతా వ్యవస్థపట్ల కూడా మనకు కనీస స్పృహ ఉండాలి.

ఆ స్పృహ బలవంతంగా చెప్తే వచ్చేదికాదు.

ఒక బాధ్యతగా మనం ఫీలవ్వాలి.

అదే మనం అమరులైన మన వీర జవాన్లు, పోలీసులకిచ్చే గౌరవం. గౌరవ వందనం.      

Thursday 18 October 2018

కొన్నిటికి ఏ లాజిక్కులుండవ్!

"అన్ని కష్టాలు ఒక్కసారిగా కట్టగట్టుకొనే వస్తాయి."

జీవితంలో అన్ని ఆటుపోట్లను అనుభవించి, ఎదుర్కొని, ప్రస్తుతం ప్రశాంతంగా రిటైర్డ్ లైఫ్ అనుభవిస్తున్న ఒక డాక్టర్ అన్నారా మాట.

ఆయన మా ఆఫీస్ ప్రెమిసెస్ యజమాని.

"జీవితం ఎవ్వర్నీ వదలదు భయ్యా. ప్రతి ఒక్కర్నీ, ఏదో ఒక టైమ్ లో ఒక చూపు చూస్తుంది. మిస్సయ్యే ప్రసక్తే లేదు."

మంచి రైజింగ్ టైంలో ఉండగానే, పడకూడని కష్టాలు పడ్డ ఫిల్మ్ డైరెక్టర్ పూరి జగన్నాధ్ మాటలివి.

ఇదంతా ఈ దసరా రోజు సాయంత్రం ఒంటరిగా కూర్చొని ఎందుకు రాస్తున్నానంటే, దానికో కారణం ఉంది. ప్రస్తుతానికి ఆ కారణాన్ని అలా పక్కన పెడదాం.

మనిషన్న తర్వాత, వాడి జీవితంలో ఎప్పుడూ ఏదో ఒక కష్టం చిన్నదో పెద్దదో వస్తూనే ఉంటుంది. కానీ, జీవితంలోని ఒక అతి ముఖ్యమైన మజిలీలో, అన్ని రకాల కష్టాలూ, లేదా అగ్ని పరీక్షలు ఒకేసారి రావడం అనేది ఎంత స్థితప్రజ్ఞుడినైనా కొంతైనా జర్క్ తినేలా చేస్తుంది.

అలాంటి పరిస్థితిలో ఉన్నపుడే నిజమైన హితులు, సన్నిహితులు ఎవరన్నది పాలు, నీళ్ళలా తెలిసిపోతుంది.

జీవితంలో ఏది ముఖ్యమో తెలిసిపోతుంది. జీవితంలో మనం ఏం కోల్పోతున్నామో తెలిసిపోతుంది.

అప్పుడు గాని మన కళ్ళు పూర్తిగా తెర్చుకోవు. అప్పుడుగాని మన మెదడును పూర్తిగా ఉపయోగించుకోము.

అప్పుడే మనకు నిజంగా ఏం కావాలో తెల్సుకుంటాము. అప్పుడే మనం నిజంగా ఏం చేయాలో అది చేయటం ప్రారంభిస్తాము. అప్పుడే మన నిజజీవితంలో ఏ పరిస్థితి ఎదురైనా నిశ్చలంగా ఎదుర్కొంటాము.

రెట్టించిన కసితో, వందరెట్ల శక్తితో.

ఎవరి జీవితంలోనైనా సిసలైన టర్నింగ్ పాయిట్ అదే.

అప్పటినుంచి మాత్రమే, అంతకుముందటి ఏ లాజిక్కులకు చిక్కని ఎన్నో పనులు చేస్తుంటాము. నమ్మశక్యంకాని ఎన్నెన్నో ఫలితాలు చూస్తుంటాము.

అసలు జీవితం అప్పుడే ప్రారంభమవుతుంది ... 

Friday 12 October 2018

31 జిల్లాలకు ఆ ముగ్గురు చాలు!

ఆ మధ్య, జి హెచ్ ఎం సి ఎన్నికలను కేటీఆర్‌కు అప్పగించారు. తనేంటో తడాఖా చూపించారు కేటీఆర్.

నారాయణ్ ఖేడ్ ఎన్నికను ట్రబుల్ షూటర్ హరీష్‌రావుకు అప్పగించారు. విజయ ఢంకా మోగించారు హరీష్‌రావు.

సింగరేణి యూనియన్ ఎన్నికలను కవితకు అప్పగించారు. వ్యూహాత్మకంగా అహోరాత్రులు కృషిచేసి అక్కడ అద్భుత విజయం సాధించి చూపెట్టారు కవిత.

కట్ చేస్తే - 

మొన్నటి మహాసభల నిర్వహణ విషయంలోనూ అంతే.

కొంగరకలాన్ కేటీఆర్‌కు, హుస్నాబాద్ హరీష్‌రావుకు, నిజామాబాద్ కవితకు అప్పగించారు. ఒక్కొక్కరు తమదైన శైలిలో కృషిచేసి, ఆయా సభలను ప్రతి కోణంలోనూ సక్సెస్ చేసి చూపించారు.

దటీజ్ కేసీఆర్!

ఏ పని ఎవరికి అప్పగించాలో, ఎలా విజయం సాధించాలో కేసీఆర్‌గారికి తెలిసినంతగా మరెవ్వరికీ తెలియదు.

కట్ చేస్తే- 

ఇప్పుడు డిసెంబర్ 7న జరగబోతున్న ఎన్నికలు కేసీఆర్‌కు, టీఆరెస్‌కు, మొత్తం తెలంగాణకు అత్యంత ప్రతిష్టాకరమైనవి.

100 టార్గెట్.

రాష్ట్రంలో ఉన్న 31 జిల్లాలను ఈ ముగ్గురు వ్యూహాత్మక యోధులకు చెరొక 10 జిల్లాల చొప్పున అప్పగిస్తే చాలు. మిగిలే ఇంకో జిల్లాను కేటీఆర్‌కో, హరీష్‌రావుకో అదనంగా అప్పగిస్తే సరి. 

100 సీట్లు గ్యారంటీ.

ముఖ్యమంత్రి కేసీఆర్ గారు ఈ విషయం గురించి ఒక్క క్షణం ఆలోచిస్తే బాగుంటుందని నా హంబుల్ సజెషన్.  

Monday 8 October 2018

టార్గెట్ 100

ఇప్పుడు తెలంగాణలో ఉన్న ఏ రాజకీయపార్టీతో పోల్చుకున్నా, టీఆరెస్ బెటర్. ఏ రాజకీయ నాయకునితో పోల్చుకొన్నా, కేసీఆర్ ది బెస్ట్.

కేసీఆర్ స్థాపించిన టీఆరెస్ పార్టీ, ఉద్యమనాయకుడిగా కేసీఆర్ నాయకత్వంలో తెలంగాణవాదులందరికీ ఒక వేదిక అయ్యింది. తెలంగాణ సాధించుకున్నాం.

తెలంగాణ తొలి ముఖ్యమంత్రిగా, కేసీఆర్, కేవలం 4 ఏళ్లలో, అంతకుముందు 58 ఏళ్లలో జరగని ఎన్నో అంశాల్ని, ఎంతో ప్రగతినీ సాధించి చూపెట్టారు.

ఇది నిరూపించడానికి ఎవ్వరూ ఏదో భజన చెయ్యనక్కర్లేదు. గూగుల్‌లో కొట్టండి చాలు. కనీసం ఓ 400 అద్భుతమైన పనులు, పథకాల లిస్ట్ మీకు దొరుకుతుంది.

వాటిల్లో కొన్ని పనుల్నిగానీ, పథకాల్ని గాని, ఇంతకు ముందు సమైక్యరాష్ట్రాన్ని పాలించిన ముఖ్యమంత్రులెవ్వరూ కనీసం కలలో కూడా ఊహించి ఉండరంటే అతిశయోక్తికాదు!

వీటిల్లో చాలా పనులను, పథకాలను, ఇతర రాష్ట్రాలతోపాటు కేంద్రం కూడా ఇప్పుడు ఫాలో అవుతోంది.

దీన్నిబట్టే అర్థం చేసుకోవచ్చు.

మనసుంటే మార్గం ఉంటుంది.

ఆ మనసు కేసీఆర్‌కుంది.

తెలంగాణ పట్ల, తెలంగాణ అభివృధ్ధి పట్ల, తెలంగాణ ప్రజల పట్ల, నిరంతరం ఒక అగ్నిగోళంలా మండుతూ, మధనపడుతూ ఉండే ఒక మహా మనీషి మన ముఖ్యమంత్రి కేసీఆర్.

అలాంటి మనీషి స్థాపించిన మన ఇంటి పార్టీని, మన ముఖ్యమంత్రిని మనం కాపాడుకోవాలి. గెలిపించుకోవాలి.

టీఆరెస్ 'టార్గెట్ 100' అంత ఈజీ కాదు. కానీ, అందరూ పూనుకొంటే అంత కష్టం కూడా కాదు.

జై తెలంగాణ!
జై కేసీఆర్!!        

Sunday 30 September 2018

'వరంగల్ ఈస్ట్' టికెట్ ఎవరికిస్తే బాగుంటుందో మీకు తెలుసా?

(జస్ట్ అలా సరదాగా రాశాను)   
***

నేను పుట్టింది, పెరిగింది "వరంగల్ ఈస్ట్" నడిబొడ్డులో! 

పక్కా లోకల్ ... 

ఉస్మానియాలో 2 పీజీలు చేశాను. 2 గోల్డ్ మెడల్స్ సాధించాను. 3 సెంట్రల్ గవర్నమెంట్ జాబ్స్ చేశాను.

తిక్కలేచినప్పుడు, ఒక్కొక్కటిగా  ఆ జాబ్స్‌ను  రెజైన్ చేసిన రికార్డు కూడా ఉంది. 

అలాగని నేనేం రిచ్ కాదు. 

హైద్రాబాద్ వచ్చి పాతికేళ్లయినా ఇక్కడ నాకు జానెడు జాగా లేదు. సొంతిల్లు లేదు. అది వేరే విషయం. 

ఇప్పుడు ఫ్రీలాన్సర్‌గా లోకల్ నుంచి, మల్టీ నేషనల్ స్థాయి వరకు యాడ్స్ చేస్తున్నాను. ఒక్క 'అమెజాన్ డాట్ కామ్‌'కే ఫ్రీలాన్సర్‌గా ఓ అరడజన్ పనులు చేస్తున్నాను. రైటర్‌గా, ఘోస్ట్ రైటర్‌గా, సోషల్ మీడియా ప్రమోషన్ స్ట్రాటజిస్ట్‌గా .. ఇంకో డజన్ క్రియేటివ్ జాబ్స్ చేస్తున్నాను.  

రైటర్‌గా నంది అవార్డు తీసుకున్నాను. 

సినిమాల్లో 'స్పెషల్ అప్పియరెన్స్' ఇచ్చినట్టు, అప్పుడప్పుడూ డైరెక్టర్‌గా ఏదో ఒకటీ అరా సినిమాలు కూడా డైరెక్ట్ చేస్తుంటాను. 

ఇప్పుడు "నమస్తే హైదరాబాద్", ఇంకో రెండు సినిమాలు చేస్తున్నాను.

బట్, సినిమాలు నా ప్రధాన వ్యాపకం ఎప్పుడూ కాదు.

జస్ట్ ఫర్ ఫన్.

జస్ట్ ఫర్ బిజినెస్. 

అంతే. 


ఈ ఫీల్డుని ఏ క్షణమైనా వదిలేస్తాను. 

దీన్ని మించిన ప్యాషనేట్ పనులు నేను చేయాల్సినవి ఇంకా చాలా ఉన్నాయి ఈ ప్రపంచంలో.

అవి ముఖ్యం నాకు. 


చెప్పాలంటే, అవే ముఖ్యం.     

కట్ టూ నా తెలంగాణ - 

నేను పుట్టిన తెలంగాణ అంటే నాకు ప్రాణం. 

ఆ తెలంగాణ సాధించిన కేసీఆర్‌కు నేనొక హార్డ్‌కోర్ ఫ్యాన్‌ను.

ఉద్యమసమయం నుంచి, ఇప్పటిదాకా .. తెలంగాణపైన, కేసీఆర్ పైన ఎన్నో ఆర్టికిల్స్ రాశాను. బ్లాగ్ పోస్టులు రాశాను. వీటన్నిటి సంకలనంతో ఒక పుస్తకం కూడా త్వరలో పబ్లిష్ చేసే ఉద్దేశ్యంలో ఉన్నాను. 

అయితే, ఎప్పుడా పని చేస్తానో ఇప్పుడే చెప్పలేను.   

ఏపీతో సహా, దేశంలోని ఎన్నో ఇతర ప్రాంతాలంటే కూడా నాకెంతో ఇష్టం. 

నా స్నేహితుల్లో అత్యధికభాగం మంది ఆంధ్ర నుంచే ఉన్నారు. దేశంలోని ఇతర ప్రాంతాలనుంచి కూడా ఉన్నారు. 

అంతెందుకు .. నా భార్య పుట్టిపెరిగింది హైద్రాబాదే అయినా, ఆమె పేరెంట్స్ కడపవాళ్లు! 

సో, రాజకీయాలు వేరు. స్నేహాలు, బంధుత్వాలు వేరు.

కట్ చేస్తే - 

ఏ లెక్కప్రకారం చూసినా, 'వరంగల్ ఈస్ట్' స్థానానికి మనోహర్ చిమ్మని 'రైట్ క్యాండిడేట్' అని .. పలు పార్టీలు నాకు టికెట్ ఇచ్చే ఆలోచనలో ఉన్నట్టు నిపుణుల సమాచారం.

దీనికితోడు, నా కమ్యూనిటీవాళ్లు ఈ నియోజకవర్గంలో 32 శాతం ఉన్నట్టు నిపుణుల గణాంకాలు చెప్తున్నాయి. కనీసం ఇంకో 15 శాతం వోట్లు పార్టీలకతీతంగా నాకే గుద్దుతారని వరంగల్ లోని నా మిత్రులు, శ్రేయోభిలాషుల అధికారిక అంచనా. 


ఏ పార్టీ నుంచి పోటీచేసినా మనోహర్ చిమ్మని గెలుస్తాడని 'ఇండియా టుడే' విశ్లేషణ! 

మన ఇంటిపార్టీ టీఆరెస్‌లో, ఆల్రెడీ ఈ 'వరంగల్ ఈస్ట్' సీటు గురించి నానా లొల్లి నడుస్తోంది. కాబట్టి, నాకు నా ఫేవరేట్ టీఆరెస్ నుంచి ఛాన్స్ లేనట్టే అనుకుంటున్నాను.

టీఆరెస్ కానప్పుడు, ఇంక ఏ రాయి అయితేనేం? 


సో, వేరే ఏదో ఒక పార్టీ తప్పదు. 

ఏ పార్టీ నుంచి గెలిచినా, తర్వాత ఎలాగూ మన రాజకీయాల్లోని ఎవర్‌గ్రీన్ అండ్ గుడ్-ఓల్డ్ ప్రాక్టీస్ ఒకటి ఉండనే ఉంది.

అదేంటో తర్వాత మరోసారి వివరంగా మాట్లాడుకుందాం.

సరే, ఇదంతా ఎలా ఉన్నా, మన కేసీఆర్ గారు చెప్పినట్టు మన దేశ రాజకీయాల్లో ఒక 'గుణాత్మక మార్పు' అనేది ఇప్పుడు చాలా అవసరం.

అది తెలంగాణ నుంచే మొదలవ్వాలి.

వరంగల్ ఈస్ట్ నుంచే మొదలవ్వాలి.  


సో .. వరంగల్ తూర్పు సీటు కోసం, తెలంగాణ ప్రగతి కోసం, ఏ క్షణమైనా, ఏ గొంగలిపురుగునైనా నేను కూడా ముద్దుపెట్టుకుంటాను!  

జై కేసీఆర్!
జై తెలంగాణ!! 

Now the ball is in the court of all parties ... 😃

Thursday 27 September 2018

సోషల్ మీడియా ప్రమోషనే ఎన్నికల్లో 'ట్రంప్ కార్డ్' కాబోతోందా?

ఖచ్చితంగా అవును!

ప్రపంచవ్యాప్తంగా దాదాపు ఇప్పుడు అందరికీ తెలిసిన నిజం ఇది.

ముఖ్యంగా పొలిటీషియన్‌లకు, పాలిటిక్స్‌ను ఫాలో అవుతున్నవారికి మాత్రం చాలా బాగా తెలుసు.

కట్ టూ పాయింట్ - 

ఎన్నికల్లో సోషల్ మీడియా ప్రమోషన్ ప్రాధాన్యం తెలిసి, ఆ అవసరం ఉన్నవారికోసం మాత్రమే ఈ పోస్ట్:

ఒక రైటర్ గా, ఫిల్మ్ డైరెక్టర్ గా, యాడ్ ఫిల్మ్ మేకర్ గా, సోషల్ మీడియా స్ట్రాటెజిస్ట్ గా .. ఒక పూర్తిస్థాయి టీమ్, నా పర్యవేక్షణలో పనిచేస్తుంటుంది.

నాతోపాటు, నా టీమ్‌లోని వాళ్లంతా  సోషల్ మీడియా ప్రమోషన్ లో నిష్ణాతులు.

ఏ పొలిటిల్ పార్టీ అన్న విషయంతో సంబంధంలేకుండా, రానున్న 2018/2019 ఎన్నికల్లో, పార్టీలు/అభ్యర్థులు/టికెట్ ఆశించే అభ్యర్థులకు నేను అత్యున్నతస్థాయి సోషల్ మీడియా ప్రమోషన్ అందిస్తాను.

ఇది నా వృత్తిలో ఒక భాగం. ఒక ప్రొఫెషనల్ సర్వీస్ ఆఫర్.

ఈ ఆఫర్ తెలంగాణ, ఆంధ్రప్రదేశ్ రెండు రాష్ట్రాల్లోని అన్ని పార్టీలు/అభ్యర్థులు/టికెట్ ఆశిస్తున్న అభ్యర్తులకు వర్తిస్తుంది.

ఇది 100% ప్రొఫెషనల్ సర్వీస్. నాకు నచ్చిన ఆఫర్స్, ప్యాకేజెస్ మాత్రమే నేను స్వీకరిస్తాను. మీరు ఆశించిన స్థాయిని మించిన  సర్వీస్ నా నుంచి, నా ఆధ్వర్యంలో పనిచేసే నా టీమ్ నుంచి  ఉంటుంది.

నిజంగా ఆసక్తి, అవసరం, స్థోమత ఉన్న పార్టీలు/అభ్యర్థులు/టికెట్ ఆశించే అభ్యర్థులు .. మీ ప్రపోజల్ నాకు 'ఈమెయిల్' చేయండి. వెంటనే స్పందిస్తాను: mchimmani@gmail.com 

థాంక్యూ.
బెస్ట్ విషెస్ ...

Friday 21 September 2018

Addicted to KCR

ఈరోజు నుంచీ, త్వరలో రానున్న 2018/2019 ఎలక్షన్స్ అయిపోయేవరకూ .. నా ఫేస్‌బుక్ టైమ్‌లైన్ మీద, నా బ్లాగులో, ట్విట్టర్‌లో .. నేను ఎప్పుడూ పోస్ట్ చేసే నా రెగ్యులర్ పోస్టులతోపాటు .. నా అభిమాన కేసీఆర్, టీఆరెస్ లకు అనుకూలమైన పోస్టులు కూడా కొల్లలుగా ఉంటాయి.

కేసీఆర్ 'హార్డ్ కోర్ ఫ్యాన్' గా, ఇది పూర్తిగా నాకు నేను వాలంటరీగా చేస్తున్న పని.

ఒక తెలంగాణ బిడ్డగా ఇది నా బాధ్యతగా భావించి, ఉడతా భక్తిగా నేనీ పని చేస్తున్నాను. 

రాజకీయాలు వేరు, స్నేహం వేరు అనుకోగలిగిన నా మిత్రులు ఏపార్టీవారైనా, నా పోస్టులను హాయిగా ఎంజాయ్ చెయ్యొచ్చు.

సింపుల్ గా ఇగ్నోర్ కూడా చెయ్యొచ్చు.

అది మీ ఇష్టం.

ఇది అస్సలు నచ్చని మిత్రులు ఎవ్వరైనా ఉంటే, నన్ను వెంటనే అన్ ఫ్రెండ్ చెయ్యొచ్చు. నిర్మొహమాటంగా బ్లాక్ చెయ్యొచ్చు.

అర్థంలేని కామెంట్స్, అసభ్యకరమైన/అభ్యంతరకరమైన భాషతోకూడిన కామెంట్స్ కు మాత్రం
నా ఫేస్‌బుక్ టైమ్ లైన్ మీద/బ్లాగులో/ట్విట్టర్‌లో స్థానం లేదని సవినయ మనవి. 

అలాంటివి ఎవరైనా పోస్ట్ చేస్తే, వాటిని వెంటనే డిలీట్ చేస్తాను.

క్షణం కూడా ఆలోచించకుండా, ఆయా వ్యక్తులను బ్లాక్ చేస్తాను.

థాంక్యూ.
బెస్ట్ విషెస్ ...                              

Thursday 20 September 2018

ఫేస్‌బుక్కా, ట్విట్టరా?

ఫేస్‌బుక్ నిజంగా ఇప్పుడొక ఫిష్ మార్కెట్ అయిపోయింది.

కేవలం అతికొద్ది శాతం మంది మాత్రమే ఈ ఫేస్‌బుక్‌ను ఒక మంచి డిగ్నిటీతో, డీసెన్సీతో ఉపయోగిస్తున్నారు. వారు మాత్రం నన్ను క్షమించాలి. పైన ఫిష్ మార్కెట్ అన్నందుకు. 

ముందే చెప్పినట్టు, మిగిలిందంతా జస్ట్ ఒక ఫిష్ మార్కెట్. లేదా, ఓ సనత్‌నగర్ సండే మార్కెట్. ఒక కల్లు దుకాణం. ఒక లోకల్ బార్. 

ఇదంతా నేను సరదాకి చెప్తున్నాను.

కొటేషన్లు, రాజకీయాలు, సినిమాలు, ఇతర వ్యక్తిగత దృక్పథాలు సరే. ఎవరి ఇష్టం వారిది. 

కానీ, ఫేస్‌బుక్ వాల్ చివరికి ఎలా తయారయ్యిందంటే:

> ఒక డాన్స్ మాస్టర్ తన తల్లి చనిపోతే, ఆ తర్వాతి కార్యక్రమాన్ని ఒక ఈవెంట్‌లాగా .. తన తల్లి శవం బ్యాక్‌డ్రాప్‌లో ఫోటోలకు పోజులిస్తూ దిగాడు. అవన్నీ తన వాల్ మీద పోస్ట్ చేశాడు.

> ఒకతను సూసైడ్ చేసుకొంటూ లైవ్ రికార్డ్ చేసుకున్నాడు. 

> ఇప్పుడు ఏకంగా ప్రతి హత్యను, వాటి సిసి రికార్డింగ్‌లను పోస్ట్ చేస్తున్నారు.   

> పోస్టుల్లో బూతుమాటలకు అసలు లెక్కేలేదు.

ఇట్లా ఇంకో వంద చెప్పుకోవచ్చు. 

ఇవన్నీ నేను ఎంత వద్దనుకొన్నా నా కంటపడుతున్నాయి. 


కట్ టూ నా గొడవ - 

ఫేస్‌బుక్, బ్లాగింగ్, ట్విట్టర్ .. ఈ మూడింటినీ నేనొక "స్ట్రెస్ బస్టర్" టూల్స్‌లాగా భావించి ఉపయోగిస్తాను. అది కూడా రోజుకి కొన్ని నిమిషాలు. మొత్తంగా ఒక గంట కూడా ఎన్నడూ ఉపయోగించలేదు ఎన్నడూ.

పైన చెప్పిన నేనిష్టపడని, నాకు నచ్చని ఒక 101 కారణాలవల్ల ఇప్పుడు నాకు ఫేస్‌బుక్ అనేది ఏ క్షణం వదిలేయాలా అన్న స్థాయికి వచ్చేసింది.

ఆ క్షణం త్వరలోనే రావాలని కోరుకొంటున్నాను.

కానీ, మార్కెటింగ్ పాయింటాఫ్ వ్యూలో ఫేస్‌బుక్ అనేది ఒక మంచి మాస్ సోషల్ మీడియా సాధనం. ఇప్పుడు నేను చేస్తున్న ఒకటి రెండు సినిమా ప్రాజెక్టుల ప్రమోషన్ దృష్ట్యా కొంచెం ఆలోచిస్తున్నాను.

లాజిగ్గా ఆలోచిస్తే ఇది కూడా తప్పే.

అసలు సోషల్ మీడియా జోలికి వెళ్లని పెద్ద పెద్ద స్టార్ డైరెక్టర్లు, ఇతర రంగాల సెలబ్రిటీలు ఎందరో ఉన్నారు.

మనకు ఒక హాబీ నచ్చనప్పుడు సింపుల్‌గా దానికి గుడ్‌బై చెప్పడం బెటర్ అనేది నా హంబుల్ ఒపీనియన్.

ట్విట్టర్ ఒక్కటి చాలు. కావాలనుకొంటే తప్ప, కింద కామెంట్స్ చూసే అవసరం కూడా ఉండదు. నా బ్లాగ్ పోస్టుల లింక్‌ను అక్కడ పోస్ట్ చెయ్యొచ్చు. ఫేస్‌బుక్ ద్వారా సాధించగలిగిన ఇతర పాజిటివ్ లక్ష్యాలన్నిటినీ ట్విట్టర్‌తో కూడా సాధించవచ్చు.

ముఖ్యంగా, టైమ్ కూడా ఎక్కువ వృధా కాదు.

సో, ఇప్పటికయితే నా అలోచన ఇది.

దీన్ని ఏ క్షణమైనా నేను ఆచరణలోకి తేవచ్చు.  

Wednesday 19 September 2018

77 రోజులు

చాలా పెద్ద గ్యాప్ తర్వాత, మళ్లీ నాకత్యంత ప్రియమైన నా 'బ్లాగింగ్' మీద పడ్డాను.

జూన్ 29 నుంచి సెప్టెంబర్ 13 వరకు.

నిజంగా చాలా పెద్ద గ్యాప్.

బహుశా ఇంత పెద్ద గ్యాప్ ఇంతకుముందు నేనెప్పుడూ తీసుకోలేదు.

పనికొచ్చేదో, పనికిరానిదో .. మొత్తానికి ఏదో ఓ చెత్త, ఆ క్షణం నేను రాయాలనుకున్నది వెంటనే ఇక్కడ నా బ్లాగులో రాసేసేవాణ్ణి.

ఇదొక హాబీ. ఒక ఆనందం. ఒక థెరపీ. ఒక మెడిటేషన్.


కట్ టూ ఆ 77 రోజులు - 

అనుకోకుండా ఒక ప్రొఫెషనల్ టూర్.

ఆంధ్రప్రదేశ్‌లోని గుంటూరుకు.

కేవలం ఒక 4 రోజుల పని అనుకున్నాను. కాని, అక్కడికి వెళ్ళిన తర్వాత రకరకాల పనుల్లో ఊహించనివిధంగా కనెక్ట్ అవుతూ, అక్షరాలా 77 రోజులు ఉండాల్సి వచ్చింది!

మధ్యలో ఒకటి రెండు సార్లు కొన్ని గంటలకోసం అత్యవసరంగా హైదరాబాద్ వచ్చి వెళ్లినా, ఆ కొద్ది సమయం అసలు లెక్కలోకి రాదు.

1989 నుంచి 1991 వరకు, సరిగ్గా ఒక రెండేళ్లు, గుంటూరులోని మద్దిరాలలో ఉన్న కేంద్ర ప్రభుత్వ విద్యాసంస్థ 'జవహర్ నవోదయ విద్యాలయ'లో నేను పనిచేశాను. ఆ తర్వాత, అక్కడ ఉద్యోగం రిజైన్ చేసి కర్నూలు ఆలిండియా రేడియోలొ చేరాను. తర్వాత, ఆ ఉద్యోగం కూడా రిజైన్ చేసి హైదరాబాద్ వచ్చాను.

అది వేరే విషయం.

చెప్పొచ్చేదేంటంటే, నాకు గుంటూరుతో చాలా సంబంధబాంధవ్యాలున్నాయి. అప్పటి జ్ఞాపకాలు లెక్కలేనన్ని ఉన్నాయి.

అప్పటి నవోదయ విద్యార్థుల్లో చాలా మంది ఇప్పటికీ నాతో టచ్‌లో ఉన్నారు. అప్పటి నా సహోద్యోగుల్లో కూడా కొందరం ఇప్పటికీ కలుస్తుంటాం. 

ఈ నేపథ్యంలో, గుంటూరు అంటే నాకు చాలా ఇష్టం.

అయితే, అప్పటి గుంటూరు వేరు. దాదాపు పాతికేళ్ల తర్వాత ఇప్పటి గుంటూరు వేరు.

ఎక్కడ  చూసినా షోరూములు, జివెల్రీ షాపులు, కిక్కిరిసిన ట్రాఫిక్‌తో డెవలప్‌మెంట్ బాగానే ఉంది. కానీ, ఏదో సంథింగ్ మిస్ అవుతున్నానన్న ఫీలింగ్.

బహుశా, ఆనాటి సహజమైన 'టౌన్ ఫీలింగ్' అనుకుంటాను. అదిప్పుడు లేదు. 

నేను బాగా తిరిగిన అప్పటి గుంటూరే నాకిప్పటికీ ఇష్టం.

గుంటూరులో ఈ 77 రోజుల నా మొత్తం ట్రిప్‌లో నాకు బాగా నచ్చింది ఒక్కటే.

బ్రాడీపేటలో ఉన్న శంకర్‌విలాస్‌లో రవ్వదోశ. 

Thursday 28 June 2018

పీవీ ఖచ్చితంగా ఇలా మాత్రం చేసేవాడు కాదు!

సరిగ్గా వారం క్రితం ...
హైదరాబాద్, ఆల్విన్ కాలనీ, కుక్కట్‌పల్లిలో ఏటీఎమ్‌లో డబ్బులు తీస్కోడానికి - మెయిన్‌రోడ్ పైన సాయిబాబా కమాన్‌కు కుడివైపు 2, ఎడమవైపు 6, లోపలికి ఇంకో 4 ... మొత్తం 12 ఏటీఎమ్‌లు వర్షంలో తిరిగాను. ఏ ఒక్కదానిలోనూ డబ్బులేదు.

అంతదూరం నేను వెళ్లిన ఒక ముఖ్యమైన పని పూర్తిచేసుకోకుండానే వెనుదిరిగి వచ్చాను.

మళ్ళీ ఇవ్వాళ రాత్రి 8.30 గంటలు, గుంటూరు సిటీ ...

అత్యవసరమైన ఒక పని గురించి నా మిత్రుడు ఒక చిన్న మొత్తం నాకు పంపించాల్సివచ్చింది. నాకు ఎకౌంట్స్ ఉన్న రెండు బ్యాంకులు కూడా వాటి ఏటీఎమ్ సెంటర్స్‌లో అక్కడ డిపాజిట్ మెషీన్స్ కూడా పెట్టాయి.

వాటిని నేను అంతకుముందు చూశాను, వాడాను కూడా.

కానీ, మొత్తం ఒక 6 డిపాజిట్ మెషీన్స్ అస్సలు పనిచేయడం లేదు. లేదా, నిండిపోయాయి.

సమయం జస్ట్ రాత్రి ఎనిమిదిన్నర. ఈరోజు హాలిడే కూడా కాదు.

మరొక దారిలేదు. మరొక ముఖ్యమైన పని మళ్ళీ వాయిదాపడింది.

మన తప్పు ఏం లేకుండానే.

మన డబ్బు మనం అవసరానికి వాడుకోడానికి!

కట్ టూ మోదీ - 

డిమానెటైజేషన్, జీఎస్టీలతో ఆయన మంచే చేశాడో, ఇంకేం చేశాడో ఒక మామూలు పౌరుడిగా నాకంత పెద్ద అవగాహన ఇప్పటికీ రాలేదు.

నాకు అర్థమయ్యింది, నేను అనుభవించింది మాత్రమే నాకు తెలుసు.

గత ఏడాదిన్నర కాలంలో ఇలాంటి కష్టాలు ఎన్నో పడ్డాను నేను. ఇంకా పడుతూనే ఉన్నాను.

మోదీ ఒక్కడే కాడుగా? జాతీయస్థాయిలో ఆయన ఆర్థిక యంత్రాంగం అంతా ఇంకా ఏం చేస్తున్నట్టు? ఇలాంటి గ్రౌండ్ లెవల్ రియాలిటీస్ అన్నీ ఆయనకు అసలు తెలుసా? తెలిస్తే ఆయన ఏం చేస్తున్నట్టు? ఏం చర్యలు తీసుకున్నట్టు? ఇంకా ఎన్నడు ఈ పరిస్థితి మారుతుంది?

ఇది ఎవరి పుణ్యం?
ఎవరి గొప్పతనం?
ఎవరి చేతకానితనం?

పీవీ నరసింహారావు లాంటి వాడు కాని ఇలాంటి సమయంలో ఉంటే ఖచ్చితంగా పరిస్థితి ఇలా ఉండేదికాదు.

అసలిలాంటి సిగ్గుచేటైన పరిస్థితిని ముందు రానిచ్చేవాడేకాదు.

వి మిస్ యూ పీవీ గారూ ...

ఈరోజు మీ జయంతి సందర్భంగా మీకివే నా ఘన నివాళులు.  

Sunday 24 June 2018

నగ్నచిత్రం ... మరికొన్నాళ్లు!

ఈ బ్లాగ్‌కు ఇక పూర్తిగా గుడ్‌బై చెప్తున్నానని చెప్పేసి, నిర్ణయం మార్చుకొని, తిరిగి మళ్ళీ ఇలా వెనక్కిరావడం ఇది బహుశా మూడోసారి.

దటీజ్ నగ్నచిత్రం!

అయాం ఫుల్లీ ఎడిక్టెడ్ టు బ్లాగింగ్.

నాకు సంబంధించినంతవరకూ - బ్లాగింగ్ అనేది ఒక మెడిటేషన్. ఒక థెరపీ.

చుట్టూ వందమంది ఉన్నా, నేను ఒంటరిగా ఫీలైనప్పుడు, "నేనున్నా నీకోసం" అంటూ నన్ను అక్కున చేర్చుకొనే నా ప్రేయసి.

నా శ్వాస.

నా ఘోష.

కట్ టూ అసలు పాయింట్ -

ప్రస్తుతం నేను చేస్తున్న "నమస్తే హైదరాబాద్" సినిమా పూర్తిచేసి, రిలీజ్ చేసేదాకా ఈ బ్లాగ్ అవసరం కొంతైనా ఉందని నా మిత్రులు, శ్రేయోభిలాషులు, ముఖ్యంగా నా టీమ్ ఉవాచ.

వారి లాజిక్కులు వారికున్నాయి.

నేను కాదనలేని లాజిక్కులవి!

సో, ఎలాగైతేనేం ... నా నిర్ణయం మార్చుకొని వెనక్కిరాక తప్పలేదు.

ఇలా వెనక్కి రావడం - మార్కెటింగ్ అవసరాలకోసం, నా అలవాటు కోసం, నాకోసం - ఏదో ఒకటి రాయడం, రాసుకోవడం నాకు చాలా ఆనందమే. కానీ, ఈ జూన్ చివరినుంచే నేను నా కొత్త బ్లాగ్ ఒకటి కొంచెం భారీ సెన్సేషనల్‌గా ప్రారంభించాలనుకొన్నాను. ఆ ఏర్పాట్లన్నీ పూర్తిచేసుకొన్నాను కూడా.

అయితే, ఇప్పుడా ఆలోచనను కనీసం కొద్దిరోజులయినా వాయిదా వేయక తప్పడంలేదు.

నా కొత్త బ్లాగ్‌ను 4 ఆగస్టు నుంచి ప్రారంభిస్తాను.

అప్పటిదాకా, ఎప్పట్లాగే, ఈ నగ్నచిత్రం ఎంజాయ్ చేస్తుంటాను. విత్ ఆల్ మై లైక్‌మైండెడ్ ...

4 ఆగస్టుకు నేను ప్రారంభించబోతున్న నా కొత్త బ్లాగ్ ఏంటన్నది - దాన్ని లాంచ్ చేయడానికి కొద్దిరోజులముందు చెప్తాను.     

ధ్వన్యనుకరణ సామ్రాట్‌కు అశ్రునివాళి!

19 జూన్ 2018.

చరిత్రలో ఒక అద్భుత అధ్యాయం ముగిసింది.

నా చిన్నతనంలోనే ఆయన లైవ్ ప్రోగ్రాములు ఎన్నో చూశాను.

'మెకన్నాస్ గోల్డ్' సినిమా చూడకముందే అందులోని సన్నివేశాలను ఆయన మిమిక్రీ ద్వారా ఎంజాయ్ చేశాను.

నేను హైస్కూల్లో ఉన్నప్పుడు, రకరకాల సర్టిఫికేట్స్ కోసం, నవీన్ టాకీస్ దగ్గర మెయిన్‌రోడ్‌లో ఉన్న ఆయన ఇంటికి వెళ్ళి, గ్రీన్ ఇంకుతో ఎన్నో సంతకాలు చేయించుకొన్నాను. (అప్పుడాయన ఎమ్మెల్సీ కూడా).

వరంగల్ నుంచి న్యూయార్క్‌లోని 'యునైటెడ్ నేషన్స్' దాకా, ప్రపంచమంతా వేలాది ప్రదర్శనలిచ్చిన ఏకైక విశ్వవిఖ్యాత మిమిక్రీకళాకారుడు, మిమిక్రీ కళకు అంతర్జాతీయస్థాయిని సాధించిపెట్టిన మహోన్నత వ్యక్తి, మనసున్న మనీషి, వరంగల్ ముద్దుబిడ్ద, ధ్వన్యనుకరణ సామ్రాట్, పద్మశ్రీ డాక్టర్ నేరెళ్ల వేణుమాధవ్ గారికి అశ్రునివాళి.

^^^
(Wriiten and posted on Facebook, on 19th June 2018.)

Wednesday 2 May 2018

దస్విదానియా!

ఆగస్టు, 2012 - మే, 2018.  

సుమారు 6 సంవత్సరాల సహచర్యం తర్వాత, నాకెంతో ప్రియమైన నా బ్లాగ్ "నగ్నచిత్రం"కు 
ఈరోజు గుడ్‌బై చెప్తున్నాను. 

దస్విదానియా. సయొనారా. గుడ్‌బై. సెలవు ..  

"మైండ్ చేంజెస్ లైక్ వెదర్" అన్నారు. 

ఇంతకుముందు కూడా రెండు మూడుసార్లు ఇలా గుడ్‌బై చెప్పాలని చాలా గట్టిగా అనుకొన్నాను. కానీ, అంత ఈజీగా ఆ పని చేయలేకపోయాను. 

కొన్ని అలవాట్లు అంత ఈజీగా వదలవు. 

కానీ, ఇప్పుడు మాత్రం ఊరికే అనుకోవడం కాదు. ఈ విషయంలో నిర్ణయం తీసేసుకున్నాను. 

అంతా ఒక్క క్షణంలో జరిగింది.

ఇలా అనుకున్నాను .. వెంటనే ఒక ట్వీట్ పెట్టాను, బ్లాగ్‌కు గుడ్‌బై చెప్తున్నానని!  


ప్రాధాన్యాలు చాలా ఉన్నాయి. వాటిలో కొన్నిటికి నా బ్లాగ్ కూడా ఉపయోగపడొచ్చు. కానీ, ఆ పని ట్విట్టర్, ఫేస్‌బుక్, ఇన్స్‌టాగ్రామ్‌ల ద్వారా కూడా నేను చేయగలను.

చెప్పాలంటే ట్విట్టర్ ఒక్కటి చాలు. 


వివిధరంగాల్లో ఉన్న ఎంతోమంది స్టాల్‌వార్ట్స్ ఈ మినీ బ్లాగింగ్ సైట్ ట్విట్టర్‌ను ఎంతో అద్భుతంగా వాడుతున్నారు.

నేను ప్రస్తుతం ఒక సినిమా చేస్తున్నా కాబట్టి, నా టీమ్ "తప్పదు, ఫేస్‌బుక్‌ను ఈ సినిమా అయ్యేదాకా కంటిన్యూ చెయ్యాల్సిందే" అని పట్టుబట్టడంవల్ల ... నాకు అత్యంత బోరింగ్‌గా ఉన్నా, బిజినెస్ పాయింటాఫ్ వ్యూలో తప్పనిసరై ప్రస్తుతం ఫేస్‌బుక్‌ను కంటిన్యూ చేస్తున్నాను. 

కొన్ని తప్పవు.    

కట్ టూ 'సెలెక్టివ్ మెమొరీ' - 

ఈ బ్లాగ్‌లోని కొన్ని ఎన్నికచేసిన బ్లాగ్ పోస్టులతో "నగ్నచిత్రం" పేరుతో తీరిగ్గా, ఒక ఏడాది తర్వాత ఒక పుస్తకం తప్పక పబ్లిష్ చేస్తాను. 

అది నా జ్ఞాపకం కోసం. 

దాని పీడీఎఫ్ ఫ్రీగా ఆన్‌లైన్‌లో పెడతాను. వేలాదిమంది నా ప్రియమైన బ్లాగ్ రీడర్స్ కావాలనుకొంటే దాన్ని డౌన్‌లోడ్ చేసుకొని చదువుకోవచ్చు. 

ఇప్పటికే, ఈ బ్లాగ్‌లో రాసిన కొన్ని పోస్టులు, మరికొన్ని ఆర్టికిల్స్ కలెక్షన్‌తో కలిపి కేసీఆర్ గారి మీద ఒక పుస్తకం అతి త్వరలో పబ్లిష్ చేస్తున్నాను. 

ఎందరో మహానుభావులు. అందరికీ వందనాలు. :)   

Monday 30 April 2018

క్రియేటివిటీ వేరు, రాజకీయాలు వేరు!


"సబ్ కా సున్‌నా అప్నా కర్‌నా" అని ఒక సామెత. 

తెలిసీ, అనుభవం ఉండీ, ఈ సామెతను ఆమధ్య అసలు పట్టించుకోలేదు. 

అప్పుడు అందరు చెప్పిందే విన్నాను కానీ, నా మనసు చెప్పింది మాత్రం పక్కన పెట్టాను. 

ఇప్పుడు జ్ఞానోదయమైంది, పూర్తిగా.

కట్ టూ క్రియేటివిటీ - 

క్రియేటివిటీకి హద్దులు లేవు. ఉండకూడదు. ఇది నేను వంద శాతం నమ్ముతాను. పాటిస్తాను.

నా టీమ్‌ను ఒక మూడు భాగాలుగా చేస్తే - అందులో ఒక భాగం తెలంగాణవాళ్లుంటారు. మరొక భాగం ఆంధ్రప్రదేశ్‌వాళ్లుంటారు. ఇంకో భాగం మొత్తం మన దేశంలోని మిగిలిన ప్రాంతాలకు చెందినవాళ్లుంటారు.

మరీ ఇట్లా గీతగీసినట్టు కాకుండా, కొన్నిసార్లు ఈ రేషియో మారొచ్చు కూడా.

రఫ్‌గా దీన్నే ఇంకో కామన్ రేషియోలో కూడా చెప్పగలను: టీమ్‌లో సగం మంది తెలంగాణవాళ్లుంటే, మిగిలిన సగం మంది మన దేశంలో ఒక్కో ప్రాంతం నుంచి ఉంటారు.

అయితే - ఇదంతా నేనేదో ప్లాన్ ప్రకారం చేస్తున్నది కాదు. అలా ఎవ్వరూ చెయ్యలేరు. కాని, ఇప్పటికే మన ఫిల్మ్ ఇండస్ట్రీలో పాతుకుపోయిన చాలామందిలో మాత్రం అలాంటి ఫీలింగ్ ఉంది. వాళ్ళు చేయొచ్చు. 

బట్, ఆ ‘చాలా మంది’ గురించి నాకు అవసరం లేదు. అది వేరే విషయం.

'లైక్‌మైండెడ్ స్వభావం' ఒక్కటే నా టీమ్‌లో నేను చూసేదీ, నాకు కావల్సిందీ.

కట్ టూ రాజకీయాలు - 

మన తెలంగాణ రాష్ట్ర ఐ టీ మినిస్టర్ కె టి రామారావు (కేటీఆర్) ఫేస్‌బుక్ పేజ్ మీద ఒక సూపర్ కొటేషన్ ఇలా ఉంది:  

"When Politics Decide Your Future, Decide What Your Politics Should Be!" 

తెల్లారిలేస్తే మనకు ఫేస్‌బులో కనిపించే సవాలక్ష పనికిరాని కొటేషన్లలో ఇదొకటి కాదు. 

తప్పనిసరిగా అందరూ పట్టించుకోవల్సిన కొటేషన్. 

బాగా ఆలోచించాల్సిన కొటేషన్. 

ముఖ్యంగా, బాగా చదువుకున్నవాళ్లు మరింత బాగా అలోచించాల్సిన కొటేషన్ ఇది.  

ఎందుకంటే .. నేను ఎక్కడో చూసిన ఒక లెక్క ప్రకారం, రాజకీయాలపట్ల పూర్తి నిరాసక్తంగా ఉండే ఒకే ఒక్క పనికిమాలిన సెగ్మెంట్ ఈ బాగా చదువుకున్నవాళ్లే!

ఈ ఒక్క సెగ్మెంట్ నిరాసక్తతే ఈ రోజు మన దేశాన్ని ఎందుకూ పనికిరానివాళ్లు దశాబ్దాలుగా పాలించడానికి కారణమైంది. దేశం ఎన్నోరకాలుగా వెనకబడటానికి కారణమైంది.

సో, కేటీఆర్ గారికి థాంక్స్ .. 

తెలిసిన కొటేషనే అయినా, దాన్ని అందంగా తన ఫేస్‌బుక్ పేజి మీద పెట్టి, నాలాంటి ఎందరో రాజకీయాల నిజమైన విలువ తెలుసుకొనేట్టు చేసినందుకు .. ఇప్పుడు నేనీ బ్లాగ్ రాయడానికి స్ఫూర్తినిచ్చినందుకు. 

కట్ టూ ‘భరత్ అనే నేను’ -  

కేవలం మూడురోజుల క్రితం మన ఐటి మినిస్టర్ కేటీఆర్ గారు కొరటాల శివ, మహేశ్ బాబు 'భరత్ అనే నేను' సినిమాకు సంబంధించిన ఒక ప్రమోషన్ కార్యక్రమంలో పాల్గొన్నారు. 

దాని గురించి కేటీఆర్ గారే స్వయంగా, ఆ ప్రోగ్రాం లింక్ ఇస్తూ, తన ఫేస్‌బుక్ పేజ్‌లో, ట్విట్టర్‌లో పోస్ట్ కూడా చేశారు.

దాన్ని నేను కూడా నా ఫేస్‌బుక్ పేజ్‌లో, ట్విట్టర్‌లో షేర్ చేశాను.  

'భరత్ అనే నేను' కోసం ఒక క్లాసిక్ స్థాయిలో చేసిన ఆ ప్రోగ్రాం పేరు 'విజన్ ఫర్ ఏ బెటర్ టుమారో'. 

రాజకీయాలు వేరు, క్రియేటివిటీ వేరు అన్నదాన్ని నిజం చేస్తూ, మంత్రి కేటీఆర్ ఆ ప్రోగ్రాంలో పాల్గొనటమే ఒక విశేషం. 

కాగా .. ఆ ప్రోగ్రాం మొత్తంలో కూడా కేటీఆర్ ప్రజెంటేషన్, ఆయన మాట్లాడిన మాటలే సూపర్ హైలైట్ అనేది చెప్పాల్సిన అవసరంలేని మరో గొప్ప విశేషం. 

దటీజ్ కేటీఆర్!

అయితే .. ఇలాంటి చొరవ, ఇలాంటి తోడ్పాటు మన తెలంగాణ దర్శకుల సినిమాలకు కూడా కేటీఆర్ తప్పక ఇస్తారనీ, అలా ఇవ్వాలనీ నేను ఆకాంక్షిస్తున్నాను.   

కట్ బ్యాక్ టూ అసలు పాయింట్  - 

ఆరు దశాబ్దాలుగా రగిలిన తెలంగాణ ప్రజల మనోవాంఛను నిజం చేసిన వ్యక్తి కేసీఆర్. 

గత 60 ఏళ్ళుగా ఎవ్వరూ సాధించలేనిదాన్ని సాధించి చూపిన ఒక ఉద్యమశక్తి కేసీఆర్. 

ఈ నేపథ్యంలో .. కేసీఆర్‌గారిమీద అభిమానంతో, ఒక చిన్న పుస్తకం రాద్దామనుకొన్నాను. ఒక మ్యూజిక్ వీడియో చేద్దామనుకొన్నాను. ఒక అంతర్జాతీయస్థాయి డాక్యుమెంటరీ చేద్దామనుకున్నాను.  

"సినీఫీల్డులో వున్నావు. ఎందుకు అనవసరంగా? .. వద్దు!" అని చెప్పిన కొందరి 'ఉచిత సలహా' విని, ఆ పనులు అప్పుడు వాయిదా వేసుకున్నాను. 

కానీ అది తప్పు.  

క్రియేటివిటీ వేరు, రాజకీయాలు వేరు. 

ఇంకా చెప్పాలంటే - మొన్నటిదాకా శత్రువులుగా పిచ్చి పిచ్చిగా తిట్టుకున్నవాళ్లే ఇప్పుడు మళ్ళీ మిత్రులుగా కలిసిపోయారు. 

పార్టీలు మారుతున్నారు. పార్టీలకెళ్తున్నారు. పార్టీలు చేసుకుంటున్నారు. 

ఇందులో తప్పేం లేదు. తప్పదు.

రాజకీయ చదరంగం. 

జీవనవైరుధ్యం. 

సో, దేనికి ఏదీ అడ్డంకాదు. అడ్డురాదు. 

దేని దారి దానిదే.

చేయాలనుకున్నది ఒక మంచిపని అయినప్పుడు చేసుకుంటూపోవడమే.  

త్వరలో నేను ప్రారంభించబోయే నా కొత్త సినిమా ఓపెనింగ్ సందర్భంగానో, దానికి ముందో, ముఖ్యమంత్రి కేసీఆర్ గారి మీద నేను కొత్తగా అనుకున్న ఒక పుస్తకం ప్రచురించి ఆవిష్కరించాలనుకొంటున్నాను.

మన ఐటి మంత్రి కేటీఆర్ కొటేషన్ ఒక్కటే కాకుండా - ఈ నా నిర్ణయానికి పరోక్షంగా కేటలిస్టులుగా పనిచేసినవాళ్లు మరో ఇద్దరు ఆత్మీయులున్నారు.

ఒకరు నా ఫేవరేట్ స్టూడెంట్. మరొకరు నా టీమ్‌లోని చీఫ్ టెక్నీషియన్స్‌లో ఒకరు. 

విచిత్రమేంటంటే .. వీళ్లిద్దరిదీ గుంటూరు!