Friday, 28 April 2017

దర్శక "బాహుబలి" రాజమౌళి

తెలుగు సినిమాలో ఇప్పటివరకూ ఏ దర్శకుడూ సాహసించని ఒక విజన్.

భారతీయ సినిమాలో ఇప్పటివరకూ ఎవ్వరూ స్పృశించని అనేకానేక మార్కెటింగ్ టెక్నిక్స్.

ఎవ్వరూ ఊహించడానికి కూడా ఇష్టపడని ఒక ధైర్యం.

తను నమ్మిన ప్రాజెక్టు కోసం అర్థ దాశాబ్దం పాటు నిరంతర శ్రమ.

ఒక బాహుబలి.

హాట్సాఫ్ టూ రాజమౌళి ..


కట్ టూ రియాలిటీ - 

పైన చెప్పిన స్థాయిలో ఇదొక తొలి ప్రయత్నం.

అందరూ మెచ్చుకోవాలి. ప్రోత్సహించాలి.

తెలుగు సినిమా మరింత ఉన్నత స్థాయికి ఎదగడానికి, మరెందరో ఫిల్మ్ మేకర్స్ ఈ స్థాయిలో ప్రయత్నాలు ప్రారంభించడానికీ పుష్ చేయాలి.

ఒక సినిమాలో తప్పుల్నే వెదుక్కుంటూ కూర్చుంటే 1000 దొరుకుతాయి.

దానికంటే, ముందు సినిమా అనేది ఒక ఫిక్షన్ అనేది గుర్తుపెట్టుకోవాలి.  ఒక బిగ్ బిజినెస్ అనేది గుర్తుపెట్టుకోవాలి. ఒక జూదం అన్న విషయం కూడా కూడా గుర్తుపెట్టుకోవాలి.

ప్రతి చిన్న అంశాన్ని పట్టుకొని ఈకలు తోకలు పీకడం చాలా ఈజీ. కానీ, అయిదేళ్ళు కష్టపడి అంత భారీ రేంజ్‌లో ఒక బాహుబలిని 2 భాగాలుగా రిలీజ్ చేసి, విజయం సాధించి, కోట్లలో లాభాల్ని కొల్లగొట్టడం మాత్రం అంత ఈజీ కాదు.

అది రాజమౌళి సాధించాడు.

నేనూ ఒక రాయి వేయగలను ..

అసలు టెక్నాలజీ లేని రోజుల్లోనే మన సీనియర్లు మాయాబజార్‌లు, వీరాభిమన్యులు తీసి "ఔరా" అనిపించారు. మరి 100ల కోట్ల బడ్జెట్లు, ఇంత ఆధునిక టెక్నాలజీ అందుబాటులో ఉన్న ఈ రోజుల్లో ఖచ్చితంగా బాహుబలిలో చిన్న పొరపాటు కూడా ఉండటానికి వీళ్లేదు. కానీ ఉన్నాయి. రాస్తే అదొక చిన్న లిస్ట్ అవుతుంది. కానీ నేనా పనిచేయను. అది కరెక్ట్ కాదు.

ఎందుకంటే,  సినిమాకు కొన్ని పరిమితులుంటాయి. సినిమాను సినిమాగానే చూడాలి.

ఒక ఫిల్మ్ మేకర్‌గా, ఒక మార్కెటింగ్ జీనియస్‌గా రాజమౌళి సాధించిన ఈ భారీ విజయాన్ని మనస్పూర్తిగా అభినందిస్తున్నాను.   

No comments:

Post a Comment