Sunday, 31 December 2017

థాంక్స్ 2017 !!

నాకు హ్యాపీ న్యూ ఇయర్ వంటి సెంటిమెంట్స్ ఏమీ లేవు. కానీ, ఇలాంటి సందర్భాల వల్ల ఒక మంచి ఉపయోగం ఉందని మాత్రం గట్టిగా నమ్ముతాను.

గడిచిన సంవత్సరం నేను ఏం చేశాను ... నా జీవితంలో ఏం జరిగింది ... నేనేం సాధించాను ... ఏం చేయాలనుకొని చేయలేకపోయాను ... ఎందుకు చేయలేకపోయాను ... నేను తీసుకొన్న మంచి నిర్ణయాలేంటి ... అతి చెత్త నిర్ణయాలేంటి ... ఇకముందు ఏం చేయాలి, ఏం చేయకూడదు ... అన్న స్వీయ విశ్లేషణ  ఈ న్యూ ఇయర్ పుణ్యమా అని కనీసం కొన్ని నిముషాలపాటైనా నేను చేసుకుంటాను.

ఇదే పనిని మన తెలుగు సంవత్సరాది ఉగాదికి కూడా చేసుకోవచ్చు. అంటే, కేవలం ఒక మూడు నెలల వ్యవధిలో రెండుసార్లు మనల్ని మనం విశ్లేషించుకొనే అవకాశం మనకు దొరుకుతుందన్నమాట!

మంచో, చెడో ... 2017 నాకు చాలా అనుభవాలనిచ్చింది. చాలా నేర్చుకున్నాను. అన్నీ బాగుంటే, అలా నేర్చుకొనే అవకాశం వచ్చేది కాదు.

అందుకే, 2017 కు మెనీ థాంక్స్.


కట్ టూ న్యూ ఇయర్ డెసిషన్స్ - 

న్యూ ఇయర్ డెసిషన్స్ ను నేను అస్సలు నమ్మను.

99 శాతం మంది విషయంలో ఇదంతా ఉట్టి హంబగ్.

విల్ పవర్ ఉన్నవాళ్లకు జనవరి ఒకటో తేదీనే అవసరం లేదు. ఎప్పుడైనా, ఏదైనా మానేయవచ్చు. ఎప్పుడైనా ఏదైనా ప్రారంభించవచ్చు.

నేను మొన్న ఆగస్టు 4 నాడే నా కెరీర్‌కీ, నాజీవితానికి సంబంధించిన ఓ పెద్ద నిర్ణయం తీసుకున్నాను. ఇప్పటికీ ఎప్పటికీ ఆ నిర్ణయానికి కట్టుబడి ఉంటాను.

అంతే.

నేను తీసుకొన్న ఆ గొప్ప నిర్ణయం ఏంటన్నది వచ్చే జూన్ 30 నాడు మాత్రమే నా బ్లాగ్ లో పోస్ట్ చేస్తాను.

ఇవాళ సాయంత్రం నా కొత్త సినిమా 'నమస్తే హైదరాబాద్' కు సంబంధించిన న్యూస్ ఒకటి పోస్ట్ చేయాలనుకొంటున్నాను:

ఓపెనింగ్ జనవరిలో - షూటింగ్ ఫిబ్రవరిలో - సమ్మర్ రిలీజ్!

అంతే.

ఇదొక్కటి మాత్రమే ఇవాళ ఈ న్యూ ఇయర్ ఈవ్ స్పెషల్ ...

Happy New Year 2018
to all my friends and well wishers ...

Friday, 29 December 2017

@KTRTRS Rocks !!

Q: మీరు చాలా గర్వపడే విషయం ఏంటి?
A: తెలంగాణ రాష్ట్రం అనే ఒక అసాధ్యమైన కలను
కే సీ ఆర్ గారు సుసాధ్యం చేశారన్న వాస్తవం.

Q: మన ప్రియతమ ముఖ్యమంత్రి కే సీ ఆర్ గారి మీద ఎవరైనా డైరెక్టర్ బయోపిక్ తీస్తా అంటే వారు ఒప్పుకుంటారా?
A: కే సీ ఆర్ గారిని అడగండి. నన్ను కాదు.

Q: 2018 తెలంగాణాకు పండుగ సంవత్సరం. కాళేశ్వరం ప్రాజెక్టు మొదలవబోతుంది. మీరేం అంటారు సార్?
A: ఖచ్చితంగా. పండుగే.

Q: హైద్రాబాద్‌లో ఐ ఐ ఎమ్ ఏర్పాటుచేసే అవకాశముందా?
A: కేంద్ర ప్రభుత్వానికి అభ్యర్థన పంపాము. రెస్పాన్స్ కోసం ఎదురుచూస్తున్నాము.

Q: సార్, న్యూ ఇయర్‌కు డి జె పర్మిషన్ కావాలి.
A: నీకో దండం బాబూ!

Q: పరిశుభ్రత, పరికరాల విషయంలో మన గవర్నమెంట్ హాస్పిటల్స్‌ను ప్రయివేట్ హాస్పిటల్స్ స్థాయిలో ఊహించవచ్చా?
A: ఈ విషయంలో ఆల్రెడీ చాలా ప్రోగ్రెస్ ఉంది. ఇంకా ఉంటుంది. 

Q: నేను బెంగుళూరు నుంచి మీ డైహార్డ్ ఫ్యాన్‌ను. మీలాంటి మంత్రి మాకు లేరే అని బాధపడుతుంటాను. తెలంగాణ కోసం మీరు చేస్తున్న పధ్ధతిలో వేరే ఎవ్వరూ కృషి చేయడం నేను ఊహించలేను. నిజంగా మీరు కేంద్రంలో ఉండాల్సినవారు.
A: థాంక్స్.

Q: కాంట్రాక్ట్ లెక్చరర్స్ రెగ్యులరైజేషన్ గురించి ఏమిటి? ఈ విషయంలో ప్రభుత్వం తర్వాత ఏ స్టెప్స్ తీసుకోబోతోంది?
A: నాకు తెల్సినంతవరకూ ఈ ఇష్యూ కోర్టులో ఇరుక్కుపోయి ఉంది. 

Q: 90% ప్రజలు ఇన్‌కమ్ టాక్స్ కట్టరు అనే విషయం మీకు తెలుసు. దీని పరిష్కారానికి మీ ప్లాన్ ఏంటి?
A: మీరు (అరుణ్) జైట్లీని అడగాలి.

Q: కర్నాటక, ఒరిసా రాష్ట్రాల నుంచి నా మిత్రులు మంత్రిగా మీరు చేస్తున్న కృషికి బాగా ఇంప్రెస్ అయ్యారు. అసలు మీరు సెంట్రల్ మినిస్టర్ కావడానికి అన్నివిధాలా అర్హులు అంటున్నారు.
A: నా రాష్ట్రంలోనే నేను చేయాల్సింది ఇంకా చాలా ఉంది.

Q: మీ కాలేజ్ రోజుల్లో మీకెవరైనా గాళ్‌ఫ్రెండ్స్ ఉన్నారా?
A: ఇప్పుడు నేను మీకు వారి పేర్లు చెప్తా అనుకుంటున్నారా!

Q: ఒకవేళ మీరు ఏపీలో వోటు వేయాలంటే టీడీపీకి వేస్తారా, వైఎస్సార్‌సీపీకా, జనసేనకా?
A: నాకు ఏపీలో వోటు లేదు. 

Q: సమంత గురించి రెండు మాటలు చెప్పండి.
A: మన హ్యాండ్‌లూమ్ అంబాసాడర్. సున్నిత మనస్కురాలు. 

Q: మా ఎల్ బి నగర్ - మియాపూర్ మెట్రో ఎప్పుడు షురూ చేస్తున్నారు?
A: జూన్ 2018. 

Q: మీరు ఎందరికో ఇన్స్‌పిరేషన్. నా మిత్రుడి ఆరోగ్య ఖర్చులకోసం ఆర్థిక సాయం చేశారు మీరు. మీకు పర్సనల్‌గా థాంక్స్ చెప్పాలనుకుంటున్నాను. మిమ్మల్ని ఒకసారి హగ్ చేసుకొని, మీతో ఫోటో తీసుకోవాలానుకుంటున్నాను. సాధ్యమా?
A: వెల్‌కమ్ బ్రదర్. మీ ప్రేమకు థాంక్స్.

Q: పవన్‌కళ్యాణ్ రాజకీయాలమీద మీ అభిప్రాయం ఏంటి? దయచేసి చెప్పండి సర్.
A: ప్రజలు నిర్ణయిస్తారు. నేనెవర్ని?

Q: 1 + 1 = ?
A: రాజకీయాల్లో 2 కాదు.

Q: జై తెలంగాణ అని ఒక రిప్లై ఇవ్వండి సార్.
A: జై జై తెలంగాణ!

Q: మినిస్టర్‌గా, అడ్మినిస్ట్రేటర్‌గా, తండ్రిగా, భర్తగా, కొడుకుగా లైఫ్‌ను ఎలా బ్యాలెన్స్ చేస్తున్నారు?
A: చాలా కష్టతరమైన ఫీట్. కొన్ని వ్యక్తిగత త్యాగాలు తప్పనిసరి.

Q: మీరు ధోనీ నుంచి ఏదైనా ఒక క్వాలిటీ తీసుకోవాలనుకొంటే ఏం తీసుకుంటారు?
A: ఎంత వత్తిడిలోనైనా కామ్‌గా ఉండగలగటం.  

Q: సచిన్ గురించి ఒక్క మాటలో చెప్పండి.
A: లెజెండ్.

Q: కే సీ ఆర్ కాకుండా, మీకు బాగా నచ్చిన ఇంకో పొలిటీషియన్ ఎవరు?
A: బరాక్ ఒబామా.

Q: తెలంగాణలో మరొక డైనమిక్ లీడర్ హరీష్‌రావు గారి గురించి కొన్ని మాటల్లో చెప్పండి.
A: హార్డ్‌వర్కింగ్ & బాగా పట్టుదల ఉన్నవాడు. 

Q: యంగ్ రెబల్ స్టార్ ప్రభాస్ గురించి ఒక్క ముక్కలో చెప్పండి.
A: బాహుబలి.

Q: మీరు ఇంట్లో ఎప్పుడైనా వంట చేశారా?
A: యూ ఎస్ లో ఉన్నప్పుడు చేశా.

Q: ఫేవరేట్ ఫుడ్ సర్?
A: ఇండియన్. చైనీస్.

Q: మీ ఫేవరేట్ బుక్?
A: ఫౌంటేన్ హెడ్.

Q: 2017 లో మీ ఫేవరేట్ మూవీ?
A: 140 కేరెక్టర్స్‌లో చెప్పలేనన్ని.

Q: గ్లోబల్ హైదరాబాద్ కోసం తెలంగాణ గవర్నమెంట్ ఏ 5 అంశాలకు ప్రాధాన్యతనిస్తోంది?
A: ఇన్‌ఫ్రాస్‌స్ట్రక్చర్.
శానిటేషన్ - క్లీన్ సిటీ.
లా & ఆర్డర్ - సేఫ్ సిటీ.
పరిశుభ్రమైన గాలి - గ్రీన్ సిటీ.
మంచి ఆరోగ్య సౌకర్యాలు - బస్తీ దవాఖానా. 

Q: టి ఆర్ ఎస్ గవర్నమెంట్ హైదరాబాద్ కేంద్రంగానే అభివృధ్ధికి కృషి చేస్తోందంటున్నారు. మీరేమంటారు?
A: పూర్తిగా తప్పు. అన్ని జిల్లాల్లో ఆల్‌రౌండ్ డెవలప్‌మెంట్‌కు కృషి చేస్తున్నాం.

Q: హైదరాబాద్‌లోని కొన్ని ప్లేసెస్‌లో ఫ్రీ వైఫై అని ప్రామిస్ చేశారు. ఇంకా ఏం లేదు. ఎప్పటికి ఎక్స్‌పెక్ట్ చెయ్యొచ్చు?
A: 1/3 పూర్తయింది. మిగిలింది జరుగుతోంది.

Q: సార్! ఈవంక... మేము వేసే ట్వీట్స్ కొంచెం చూడండీ!
A: ఈవంక నా ... ఇవాంకా నా?

Q: జి ఇ ఎస్ 2017 లో మాడరేషన్ చేసేటప్పుడు నెర్వస్‌గా ఫీలయ్యారా?
A: అంతకుముందెప్పుడూ ఫీల్ అవ్వనంత నెర్వస్‌గా ఫీలయ్యాను. వాళ్లంతా అంతకు ముందు నేనెప్పుడూ కలవనివాళ్లు. మాడరేషన్ కూడా అంతకునుందు నేనెప్పుడూ చెయ్యలేదు.

Q: నేను ఏపి నుంచి... మీ నాన్న గారు, మీరు తెలంగాణ కోసం చేస్తున్న ఆల్‌రౌండ్ డెవలప్‌మెంట్ చూస్తున్నాం. మీకు 2019 లో భారీ మెజారిటీ తప్పక వస్థుంది.
A: ఎలెక్షన్ల గురించి వర్రీ వద్దు బ్రదర్. ప్రజలు చాలా తెలివైనవాళ్లు. పనిచేసేవాళ్లను ఎన్నుకుంటారు.     

Q: మీరు దేవుడిని నమ్ముతారా? ఒకవేళ నమ్మితే, అలా మీరు దేవుడిని నమ్మేలా చేసిందేమిటి?
A: నేను కర్మను నమ్ముతాను.

Q: డాడ్ అని చెప్పకుండా, సి ఎం కే సీ ఆర్ గారి గురించి ఒక్క మాటలో చెప్పండి.
A: (అత్యంత అనుకూల ఫలితాలను తెచ్చే) టాస్క్ మాస్టర్.


కట్ టూ కే టీ ఆర్ ‘లైవ్’ - 

నిన్న రాత్రి 8 గంటలనుంచి, 10 వరకు, ఒక రెండు గంటలపాటు మంత్రి కే టీ ఆర్ ట్విట్టర్ లో లైవ్ లో ఉన్నారు.

వాటిల్లో ఆసక్తికరమైన కొన్ని ప్రశ్నలకు కె టీ ఆర్ ఇఛ్చిన సమాధానాలను ఇలా నా బ్లాగ్‌లో పోస్ట్ చేయాలనిపించింది.

పైవన్నీ ఆ ప్రశ్నజవాబులే!

రాజకీయాల్లో ఒక మంత్రి ఇలా కూడా ఉండొచ్చు .. ఇంత బాగా పనిచేయొచ్చు అని అలవోగ్గా చేతల్లో నిరూపిస్తున్న మంత్రి కే టీ ఆర్ మన తెలంగాణ బిడ్డ కావడం మనం నిజంగా గర్వించాల్సిన విషయం.

కే టీ ఆర్ ఒక ముఖ్యమంత్రి కొడుకు అన్నది ఇక్కడ విషయం కానేకాదు. ఒక వ్యక్తిగా, ఒక డైనమిక్ మంత్రిగా, అతనిలోని అన్ని పార్శ్వాల్లో ఉన్న విశిష్టత, నైపుణ్యం, సింప్లిసిటీ, అతని సంపూర్ణ వ్యక్తిత్వం ... ఇవన్నీ పైనున్న ప్రశ్న జవాబుల్లో మనం గమనించవచ్చు.

మన దేశంలోని ఏ రాష్ట్రంలోనైనా, ఇప్పటివరకు, ఇంత మల్టీ టాలెంటెడ్ .. ఇంత డైనమిక్ .. ఇంత గో గెటర్ .. ఇంత స్పోర్టివ్ .. ఇంత సోషలైట్ .. ఇంత హ్యూమనిస్ట్ మంత్రిని నేను మాత్రం ఇంతవరకు చూడలేదు.

అయితే, ఇదంతా తండ్రిగా కే సీ ఆర్ గారి పెంపకం అని మెచ్చుకోకుండా ఎలా ఉండగలం?

@KTRTRS, You Rock … 

Thursday, 28 December 2017

2018 మరొక రొటీన్ న్యూ ఇయర్ కాదు!

ఇది నిజం.

ఇంకో 3 రోజుల్లో 2017 అయిపోతోంది.

ఇంక దాని గురించి ... ఆ సంవత్సరంలో ఏమనుకున్నాను, ఏం చేశాను, ఏం జరిగింది అన్న ఆలోచన, చర్చ, విశ్లేషణ ఇప్పుడు అనవసరం.

నో ఫ్లాష్‌బ్యాక్.

సింపుల్‌గా, 2017, ఒక ముగిసిన అధ్యాయం.


కట్ టూ 2018 -   

ఇది ఖచ్చితంగా అంతకుముందులా ఒక అతి మామూలు సాదాసీదా సంవత్సరం మాత్రం కాదు. కానివ్వను.

ఈ సంవత్సరానికి సంబంధించి నా ఆలోచనలు, యాక్షన్ ప్లాన్, డెడ్‌లైన్స్ ... అన్నీ చాలా స్పష్టంగా ఉన్నాయి. 

టార్గెట్ బై టార్గెట్ ... అన్నీ అనుకున్నట్టుగా పూర్తిచేస్తాను. వాటి దారి వాటిదే. అవి అలా జరిగిపోతుంటాయి.

వీటిలో అతి ముఖ్యమైనవి మాత్రం రెండే రెండు:

2018 మే నెల దాకా 'నమస్తే హైదరాబాద్' సినిమా.

2018 ప్రారంభం నుంచే పూర్తిస్థాయిలో మ్యాప్‌రాక్స్ ఇంటర్నేషనల్ పనులు.

ఈ రెండింటిమీదే నా పూర్తి ఏకాగ్రత.     

వెరసి, క్లుప్తంగా ఒక్కటే మాట ...
2018, నా ఫ్రీడమ్ ఇయర్.  

Wednesday, 27 December 2017

సరిగ్గా సంవత్సరం క్రితం ఇదే రోజు ...

డిసెంబర్ 27, 2016.

సరిగ్గా సంవత్సరం క్రితం ఇదే రోజు మధ్యాహ్నం మా అమ్మ ఫోన్‌లో ఆమెతో నేను ఒక పది నిమిషాలపాటు మాట్లాడాను.

అదే మా అమ్మ మాట్లాడిన చివరి కాల్. అదే నేను మా అమ్మతో మాట్లాడిన చివరి కాల్.

వరంగల్లో, అక్కడే ఉన్న మా తమ్ముడు మా అమ్మ ఆరోగ్యం గురించి ఏదో అంటే నేను పట్టించుకోలేదు. మామూలుగా 70 ప్లస్ వయస్సులో వచ్చే ఏదో చిన్న అనారోగ్యం అనుకున్నాను.

కానీ, ఆ తర్వాత ఒక గంటకే నేను ఊహించని కాల్ రానే వచ్చింది.

మా అమ్మ చనిపోయింది.


కట్ టూ 27 డిసెంబర్ 2017 - 

సరిగా ఇప్పుడు ఈ బ్లాగ్ రాస్తున్న ఈ సమయానికి .. సంవత్సరం క్రితం, వరంగల్లో, మా అమ్మకు అంతిమ సంస్కారం చేస్తున్నాం.

అంతా అయిపోయింది.

చూస్తుండగానే, మా అమ్మ లేకుండానే, 365 రోజులు చాలా వేగంగా గడిచిపోయాయి.

ఒక నాలుగు రోజుల్లో 2017 పూర్తికాబోతోంది.

2018 రాబోతోంది.

అన్నీ మామూలుగానే జరిగిపోతున్నాయి.

అమ్మ లేకుండానే ...  

Thursday, 21 December 2017

మాతృభాష కోసం మన కేసీఆర్!

అది ఫుట్ బాల్ టోర్నమెంట్ కాదు, క్రికెట్ వరల్డ్ కప్ కాదు.

ప్రపంచ తెలుగు మహాసభలు ...

అయినా, హైదరాబాద్ నడిబొడ్డున ఉన్న మన లాల్ బహదూర్ స్టేడియం కిక్కిరిసిపోయింది!

బాల్ కోసం కాదు, భాష కోసం!

నిస్సందేహంగా నూటికి నూరు శాతం ఈ ఘనత ముఖ్యమంత్రి కేసీఆర్ దే.

42 దేశాల నుంచి, దేశంలోని 19 రాష్ట్రాలనుంచి, వేలాదిమంది ప్రతినిధులు పాల్గొన్న ఈ తెలుగు మహాసభలు నభూతో నభవిష్యతి!

ఇది చదవడానికి, వినడానికి ఒక మామూలు అతిశయోక్తిలా అనిపించవచ్చు. కానీ, ఎంతమాత్రం కాదు.

అయితే, 'నభూతో నభవిష్యతి' అన్న మాట నేనిక్కడ ఉపయోగించడానికి కారణాలు చాలా ఉన్నాయి. వాటిలో ఒకటి రెండు అంశాల గురించి మాత్రమే ఇక్కడ మీతో పంచుకోవాలని ఈ చిన్న బ్లాగ్ పోస్టు రాస్తున్నాను.

ఇంతవరకూ తెలంగాణ ప్రజలు కేసీఆర్ లో ఒక ఉద్యమ నాయకున్ని చూశారు. ఒక అత్యంత సమర్థవంతమైన ముఖ్యమంత్రిని చూశారు. బంగారు తెలంగాణ కోసం అహరహం తపించే ఒక స్వాప్నికుణ్ణి చూశారు. బంగారు తెలంగాణ అనేది కేవలం మాటలే కాదు, చేతల్లో కూడా సాధ్యమే అని ఒక్కొక్కటిగా అద్భుతాలు ఆవిష్కరిస్తున్న ఒక దార్శనికుణ్ణి చూశారు. పరిపాలన అంటే ఎప్పుడూ రాజకీయమే కాదు, మానవీయకోణంలో కూడా ప్రజల సంక్షేమం కోసం  నిర్ణయాలు తీసుకోవచ్చు అని నిరూపించిన ఒక మనవతామూర్తిని చూశారు. తెలంగాణ గడ్డ మునుపెన్నడూ చూడని ఒక రాజకీయ చాణక్యుణ్ణి కూడా చూశారు.

ఇప్పుడు, తెలంగాణ రాష్ట్ర అవతరణ తర్వాత జరిపిన ఈ  మొట్టమొదటి ప్రపంచ తెలుగు మహాసభల పుణ్యమా అని, మొట్టమొదటిసారిగా, కేసీఆర్ లో ఒక నిలువెత్తు సాహిత్యమూర్తిని కూడా చూశారు.

ఇది కదా అసలు అద్భుతం!

ఆ భాష, భాష మీద ఆ మమకారం, ఆ వ్యక్తీకరణ ... సాహిత్యం మీద, సాహిత్య చరిత్ర మీద, భాషా చరిత్ర మీద అంత పట్టు ... వందలాది పద్యాలు కంఠతా ఉండటం, ఆ పద్యాల్ని పద్యాల్లా అలవోగ్గా ఆలపించడం ...

ఎప్పుడైనా, ఏ ముఖ్యమంత్రిలోనయినా ఇన్ని అద్భుత పార్శ్వాలు మనం చూశామా?

బహుశా ఇకముందు కూడా మనం చూడం.

నిజమే. మనకిష్టం లేనివి కూడా ఈ సభల్లో కొన్ని జరిగి ఉండవచ్చు. కానీ, వేలాదిమంది పాల్గొనే సభల్లో ప్రతి ఒక్క అంశాన్ని కూడా కేసీఆర్ ఒక్కడే చూసుకోవాలంటే అది నిజంగా అయ్యేపని కాదు.

ఇంత భారీ కార్యక్రమంలో, ఆయా విభాగాలకు నియమించిన ప్రధాన వ్యక్తుల నిర్ణయాల కారణంగా, కొన్ని చిన్న చిన్న లోటుపాట్లు జరిగే అవకాశం తప్పకుండా ఉంటుంది. అర్థం చేసుకోగలిగితే అది సహజం. తప్పులే పట్టుకోవాలని నిత్యం రంధ్రాన్వేషణ చేసేవారికి మాత్రం అది కోతికి కొబ్బరి చిప్పే.

రాజకీయ అవసరమో, చాణక్యమో .. ఈ సభల్లో మన మనస్సుని చివుక్కుమనిపించే ఒకానొక సినీతారల సన్మాన కార్యక్రమంలో కూడా ఒక పాజిటివ్ కోణాన్ని మనం చూడవచ్చు.

అంతకుముందు తెలంగాణను వ్యతిరేకించినవారిచేత, తెలంగాణను ద్వేషించినవారిచేత, తెలంగాణను యూ టీ చేయాలన్నవారిచేత కూడా .. అదే వేదిక మీదనుంచి .. అదే తెలంగాణను, తెలంగాణ ప్రజలను, తెలంగాణ  ముఖ్యమంత్రిని, తెలంగాణ రచయితలు, కవులను నోరారా పొగిడేలా చేయగలిగిన సత్తా కేవలం కేసీఅర్ దే!

అంతే కాదు. మహాసభల ముగింపు రోజున తన ఉపన్యాసాన్ని కేసీఆర్ ఒక నవ్వుల పద్యంతో ముగించడం విశేషం.

ఇక, సభల ముగింపు సంబురాలు ఏదో అల్లాటప్పాగా జరగలేదు. అద్భుతమైన లేజర్ షో, భారీ టపాసులతో దేదీప్యమానంగా, ఒక అంతర్జాతీయ స్థాయి స్పోర్ట్స్ ఈవెంట్ ముగింపు వేడుకల్లాగా జరపడం అనేది కేసీఆర్ ఈ మహాసభలకు ఎంత ప్రాముఖ్యం ఇచ్చారో తెలుపుతుంది. తెలుగు భాష పట్ల ఆయనకున్న మమకారాన్ని తెలుపుతుంది.

హైద్రాబాద్ లో విజయవంతంగా జరిపిన తెలుగు మహాసభల ప్రకంపనలు మన పక్క రాష్ట్రంలో వెంటనే మొదలయ్యాయి. 'భీమవరంలో ఆంధ్ర మహాసభలు' అంటున్నారు అప్పుడే!

పోటీగా చేసినా, ఇంకే ఉద్దేశ్యంతో చేసినా, ఇలాంటి కార్యక్రమాలు ఎక్కువగా జరగడం వల్ల తెలుగు భాష మరింత ప్రాధాన్యతను సంతరించుకొంటుంది. మరింతగా విలసిల్లుతుంది.

కనీసం ఈ దిశలో ప్రయత్నాలయినా ఎప్పుడూ కొనసాగుతుంటాయి.

మాతృ భాషకు బ్రహ్మరథం పట్టాలన్న కేసీఆర్ ఆశయ సాఫల్యానికి ఇది ఆరంభం మాత్రమే. ఇక ప్రతియేటా డిసెంబర్ మొదటివారంలో తెలంగాణలో తెలుగు మహాసభలు జరుపుతామని కూడా కేసీఆర్ చెప్పారు.

కట్ టూ సంస్కారదీప్తి - 

తెలుగు మహాసభల ప్రారంభం రోజున జాతీయగీతాలాపన అయినవెంటనే, తొట్టతొలిగా తన ముఖ్యమంత్రి ప్రోటోకాల్ లాంటివన్నీ పక్కనపెట్టి, కేసీఆర్ తన గురువుగారైన మృత్యుంజయశర్మ గారిని వేదికపైన సత్కరించి, సాష్టాంగ ప్రణామం చేయడం ఎవరూ ఊహించని గొప్ప విషయం.

ఒక వ్యక్తి విజయపరంపర వెనుక అతని కృషి, పట్టుదల, వ్యూహాలు, ప్రతివ్యూహాలు, ఎలాంటి పరిస్థితులు ఎదురైనా తట్టుకొని నిలబడగలిగే స్థితప్రజ్ఞత వంటివి ఎన్నో తప్పక ఉంటాయి. వీటన్నింటికి తోడు అతని వ్యక్తిత్వం, అతనిలోని అత్యున్నత సంస్కారం కూడా ఈ విషయంలో ప్రధానపాత్ర వహిస్తాయన్న నిజానికి నిలువెత్తు నిదర్శనం మన కేసీఆర్.

Monday, 4 December 2017

దట్సాల్ యువరానర్!

ప్రతిపక్షాలకంటే వేరే పనేమీ ఉండదు. ఏ సందు దొరుకుతుందా, ఎట్లా ప్రభుత్వాన్ని, ముఖ్యమంత్రిని విమర్శిద్దామా, తిడదామా అని ప్రతి నిముషం ఎదురుచూస్తుంటారు.

ఇంకా చెప్పాలంటే .. అంతా కాచుక్కూర్చుంటారు. తెల్లారి లేస్తే కె సి ఆర్ ను ఆరోజు ఎలా కాల్చుకుతిందామా అని. 

ఇది సర్వసహజం.

కారణం కరెక్టయినా, కాకపోయినా .. ఏదో ఓ నెపంతో ప్రభుత్వాన్ని, ముఖ్యమంత్రిని, తిట్టడం, విమర్శించడం, సెటైర్లు వెయ్యడం ప్రతిపక్షాల రొటీన్ వ్యవహారం.

రోజూ అదే వాళ్ల డ్యూటీ.

ఈ యాంగిల్లో పాపం .. వాళ్లనేమీ అనడానికి లేదు.

దీనికి జనం ఎప్పుడో అలవాటైపోయారు. ఇదంతా ఎప్పుడూ ఉండే ఒక సన్నాసి వ్యవహారం అనుకొని 'లైట్' తీసుకుంటున్నారు. అసలు పట్టించుకోవడంలేదు. 
   

కట్ చేస్తే - 

ఆర్జీవీలాంటి హల్‌చల్ హాబీయిస్టులుంటారు.

మొన్నటిదాకా ట్విట్టర్. ఇప్పుడు ఫేస్‌బుక్, ఇన్స్‌టాగ్రామ్.

ఈ ప్లాట్‌ఫామ్‌స్ మీద ఏదో ఒకటి వదులుతుండటం ఆర్జీవీ హాబీ. పాజిటివ్‌గానో, నెగెటివ్‌గానో, అర్థం అయ్యీ కాని సెటైర్ల రూపంలోనో.. మొత్తానికి ఏదో ఒకటి అలా వదులుతుండటం ఆయన హాబీ.

ఆర్జీవీ ఫలానా టాపిక్ మీద ఇలా ట్వీట్ పెట్టాడు, అలా పోస్ట్ చేశాడు .. అని అందరూ అనుకొనేలా ఎప్పుడూ ఏదో ఒకదానిమీద ఏదో ఒక 'ఎఫ్ఫెక్ట్' కావాలి ఆయనకు. దీనికోసం ఒక్కోసారి ఒక్కో కరెంట్ టాపిక్‌ను, లేదా ఒక్కో వ్యక్టిని టార్గెట్ చేయడం ఆర్జీవీ అలవాటు.

అది అతని స్టయిల్. ఎప్పటికప్పుడు జనం ఫోకస్ తనవైపు తిప్పుకోడానికి అతను ఉపయోగించే ఒక ప్రొఫెషనల్ టెక్నిక్. 

మొత్తంగా అదో టైపు.

కె సి ఆర్ ను టార్గెట్ చేస్తూ కూడా ఆర్జీవీ చాలాసార్లు సోషల్ మీడియాలో సెటైర్లు వేశాడు, పొగిడాడు, పొగిడినట్టు మాస్క్ వేస్తూ ఎన్నో సెటైరిక్ కామెంట్స్ పెట్టాడు.

అయితే మన జనం దీనికి కూడా బాగా అలవాటైపోయారు.

"వాడిష్టం" అనుకొని పెద్దగా పట్టించుకోవడం లేదు.

ఒకవేళ పట్టించుకొన్నా, అదంతా ఒక ఎంటర్‌టైన్‌మెంట్ అన్న పాయింటాఫ్ వ్యూలో సెట్ అయిపోయారు. 

ఇంకా కొంతమంది కులప్రాతిపదికన ఏదో ఒకటి అనాలి కాబట్టి అంటుంటారు. "గడీల రాజ్యం", "దొరల రాజ్యం" అనీ, "కుటుంబపాలన" అనీ .. అదనీ, ఇదనీ.

దీనికి కూడా బాగా అలవాటయిపోయారు మనవాళ్లు. "వీళ్లింతే" అని.


కట్ టూ మన అసలు పాయింట్ - 

ఇప్పటిదాకా నేను రాసిన టాపిక్కంతా ఒక పనికిరాని రొచ్చు అనుకొంటే .. ఈ రొచ్చులోకి ఈమధ్య కొత్తగా ఒక గాయని-కమ్-యాంకర్-కమ్-డబ్బింగ్ ఆర్టిస్టు ప్రవేశించడం నాకు బాగా ఆశ్చర్యం కలిగించింది.

కారణం .. నేనామెకు పెద్ద ఫ్యాన్‌ని కావడం కావొచ్చు. ఆమె సంపాదించుకొన్న ఒక మంచి పాజిటివ్ ఇమేజ్‌కు ఇది అసలు సెట్ అవ్వని వ్యవహారం అని అనిపించడంవల్ల కావొచ్చు.   

గ్లోబల్ ఎంట్రప్రెన్యూర్‌షిప్ సమ్మిట్‌లో పాల్గొనడానికి ఇవాంకా ట్రంప్ అండ్ టీమ్ హైద్రాబాద్ వస్తున్న సందర్భంగానే మన నగరాన్ని మనం సుందరమయం చేసుకుంటున్నామనీ, అలా చేయడం తప్పనీ .. నానా యాంగిల్స్‌లో విమర్శలున్నాయి.

అది వేరే విషయం.

సుమారు 150 దేశాలనుంచి దాదాపు 1500 మంది ప్రతినిధులు, పారిశ్రామికవేత్తలు ఈ సదస్సులో పాల్గొనడానికి మన నగరం వస్తున్నారు. అమెరికానుంచి వస్తున్న బృందాన్ని ఆ దేశపు ప్రెసిడెంట్ సలహాదారు, ఆయన కుమార్తె కూడా అయిన ఇవాంకా ట్రంప్ లీడ్ చేస్తోంది. 

ఒక అంతర్జాతీయస్థాయి సదస్సు జరుగుతున్నప్పుడు మన నగరాన్ని శుభ్రంగా, ఆకర్షణీయంగా చేసుకోవడం తప్పా?

అదెవరికోసం?

కె సి ఆర్ కోసమా? కె టి ఆర్ కోసమా?

ప్రపంచం నలుమూలలనుంచి సదస్సుకు వస్తున్న పారిశ్రామికవేత్తలను ఫస్ట్‌సైట్ లోనే మన నగరం ఆకట్టుకొనేలా చేయడంలో తప్పేముంది?

ఈ సదస్సు ద్వారా, ఇందులో పాల్గొన్న పారిశ్రామికవేత్తల ద్వారా, ఆయా ప్రపంచస్థాయి కంపెనీలద్వారా, ఇండస్ట్రీల ద్వారా .. ఎంత ఎక్కువ పెట్టుబడులను ఆకర్షిస్తే అంత మంచిదన్నది కామన్ సెన్స్.

ఇదొక ఓపెన్ సీక్రెట్.

ఓపెన్ బిజినెస్ స్ట్రాటెజీ. 

ఈ ముస్తాబంతా మనవాళ్లు కేవలం ఇవాంకా ట్రంప్ కోసం చేస్తున్నారని ఈ సోకాల్డ్ మేధావులు, క్రిటిక్స్, సెటైరిస్టుల అర్థంలేని ఆలోచన. వీరితోపాటు .. ఆపోజిషన్‌వాళ్లు, ఆర్జీవీలాంటివాళ్లు ఈ రచ్చ, ఈ రొచ్చులో భాగం కాబట్టి, వాళ్లకిది మామూలే కాబట్టి .. ఓకే అనుకుందాం.

"ఇవాంకా మా ఇంటి ముందు నుంచి కూడా వెళ్తే బావుండు" అని సదరు గాయని-కమ్-యాంకర్-కమ్-డబ్బింగ్ ఆర్టిస్టు సెటైర్ వేయడం వ్యక్తిగతంగా నాకైతే నచ్చలేదు. 

ప్రజాస్వామ్యంలో నూటికి నూరు శాతం ఆమెకా హక్కుంది. కాని, ఇదంతా ఒక రచ్చ. ఒక యుధ్ధభూమి. ఈ రచ్చ, ఈ యుధ్ధభూమి ఇప్పుడామెకు అవసరమా అన్నదే ఆమె ఫ్యాన్‌గా నా పర్సనల్ ఫీలింగ్.

ఈ ఒక్క సెటైర్‌ను పట్తుకొని వందమంది, వెయ్యిరకాల సెటైర్లు ఆమె మీద వెయ్యడానికి, ఆమెను ఏకెయ్యడానికి సోషల్ మీడియాలో రెడీగా ఉన్నారు. ఉంటారు.

ఈ బ్లాగ్ పోస్టు ప్రారంభంలోనే చెప్పినట్టు - ఒక అలవాటుగా, ఒక డ్యూటీగా ఇలాంటివి చేసేవాళ్లు ఓకే. కాని, అలవాటు లేనివాళ్లు వాళ్ల ఇమేజ్‌కు కుదరని పనిచేసి, అనవసరంగా ఇబ్బంది పడటం ఎందుకన్నదే ఇక్కడ నా హంబుల్ పాయింట్.

ఈ గాయని వేసిన ఈ ఒక్క సెటైర్‌కు నేను పెద్దగా స్పందించేవాణ్ణి కాదు. ఇదంతా కూడా రాసేవాణ్ణి కాదు. కానీ ..

2004 లో అనుకొంటాను ..

ఒక రికార్డింగ్ స్టూడియోలో హీరోయిన్ పాత్రకు డబ్బింగ్ చెప్తూ, ఉన్నట్టుండి మధ్యలో డబ్బింగ్ చెప్పడం ఆపేసి, "కడుపు నొప్పి" అంటూ ఏడుస్తూ కూర్చుంది ది సేమ్ డబ్బింగ్ ఆర్టిస్టు.

నిజంగానే ఆమె కళ్లవెంబడి నీళ్లు!

కొత్త డైరెక్టర్, మొదటి చిత్రం. దెబ్బకు హడలి పోయాడా డైరెక్టర్.

వెంటనే - "డబ్బింగ్ రేపు కంటిన్యూ చేయొచ్చు. ముందు హాస్పిటల్‌కు వెళ్దాం పదండి" అంటే, "ఫర్వాలేదు, ఇట్లా నాకు అప్పుడప్పుడు వస్తుంది కడుపునొప్పి. నేను ఇంటికి వెళ్ళి, టాబ్లెట్స్ వేసుకొని, ఇవాళ రెస్ట్ తీసుకుంటాను" అందామె.

డబ్బింగ్‌కు ప్యాకప్ చెప్పి, అప్పటికప్పుడు నిమిషాల్లో ఆమెను కార్లో ఇంటికి పంపించాడా డైరెక్టర్.


కట్ చేస్తే - 

ఓ గంట తర్వాత అదే కడుపునొప్పి డబ్బింగ్ ఆర్టిస్టు ఒక తెలుగు చానెల్లో యాంకర్‌గా లైవ్ ప్రోగ్రాం చేస్తూ లైవ్‌లీగా కనిపించింది!

తెలంగాణ ప్రభుత్వం మీద సోషల్ మీడియాలో నిన్నటి ఆమె సెటైర్ చూసినప్పుడు నాకు ఈ ఫ్లాష్ బ్యాక్ గుర్తొచ్చింది.

వీళ్లా నీతులు చెప్పేది?

వీళ్లా పని చేస్తున్న ప్రభుత్వాన్ని ఎగతాళి చేసేది?

వీళ్లా కె సి ఆర్ పై సెటైర్లు వేసేది?

మీకున్న స్థాయికి మీ ఇంటిముందు రోడ్డు బాగా లేదన్న విషయాన్ని మంత్రి కె టి ఆర్ కు డైరెక్టుగా ఒక్క ట్వీట్ చేస్తే సరిపోయేది. వెంటనే యాక్షన్ ఉండేది. మీకున్న పాపులారిటీ కూడా మరింత పెరిగేది.

ఇదంతా రాసినందుకు కె సి ఆర్ నాకేమీ జీతం ఇవ్వడం లేదు. ప్రభుత్వం నుంచి నేనేమీ ఆశించడం లేదు. అదంతా ఒక భ్రమ.

దశాబ్దాలుగా ఎవ్వరూ సాధించలేని తెలంగాణను కె సి ఆర్ సాధించిపెట్టారు. అహర్నిశలు ఆలోచిస్తూ, శ్రమిస్తూ, అంతకు ముందునుంచీ ఈ ప్రాంతంలో పేరుకుపోయిన, గుట్టలుగా పేర్చిన ఒక్కో సమస్యనూ పరిష్కరించుకొంటూ వస్తున్నారు.

24 గంటలు కోతల్లేని కరెంటు ఇంతకు ముందు ఉందా?
పొలాలకు అసలు నీళ్లున్నాయా?
చెరువులకు పూడికలెవరైనా తీశారా?
కొత్తగా చెరువులను తవ్వే ఆలోచన ఎవరైనా ఎప్పుడైనా చేశారా?
రైతులకు కూడా 24 గంటలు కరెంటు ఇచ్చిన ప్రభుత్వాన్ని ఇంతకుముందు ఎప్పుడైనా చూశామా?
తెలంగాణలో అంతకుముందు నీళ్లులేక బీడుపడ్డ భూముల్లో ఇవాళ కనిపిస్తున్న పచ్చదనం ఎవరి కష్టం? ఎవరి ఆలోచన? ఎవరి నిబధ్ధత?
మిషన్ భగీరథ, మిషన్ కాకతీయ లాంటి పథకాలను అలోచించిన సి ఎం ఇంతకుముందెవరైనా ఉన్నారా? 
40 వేల కోట్ల సంక్షేమ పథకాలు ఇంతకుముందెప్పుడైనా అసలు విన్నామా?
పకడ్బందీగా ఇంత అత్యుత్తమస్థాయి శాంతి భద్రతలను గతంలో ఎప్పుడైనా చూశామా?
ప్రపంచ తెలుగు మహాసభలకోసం కవులు, రచయితల భారీ ఫ్లెక్సీలు/కటౌట్లు ఎప్పుడైనా చూశామా?
అసలు తెలంగాణలోని అంగుళం అంగుళం గురించి, ఏ కోణంలోనైనా, అంకెలతోసహా చెప్పి, అనర్ఘలంగా వివరించగల సత్తా ఉన్న సి ఎం ను ఇంతకు ముందెప్పుడైనా చూశారా? ..

నెవర్.

తెలంగాణ రాష్ట్రాన్ని వివిధ రంగాల్లో దేశంలోనే 'నంబర్ వన్' రాష్ట్రంగా నిలబెట్టి,  ఇంత బాగా పనిచేస్తున్న ముఖ్యమంత్రిని, ప్రభుత్వాన్ని కాపాడుకోవడం విజ్ఞత.

అది మన బాధ్యత కూడా.

తప్పు ఉన్నా లేకపోయినా .. అయినదానికీ, కానిదానికీ .. తెల్లారి లేస్తే కె సి ఆర్ ను, ప్రభుత్వాన్ని విమర్శించడం, సెటైర్లు వేయడం విజ్ఞత అనిపించుకోదు. అది ఆయా జీవుల్లోని మానసిక అపరిపక్వతను బయటపెడుతుంది.

దట్సాల్ యువరానర్ ...

***
(26 నవంబర్ 2017 నాడు రాసిన బ్లాగ్ ఇది. పోస్ట్ చేయడం ఆలస్యమైంది.)  

Saturday, 2 December 2017

కొన్ని ఎప్పుడూ రొటీన్‌గా ఉండకూడదు!

అవును. కొన్ని ఎప్పుడూ రొటీన్‌గా ఉండకూడదు.

ముఖ్యంగా పుస్తకాలూ, పుట్టినరోజులూ.

హైద్రాబాద్‌కు సుమారు 660 కిలోమీటర్లదూరం, నిన్న, ఒక వ్యక్తిగతమైన పనిమీద వచ్చాను.

పనిలో పనిగా, ఇంతదూరం ఎలాగూ వచ్చానుకదా అని, కొన్ని వృత్తిపరమైన లింక్స్ కూడా ప్లాన్ చేసుకొని వచ్చాను. సమయం దొరికితే ఆ పనులు కూడా పూర్తిచేసుకోవచ్చని.

అయితే - ప్రధానంగా ఏ వ్యక్తిగతమైన పనిమీదయితే నేనిక్కడికి వచ్చానో, ఆ పని పూర్తికాలేదు. సోమవారానికి వాయిదా పడింది. ఇక, తప్పనిసరి పరిస్థితి కాబట్టి ఇక్కడే ఆగిపోవాల్సివచ్చింది.

ఒక హోటల్ రూమ్‌లో.

ఒంటరిగా నేను.

ఆదివారం. 

ఈ సిటీలో నాకు బంధువులు, మిత్రులు, అత్యంత ఆత్మీయ మిత్రులు చాలామందే ఉన్నారు. కానీ ముందే సమాచారం లేకుండా, ఈ ఆదివారం పూట అనవసరంగా వాళ్లల్లో ఏ ఒక్కరినీ డిస్టర్బ్ చేయడం నాకిష్టం లేదు.

రోడ్లమీదపడి తిరగడం, టైమ్‌పాస్‌కు సినిమాలకెళ్ళడం వంటివి నావల్ల కాని పని. నేనా దశదాటి దశాబ్దాలయ్యింది.

ఇక మిగిలింది ఏదైనా పుస్తకం చడవడం. లేదంటే, ఏదైనా రాయడం.

ఈ రెండే నాకత్యంత ప్రియమైన విషయాలు.

ఎక్కడికైనా వెళ్లినప్పుడు ఒంటరిగా ఉండే అవకాశం ఏ కొంచెం దొరికినా - అయితే నావెంట తెచ్చుకున్న పుస్తకం చదువుతాను. లేదంటే, ఏదైనా రాస్తాను.

కానీ, ఇవాళ ఒక ప్రత్యేకమైన రోజు.

మామూలుగా ఎప్పట్లాగే రొటీన్‌గా ఎదో ఒక పుస్తకం చదవడమో, ఎదో ఒకటి రాయడమో కాదు. సంథింగ్ స్పెషల్ .. ఇంకేదైనా ఒక మంచి పని చేయాలనిపించింది.


కట్ టూ 'కె సి ఆర్ బుక్' - 

కె సి ఆర్ కేంద్ర బిందువుగా నేను రాసిన పుస్తకాన్ని అతి త్వరలో .. చెప్పాలంటే .. ఈ డిసెంబర్ లోపే .. ప్రింట్ చేసి, రిలీజ్ చేసే ఆలోచనలో ఉన్నాను. ఆ పుస్తకంలో అక్కడక్కడా కొన్ని  మార్పులూ చేర్పులూ చేయాల్సి ఉంది. కొంత భాగం 'ఫైన్ ట్యూనింగ్' కూడా చేయాల్సి ఉంది.

వెంటనే - 'ఫస్ట్ ప్రూఫ్' కోసం ప్రింటవుట్ తీసిన ఆ పుస్తకం తాలూకు కాగితాల కట్టను బ్యాగ్‌లోంచి బయటకు తీశాను.

పూర్తిగా కె సి ఆర్ పుస్తకానికి సంబంధించిన ఒక ట్రాన్స్‌లోకి వెళ్ళిపోయాను ..

ఇప్పటిదాకా సీరియస్‌గా ఆ ట్రాన్స్‌లోనే పనిచేస్తూ కూర్చున్నాను. రాత్రి పడుకొనేవరకు కూడా ఇంక నాకదే పని.


కట్ చేస్తే - 

కేవలం రానున్న ఒక నెలరోజుల వ్యవధిలో తెలంగాణ రాష్ట్ర చరిత్రలో మూడు అత్యంత ప్రాముఖ్యం ఉన్న ఈవెంట్స్ జరగనున్నాయి:

ఒకటి .. హైద్రాబాద్‌లో మెట్రో రైల్ ప్రారంభం. రెండోది .. గ్లోబల్ ఎంట్రప్రెన్యూర్‌షిప్ సమ్మిట్ (GES2017). మూడోది .. ప్రపంచ తెలుగు మహాసభలు.

ఈ మూడూ తెలంగాణ రాష్ట్ర ముఖ్యమంత్రిగా కె సి ఆర్ ప్రతిష్టను మరింతగా పెంచేవే. ఇందుకు కె సి ఆర్ అన్ని విధాలా అర్హుడు.

మొన్నటిదాకా అత్యంత దారుణమైన నత్తనడక నడిచిన మెట్రోరైల్ మెడ మీద కత్తి పెట్టినట్టుగా ఇప్పుడొక ఖచ్చితమైన డెడ్‌లైన్ పెట్టారు కె సి ఆర్.

ఈ నెల 28 నాడు, ప్రధాని మోదీతో  హైద్రాబాద్ మెట్రోరైల్ ప్రారంభం చేయిస్తున్నారు కె సి ఆర్.

హైద్రాబాద్ మెట్రోరైల్‌కు కొన్ని ప్రత్యేకతలున్నాయి. మొదటిది: ఈ హైద్రాబాద్ మెట్రోరైల్ ప్రాజెక్టు ప్రపంచంలోనే అత్యంత భారీదైన పబ్లిక్-ప్రయివేట్ వెంచర్. రెండోది: 35 మంది మహిళా లోకో పైలట్‌లు మన ఈ కొత్త మెట్రోరైల్ ను నడిపిస్తున్నారు.


కట్ చేస్తే -

ఇండియా - అమెరికా కాంబినేషన్‌లో .. సుమారు 150 దేశాలనుంచి, 1500 మంది ప్రతినిధులు, పారిశ్రామికవేత్తలు పాల్గొంటున్న "గ్లోబల్ ఎంట్రప్రెన్యూర్‌షిప్ సమ్మిట్", GES 2017, హైదరాబాద్ వేదికగా ఈ 28 నుంచి జరగబోతోంది.

ఈ సదస్సు జరపడానికి దేశంలోని 8 రాష్ట్రాలు పోటీపడ్డాయి. కానీ, ఆ అవకాశం తెలంగాణకే వచ్చింది. అలా రావడానికి కారణం కూడా "కె సి ఆర్ అండ్ టీమ్" సమర్థతే అని ప్రత్యేకంగా చెప్పాల్సిన అవసరంలేదు.

అమెరికా నుంచి ఈ సమ్మిట్‌కు వస్తున్న బ్రుందానికి స్వయంగా ఆ దేశ ప్రెసిడెంట్ డొనాల్డ్ ట్రంప్ సలహాదారు, ఆయన కుమార్తె కూడా అయిన ఇవాంకా ట్రంప్ నాయకత్వం వహిస్తుండటం ఒక పెద్ద విశేషం. కాదనలేని ఒక పెద్ద ఆకర్షణ.

ఈ సందర్భంగా, సమ్మిట్ జరిగే ఆ మూడు రోజులూ యావత్ ప్రపంచ దృష్టి, ప్రపంచ మీడియా దృష్టి హైద్రాబాద్ పైనే ఉండబోతోంది.

ఇది కూడా తెలంగాణ రాష్ట్రానికి, ముఖ్యమంత్రి కె సి ఆర్ కు, హైదరాబాద్‌కు ప్రపంచవ్యాప్తంగా మరింత ప్రతిష్టను, గుర్తింపును తెచ్చేదే. ఆ గుర్తింపే రేపు మరిన్ని పెట్టుబడులు, మరింత సులభంగా హైదరాబాద్‌కు రావడానికి ఎంతగానో ఉపయోగపడుతుంది.

మరిన్ని ఉద్యోగాలు మన యువతకు, మరింత ఆదాయం మన రాష్ట్రానికి.

సహజంగానే, రాష్ట్ర ఐ టి శాఖ మంత్రి కె టి ఆర్ ఈ మొత్తం సమ్మిట్‌ను అత్యంత విజయవంతంగా నడపడంలో కీలకపాత్ర వహిస్తాడనడంలో సందేహంలేదు.

జరగబోయే గ్రౌండ్ రియాలిటీ చెప్పాలంటే - ఇవాంక, కె టి ఆర్ లు ఈ మొత్తం సదస్సుకు కేంద్రబిందువులవుతారు.


కట్ చేస్తే - 

హైదరాబాద్ వేదికగానే, డిసెంబర్‌లో ప్రారంభం కానున్న "ప్రపంచ తెలుగు మహా సభలు" ఈ సారి ఘనంగా, అద్వితీయంగా జరగనున్నాయి.

డబ్బులు మంచినీళ్లలా ఖర్చుపెట్టి, 'ఘనంగా', ఏ ముఖ్యమంత్రయినా ఏ మహాసభలనయినా నిర్వహిస్తాడు. సందేహంలేదు.

కాని, కె సి ఆర్ వేరు. 

పుస్తకాలతో, సాహిత్యంతో నిరంతరం సహచర్యం జరిపే వ్యక్తి కె సి ఆర్.

భాష విలువ తెలిసిన మనిషి కె సి ఆర్.

అన్నిటినీ మించి, మాతృభాషగా తెలుగును ఎలా గౌరవించాలో బాగా తెలిసిన మనీషి కె సి ఆర్.

ఆయన నేతృత్వంలో ప్రపంచ తెలుగు మహాసభలంటే ఏదో రొటీన్ ఆషామాషీ వ్యవహారం కాదని నా నమ్మకం.


కట్ టూ మై స్పెషల్ డే - 

ఇందాక ప్రారంభంలో చెప్పాను. వ్యక్తిగతంగా నాకు ఇవాళ ఒక ముఖ్యమైన రోజు అనీ, చిన్నదో పెద్దదో, ఈ సందర్భంగా ఇవాళ ఏదో ఒక మంచి పని చెయ్యాలనుకున్నాననీ. 

అవును .. ఈ రోజుని నేను వృధా చెయ్యలేదు.

సుమారు 14 ఏళ్లపాటు తన జీవితాన్ని తెలంగాణ ఉద్యమానికి అంకితం చేసిన ఒక వ్యక్తికి సంబంధించిన చిరుపుస్తకం పైన ఈరోజంతా పనిచేస్తున్నాను.

తెలంగాణ సాధన అనంతరం, రాష్ట్రాన్ని బంగారు తెలంగాణగా రూపొందించాలన్న తన ధృఢసంకల్పాన్ని కూడా మరో ఉద్యమంలా గత మూడున్నరేళ్లుగా విజయవంతంగా ముందుకు తీసుకెళ్తున్న ఒక శక్తి గురించి రాస్తున్నాను.

ఈ రోజు వృధా కాలేదు.

ఈ రోజు నవంబర్ 26, నా పుట్టినరోజు.

***
(ఇది మొన్న నవంబర్ 26 నాడు రాసిన బ్లాగ్ . పోస్ట్ చేయడం ఆలస్యమయింది.)

Thursday, 23 November 2017

ఒక మలుపుకి అతి దగ్గరలో ..

"నా జీవితాన్ని నేను సృష్టించుకుంటాను!" ... 
"జీవితంలో ఎలా జరగాలని రాసిపెట్టి ఉంటే అలాగే జరుగుతుంది!" ...

ఈ రెండూ రెండు విభిన్న అలోచనా విధానాలు. భూమ్యాకాశాల అంతరం ఉన్న రెండు భిన్న ధ్రువాలు.

ప్రపంచ వ్యాప్తంగా ఏ కాలమాన పరిస్థితుల్లోనయినా ప్రధానంగా ఈ రెండు అలోచనా విధానాలే కొనసాగుతుంటాయి. మొదటి వ్యక్తి జీవన వాహనానికి సంబంధించిన "స్టీరింగ్" అతని చేతుల్లోనే ఉంటుంది. రెండో వ్యక్తి తన స్టీరింగ్ ను గాలికి వదిలేస్తాడు. దేని ఫలితం ఎలా ఉంటుందో ఎవరయినా  ఇట్టే ఊహించవచ్చు.

ప్రస్తుతం నా స్టీరింగ్ మళ్లీ  నాచేతుల్లోకి తీసుకున్నాను. కొంచెం ఆలస్యంగా.

సామర్థ్యం ఉన్నప్పుడు మరింతగా ఎదగడానికి ప్రయత్నించడం, మరింత ఉన్నతమైన జీవనశైలిని కోరుకోవటం తప్పు కాదు. అసంతృప్తితో బాధితుడుగా మిగిలిపోవటమా, సంతృప్తితో అనుకున్నస్థాయికి ఎదగడమా అన్నది పూర్తిగా మన చేతుల్లోనే ఉంటుంది.

ప్రస్తుతం అలాంటి ఒక మలుపుకి దగ్గరలో ఉన్నాను.

ఈ ప్రస్థానంలో - నా మొత్తం క్రియేటివ్ యాక్టివిటీస్‌లో సినిమా అనేది జస్ట్ ఒక పది శాతం మాత్రమే. ఒక అతి చిన్న భాగం మాత్రమే. ఇంకా చెప్పాలంటే, ఒక చిన్న జాబ్.

అది కూడా అతి కొద్దికాలం మాత్రమే.

నా ఉద్దేశ్యంలో .. ఈ రంగాన్ని మించిన ఫేసినేటింగ్ క్రియేటివ్ సామ్రాజ్యాలు ఇంకెన్నో ఉన్నాయి! నాకెంతో ఇష్టమయిన అలాంటి ఒక సామ్రాజ్యంలోకి పూర్తిస్థాయిలో ప్రవేశించే ఫ్రీడమ్‌ కోసమే ఎదురుచూస్తున్నాను.

ఆ ఫ్రీడమ్‌ను సృష్టించుకొనే క్రమంలోనే బిజీగా ఉన్నాను.  

Tuesday, 21 November 2017

ఉపన్యాసాలతో కట్టిపడేయటం ఊరికేరాదు!

"అమ్మను కాపాడుకున్నట్లే తెలుగును కాపాడుకోవాలి. తెలుగులో విద్యార్థులకు సామాజిక అవగాహన, నైతిక విలువలు, పెద్దల పట్ల గౌరవం పెంచే పాఠ్యాంశాలను బోధించాలి."

"కేవలం మహాసభలు నిర్వహించడమే కాకుండా, తెలంగాణలో జరిగిన సాహిత్య సృజన ప్రస్ఫుటమయ్యే విధంగా, తెలంగాణ సాహితీ మూర్తుల ప్రతిభా పాటవాలను ప్రపంచానికి చాటి చెప్పేలా, తెలంగాణ భాషకు అద్భుతమైన భవిష్యత్ ఉందనే గట్టి సంకేతాలు పంపే విధంగా, అత్యంత జనరంజకంగా భాగ్యనగరం భాసిల్లేలా .. ప్రపంచ తెలుగు మహాసభల నిర్వహణ జరగాలి."

"తెలంగాణ ఉద్యమంలో అంతా కలిసి స్వరాష్ట్రం కోసం ఎట్లా పనిచేశారో, తెలుగు మహాసభలను విజయవంతం చేయడం కోసం కూడా అంతే పట్టుదలతో, సమన్వయంతో ముందుకుపోవాలి."

పైన ఉదాహరించిన మాటలను చెప్పింది: ముఖ్యమంత్రి కె సి ఆర్ గారు.

సందర్భం: త్వరలో తెలంగాణలో జరగనున్న ప్రపంచ తెలుగు మహాసభల నిర్వహణపై విస్తృతస్థాయి సమావేశం.


కట్ చేస్తే - 

నా చిన్నతనం నుంచి, ఇప్పటివరకు - పి వి నరసిం హారావు గారినుంచి, కిరణ్‌కుమార్ రెడ్డి దాకా - కనీసం ఒక 13 మంది ముఖ్యమంత్రులను చూశాను. వారు ఎలా మట్లాడతారో నేను గమనించాను. 

కేవలం ఒకరిద్దరు తప్ప - వారందరి మాట్లాడే శైలిలో - "అదేదైతే ఉందో", "ఇప్పుడు చూడండీ", "ఇకపోతే", "మీ అందరి కోసరం", "ప్రపంచపటంలో నేనే పెట్టాను" .. వంటి పనికిరాని ఊకదంపుడే ఎక్కువగా ఉంటుంది.

ఈ ఊకదంపుడు తక్కువగా ఉండి, మంచి భాషతో మాట్లాడగలిగిన ఆ ఒకరిద్దరు పాత ముఖ్యమంత్రులెవరో నేనిక్కడ ప్రత్యేకంగా చెప్పాల్సిన అవసరంలేదనే భావిస్తున్నాను.


కట్ బ్యాక్ టూ కె సి ఆర్ -

ఈ బ్లాగ్ పోస్ట్ ప్రారంభంలో, పైన ఇచ్చిన ఆ మూడు పేరాల్లో - భాషలో గానీ, భావ వ్యక్తీకరణలోగానీ ఎక్కడైనా అర్థం కావడంలేదా? ఇంకేదైనా స్పష్టత కావాలనిపిస్తోందా?

అంత అవసరం లేదు. ఆ అవసరం రాదు.

అది .. ఉద్వేగపరిచే ఉద్యమ సభ కావచ్చు. చాణక్యం ప్రదర్శించాల్సిన పక్కా రాజకీయ సమావేశం కావచ్చు. అధికారులతో భేటీ కావచ్చు. ప్రెస్ మీట్ కావచ్చు.

కె సి ఆర్ ప్రత్యేకత అదే.

భాష, భావ వ్యక్తీకరణ.

అది కూడా .. అవసరమైన ప్రతిచోటా ఖచ్చితమైన గణాంకాలతో, ఉదాహరణలతో!

ఈ రెండూ అందరిలో ఉండవు. అందరికీ రావు.

ఈ ప్రత్యేకత కొందరిలోనే ఉంటుంది. ఆ కొందరికి చదివే అలవాటు తప్పక ఉంటుంది.

కె సి ఆర్ గారికి బాగా చదివే అలవాటుంది. ఆ చదివినదానిలో పనికొచ్చే మంచిని ఆచరణలో పెట్టే అలవాటు కూడా ఉంది. 

Wednesday, 15 November 2017

న్యూ-ఏజ్ ఫ్రీడమ్ లైఫ్‌స్టయిల్!

మార్కెట్‌లో ఉన్న అనేక ఆర్థిక ఒడిదొడుకులతో ఎలాటి సంబంధంలేకుండా .. తన పనినీ, తన లైఫ్‌నీ సంపూర్ణ స్వేఛ్ఛతో లీడ్ చేయగలుగుతున్నవాడే సిసలైన మగాడు.

ఇలాంటోన్ని అనొచ్చు ..
"ఆడు మాగాడ్రా బుజ్జీ" అని!

అలాగని చెప్పి, వాడు బాగా బ్లాక్‌మనీ ఉన్నవాడనికాదు నా ఉద్దేశ్యం.

ఫైనాన్షియల్ ఇంటలిజెన్స్, ఫైనాన్షియల్ డిసిప్లిన్ మస్త్‌గా ఉన్నోడని!

ఫైనాన్షియల్‌గా ఇలాంటి స్థితప్రజ్ఞ దశకు చేరుకోవడం అంత సులభమైన విషయం కాదు. నూటికి 90% మందికి ఇది అస్సలు చేతకాదు. అందులో నేనూ ఒకన్ని అని చెప్పుకోడానికి నేనేం సిగ్గుపడటంలేదు.

కాకపోతే నా విషయంలో ఇది తాత్కాలికం.

మన జీవితంలో చెప్పాపెట్టకుండా సడెన్‌గా వచ్చే చిన్న చిన్న సునామీలకు ఏమాత్రం ఎఫెక్టు కాకుండా, ఈ స్థాయిలో బాగుపడటమే నా దృష్టిలో సిసలైన ఫైనాన్షియల్ ఫ్రీడమా్!

ఆ ఫ్రీడమ్ ఉంటే చాలు. ఏదైనా సాధ్యమే. ఎవరికైనా సాధ్యమే.

ఉన్న ఒక్క జీవితాన్ని హాయిగా, హాప్పీగా గడిపేయవచ్చు.

మరొకరిని ఇబ్బంది పెట్టకుండా, బాధపెట్టకుండా .. 

Monday, 13 November 2017

బి పాజిటివ్!

నిన్నంతా మా ప్రదీప్ అండ్ టీమ్‌తో కలిసి గంటలకొద్దీ చర్చలు.

ఢిల్లీలో ఉన్న నా ఆత్మీయమిత్రుడు, కెమెరామన్ వీరేంద్రలలిత్‌తో కూడా ఫోన్‌లో చర్చలు, ప్రతి ముఖ్యమైన పాయింట్ దగ్గర అతని అభిప్రాయం కూడా ఎప్పటికప్పుడు తీసుకోవడం .. 

చివరి గంట మాత్రం నేనూ, ప్రదీప్ ఇద్దరమే కలిసి ఒక మాల్ బయట మెట్లమీద కూర్చున్నాం.

వందలాదిమంది మా ముందునుంచే మాల్ లోపలికి వెళ్తూ వస్తున్నా, ఏదీ పట్టించుకోకుండా .. ఎంతో ఏకాంతంగా, ప్రశాంతంగా గడిపాం.

ఎన్నో కష్టాలున్నాయి. ఇబ్బందులున్నాయి. సాంకేతిక సమస్యలున్నాయి. చిన్న చిన్న అపోహలు, ఆలోచనా విభేదాలున్నాయి.

కానీ, పూర్తి పాజిటివిటీతో అందరినీ కలుపుకుపోవాల్సిన అవసరముంది.

మా అందరి ఆలోచనావిధానం కూడా అదే.

లైక్‌మైండెడ్‌నెస్.

అన్నిటినీ మించి .. ఆప్షన్స్ ఎన్ని ఉన్నా, ఫండ్స్ విషయం ఇంకా తేలలేదు. అవతలివైపు ఖచ్చితమైన నిర్ణయం ఇంకా జరగలేదు.

అయినాసరే ..

నిన్నంతా మా చర్చ "నమస్తే హైదరాబాద్" గురించే.

నిన్నంతా మా ఆలోచన మాకు అందుబాటులో ఉండే వనరుల్లో "నమస్తే హైదరాబాద్" ఎంత బాగా తీయాలన్నదే.

వేరే ఏ చిన్న నెగెటివ్ థింగ్ గురించి కూడా ఆలోచించే అవకాశం లేనంతగా. వేరే ఏ చిన్న కష్టం గురించి కూడా ఆలోచించి బాధపడే సమయం లేనంతగా.

కానీ .. చిన్నవో పెద్దవో, మాకున్న అన్ని ఇబ్బందులూ ఈ "నమస్తే హైద్రాబాద్" తో సంపూర్ణంగా దూరమైపోతాయన్నది మాత్రం మా గట్టి నమ్మకం.       

మోస్ట్ ప్రొడక్టివ్ డే. 

అంతా పాజిటివిటీ.

అదే క్రియేటివిటీ ..       

Monday, 6 November 2017

మీ 'క్రియేటివ్ డే' ఏ రోజు?

మరిసా గురించి ఆమధ్య చదివాను. ఒక బ్లాగ్ పోస్ట్ కూడా రాశాను.

అమెరికాలోని లాస్ ఏంజిలిస్‌కు చెందిన ఈ మరిసా గురించి ఇప్పుడు మరోసారి ఈ బ్లాగ్‌లో ఎందుకు రాస్తున్నానంటే .. అది నాకోసం.

మా ప్రదీప్ కోసం.

మాలాంటి మరికొందరు క్రియేటివ్ క్రీచర్స్ కోసం.

అసలు మేం ఏం చేస్తున్నామో ఒక్క క్షణం ఆగి, మావైపు మేం చూసుకోవడం కోసం. మాలోకి మేం చూసుకోవడం కోసం!


కట్ టూ మరిసా - 

మరిసా ఒక రచయిత్రి. ఆర్టిస్టు. టెక్స్‌టైల్ డిజైనర్. ఇంకా ఎన్నో కళల్లో ప్రవేశముంది.

మొత్తంగా, మరిసా.. ఒక క్రియేటివ్ వుమన్.

మొదట్లో మామూలుగా అందర్లాగే 9-5 ఉద్యోగం చేస్తుండేది మరిసా. ఇలా జాబ్ చేస్తున్న సమయంలో, తనలోని క్రియేటివిటీని ఏ విధంగానూ బయటకు తెచ్చుకొనే అవకాశం దొరికేదికాదు మరిసాకి.

ఈ రోటీన్ లైఫ్‌స్టైల్ ఇలాగే కొనసాగితే, తనలోని సృజనాత్మకత పూర్తిగా అదృశ్యమయిపోయే ప్రమాదముందన్న విషయాన్ని గ్రహించింది మరిసా.

9-5 జాబ్ ఓకే. బ్రతకాలి కాబట్టి.

కానీ, తనలోని క్రియేటివిటీ విషయమేంటి?

వన్ ఫైన్ మార్నింగ్ మరిసాకి ఓ ఆలోచన వచ్చింది.

దాదాపుగా వారం మధ్యలో వచ్చే గురువారాన్ని (థర్స్‌డే) సంపూర్ణంగా తనలోని క్రియేటివిటీ కోసమే కెటాయించాలని నిర్ణయం తీసుకొంది. ఆ నిర్ణయానికి అనుగుణంగా తన జాబ్‌లోని పనిదినాల్ని, మిగిలిన ఇంటివిషయాల్ని అడ్జస్ట్ చేసుకొంది.


కట్ టూ క్రియేటివ్ థర్స్‌డే -

గురువారం.

ఆ రోజు తను ఏ పని చేసినా అది తనలోని క్రియేటివిటీని ప్రదర్శించేది అయిఉండాలి.

అది ఆర్ట్ కావొచ్చు. రచన కావొచ్చు. టెక్స్‌టైల్ డిజైన్ కావొచ్చు. ఇంకేదయినా కావొచ్చు. వారంలో ఆ ఒక్కరోజు .. ఆ గురువారం మాత్రం పూర్తిగా క్రియేటివిటీనే!

మరిసా జీవితంలో ఆ నిర్ణయం ఒక అందమైన మలుపు ..

అలా తను తీసుకొన్న ఆ ఖచ్చితమైన నిర్ణయం తన జీవన శైలినే మార్చివేసింది.

క్రమంగా తన రొటీన్ 9-5 జాబ్‌ను కూడా వదిలేసింది.

ఇప్పుడంతా మరిసా ఇష్టం.

ప్రతిరోజూ "థర్స్‌డే"నే!

ఒక థర్స్‌డేతో ప్రారంభించిన తన క్రియేటివ్ జర్నీ ఇప్పుడు ఫుల్‌టైమ్ బిజినెస్ అయింది!

కావల్సినంత ఆదాయం. చెప్పలేనంత సంతృప్తి.

ఒక పుస్తకం కూడా రాసింది. 

ఇంకేం కావాలి?

ఇది చదువుతోంటే మీ మైండ్‌లో కూడా ఏవో కొత్త ఆలోచనలు వస్తూ ఉండాలి ఇప్పటికే.

కదూ? 

తన ఈ చిన్ని క్రియేటివ్ జర్నీని ఎప్పటికప్పుడు రికార్డ్ చేయడానికి ఓ వెబ్‌సైట్‌ని కూడా రూపొందించుకొంది మరిసా. ఆ వెబ్‌సైట్ పేరు ఏమయిఉంటుందో వేరే చెప్పనక్కర్లేదనుకుంటాను.

క్రియేటివ్ థర్స్‌డే! 

Sunday, 5 November 2017

నమస్తే హైదరాబాద్!

తెలంగాణ రాష్ట్రం ఏర్పడ్డ తర్వాత, ఒకటి రెండు హిట్ సినిమాలను "తెలంగాణ సినిమాలు" గా ముద్రవేయడానికి చాలామంది ప్రయత్నించారు.

కొందరైతే ఏకంగా అవి తెలంగాణ సినిమాలే అని చెప్పారు.

కానీ అందులో ఏమాత్రం నిజం లేదు.

ఉదాహరణకు, శేఖర్ కమ్ముల "ఫిదా" తీసుకుందాం. అది తెలంగాణ సినిమా కాదు.

తెలంగాణలో తీసిన తెలుగు సినిమా.

అందులో హీరోయిన్ మాత్రం పక్కా తెలంగాణ యాస మాట్లాడుతుంది. ఈ ఒక్క పాయింట్ లేకపోతే ఫిదా సినిమా ఆ రేంజ్‌లో సక్సెస్ సాధించేది కాదు.

ఇక సందీప్‌రెడ్డి "అర్జున్ రెడ్డి" సినిమాను తెలంగాణ సినిమా అని అనడం కూడా కరెక్టు కాదు.

హీరో, డైరెక్టర్ తెలంగాణవాళ్లు. మేకింగ్ పరంగా, కథావస్తువు ట్రీట్‌మెంట్ పరంగా, ఈ మధ్యకాలంలో వచ్చిన తెలుగు సినిమాల్లో నిజంగా అదొక అద్భుతమైన ట్రెండ్‌సెట్టర్.

కానీ, అర్జున్ రెడ్డి కూడా తెలంగాణ సినిమా మాత్రం కాదు.


కట్ టూ "నమస్తే హైదరాబాద్!" - 

తెలంగాణ రాష్ట్రం ఏర్పడ్డ తర్వాత, మొట్టమొదటిసారిగా, ఒక తెలంగాణ దర్శకుడు, 100% పక్కా తెలంగాణ ఆత్మతో, తెలంగాణ జీవనశైలితో, తెలంగాణ యువతరం కథతో తీస్తున్న తొలి తెలంగాణ సినిమా - నమస్తే హైదరాబాద్.

ఇది పొలిటికల్ సినిమా కాదు.

న్యూ ఇయర్ ఈవ్ కి, ఈ డిసెంబర్ 31 రాత్రి, అఫీషియల్ ఎనౌన్స్‌మెంట్ ఇవ్వనున్న ఈ సినిమాలో, ఏ కోణంలో చూసినా, చాలా ప్రత్యేకతలున్నాయి. వాటన్నిటి గురించి మరోసారి చెప్తాను.

సినిమా ఓపెనింగ్ నుంచి, రిలీజ్ దాకా, మళ్లీ మళ్ళీ చెప్తూనే ఉంటాను ఆ విశేషాలన్నీ, ఒక్కొక్కటిగా.

ఒక్కటి మాత్రం నిజం.

అప్పుడప్పుడూ ఏదో 'స్పెషల్ అప్పియరెన్స్‌'లా, ఇప్పటివరకూ డైరెక్టర్‌గా నేను తీసిన రెండు, మూడు సినిమాలు జస్ట్ ఒక రొటీన్ తరహా సినిమాలు. ఆయా సమయాల్లో నాకు వచ్చిన అవకాశాలను, నాకున్న అత్యంత పరిమిత వనరుల్లో, నాకు పెట్టిన పరిమితుల్లో తీసిన చిత్రాలు.  

'నమస్తే హైదరాబాద్' అలాంటిది కాదు.

జీరో బడ్జెట్‌తో ప్రారంభించి, ఒక రేంజ్ బడ్జెట్ వరకూ వెళ్ళి తీయబోతున్న సినిమా ఇది.

ఎన్ని ఇబ్బందులున్నా, ఏమైనా .. 'నమస్తే హైదరాబాద్' మేకింగ్‌కు సంబంధించిన ప్రతి దశలో, ప్రతి క్షణం, నా కోర్ టీమ్ మెంబర్స్ వీరేంద్రలలిత్, ప్రదీప్‌చంద్ర, ఇంకా ... నా మొత్తం టీమ్‌తో కలిసి, కష్టాల్నే ఇష్టంగా ప్రేమిస్తూ .. క్రియేటివిటీ పరంగా ఎలాంటి కాంప్రమైజ్ లేకుండా .. ఈ సినిమా చేస్తున్నాను.

ఫిలిం మేకింగ్‌కు సంబంధించిన అన్ని విషయాల్లోనూ, అన్ని యాంగిల్స్‌లోనూ, నా ప్రతి సృజనాత్మక ఆలోచనను, ప్రతి కోరికను .. ఈ ఒక్క సినిమా ద్వారానే నిజం చేసుకోబోతున్నాను.

ఏ ఒక్కటీ మిగిలిపోకుండా!

Wednesday, 1 November 2017

అసలు ఎందుకురా బై నీ కులం?

నాకు అత్యంత దగ్గరి మిత్రుల్లో చాలామంది కులం ఏంటో నాకు ఇప్పటికీ తెలియదు.

వారికి కూడా నా కులం ఏంటో బహుశా తెలిసి ఉండదు.

ఒకే ఒక్క మేధావి మిత్రునితో ఒక సుధీర్ఘ చర్చా సమయంలో తప్ప, ఆ అవసరం నిజంగా మా మధ్య ఎప్పుడూ రాలేదు. 

కులం ప్రాతిపదికన నేనెప్పుడూ ఏదీ చెయ్యలేదు. ఎవ్వరినుంచి ఏదీ ఆశించలేదు. ఆ ప్రాతిపదికన ఎవ్వరికీ దగ్గర కాలేదు.

కానీ ..

బహుశా ఒక సంవత్సరం క్రితం అనుకొంటాను. ఒక మిత్రుడు ఈ విషయంలో నన్ను బాగా కెలికి, బలవంతంగా ఎలాగోలా ఒప్పించి, ఒక 'కుల పార్టీ' కి నేను కదిలేలా చేశాడు.

ఆ మిత్రుడు మాత్రం కులం ప్రాతిపదికనే నాకు దగ్గరయ్యాడని తర్వాత గ్రహించాను. అది పూర్తిగా అతని వ్యక్తిగతం. తప్పో ఒప్పో నేను చెప్పలేను.

కట్ చేస్తే -
సదరు మిత్రుడు చాలా మంచి ఉద్దేశ్యంతోనే నా దగ్గరో ప్రపోజల్ పెట్టాడు.

ఇప్పుడు నేనున్న ఒక ప్రధాన ప్రొఫెషన్‌లో నాకు అత్యంత వేగంగా అవసరమైన ఒకానొక అతి చిన్న సపోర్ట్‌ను తాను కనెక్ట్ చేయగలనన్నాడు.

అది .. కులం ప్రాతిపదికన!

ఆ ఒక్క 'కులం' అనే పదానికి పెద్ద ప్రాముఖ్యం ఇవ్వకుండా, నా తక్షణ ప్రొఫెషనల్ అవసరార్థం ఓకే చెప్పాను.

ఎలాగూ రెసిప్రోకల్‌గా, నేనూ ఏదో ఒకటి వారి సపోర్ట్‌కు మించింది వారికి తప్పక చేస్తానన్నది నాకు తెలుసు. నా మిత్రునికి కూడా తెలుసు.

సో, నా మిత్రుడు ఇంక పూనుకున్నాడు.


కట్ టూ 'కులం కనెక్షన్' - 

ఒక ఫైన్ సాయంత్రం నన్ను ఆ 'కుల పార్టీ'కి తీసుకెళ్లాడు నా మిత్రుడు.

మందు మస్త్‌గా నడుస్తోంది.

అక్కడే నా కులానికే చెందిన ఒక ఉన్నత స్థాయి వ్యక్తిని పరిచయం చేశాడు.

నా అవసరం చెప్పాడు. ఆయనకు నేనేం చేయగలనో చెప్పాడు. ఆయన నాకు ఇవ్వాల్సిన సపోర్ట్ గురించి చెప్పాడు.

ఎక్కడో అంతరాంతరాల్లో ఏమాత్రం ఇష్టం లేకపోయినా ఆ సంభాషణంతా ఎలాగో భరించాను. ఆ క్షణం ఆయన్నుంచి ఆ సపోర్ట్‌ను నేను నిజంగా ఆశించాను.

ఆయన ఇచ్చుకున్న బిల్డప్ అలాంటిది.

అప్పటి నా అవసరం అలాంటిది.

కట్ చేస్తే -
జస్ట్ నాలుగంటే నాలుగు రోజుల్లో పని పూర్తిచేస్తానని కనీసం నాలుగు సార్లు ప్రామిస్ చేసిన సదరు ఉన్నతస్థాయి వ్యక్తి దాదాపు సంవత్సరమయినా తన మాట నిలుపుకోలేకపోయాడు.

నో ఇష్యూస్.

ఫరవాలేదు.

అర్థం చేసుకోగలిగాను.

కట్ చేస్తే -
ఆతర్వాత కొన్ని నెలలకు, ఇలాగే కులం నేపథ్యంలో ఇంకో వ్యక్తి కూడా నాకు పరిచయమయ్యాడు.

చాలా మంచి కుర్రాడు. చాలా మంచి భవిష్యత్తుంది ఆ కుర్రాడికి. ఆ మంచి భవిష్యత్తుకోసం ఆ కుర్రాడికి కులం అవసరం అస్సలు లేదు. 

ఆ కుర్రాడి దగ్గర కూడా అనుకోకుండా ఒకసారి ఇలాంటి టాపిక్కే వచ్చింది.

కట్ చేస్తే -
ఆ కుర్రాడి ద్వారా ఇంకో 'కుల మిత్రుడు' పరిచయమయ్యాడు. అతను కూడా మామూలుగానే ప్రామిస్‌ల వర్షం కురిపించాడు.

విచిత్రమేంటంటే - ఈ రెండు కేసుల్లోనూ, ఏ ఒక్కరూ, వారి ప్రామిస్‌లను నిలబెట్టుకోలేకపోయారు.

అంతవరకు ఓకే.

కానీ ..

వారి మీద గౌరవంతో వివిధ సందర్భాల్లో నేను పంపిన ఎన్నో నా రొటీన్ విషెస్‌కు, నా మెసేజెస్‌కు రిప్లై ఇవ్వాలన్న మినిమమ్ కర్టెసీని కూడా వారు పాటించలేకపోయారు!

అత్యంత బాధ్యతారాహిత్యమైన వారి ప్రామిస్‌ల కారణంగా నేను నిజంగా లక్షలు నష్టపోయినా, నా పట్ల మినిమమ్ కర్టెసీ కూడా చూపించని ఈ కులం, కులబాంధవులు నిజంగా నాకవసరమా?   

Tuesday, 31 October 2017

కులం ఒక సామాజిక నిజం!

ఈదేశంలో కులం నేపథ్యంలోనే ప్రతీదీ నడుస్తోంది అన్న ఉద్దేశ్యంలో, నాకత్యంత ప్రియమైన విద్యార్థుల్లో ఒకడు, "Guy On The Saidewalk" నవలా రచయిత కూడా అయిన భరత్‌కృష్ణ ఈమాట ఒకసారి నాతో అన్నాడు. 

నిజంగా ఇది నిజమే. 

పరిచయాలు, స్నేహాలు, వ్యాపారాలు, లాబీలు, రౌడీయిజాలు, రాజకీయాలు .. అన్నిటికీ మన దేశంలో కులమే నేపథ్యం.

అలాగని, ప్రతిచోటా ఈ కులం కార్డు పనిచేస్తుందన్న గ్యారంటీ కూడా లేదు.

ఉదాహరణకు, బాగా ఉన్న ఒక కులంవాడు, ఏమీలేని తన కులంవాడిని అసలు పట్టించుకోడు!  

వాస్తవానికి ఈ ప్రపంచంలో ఉన్నవి, ఉండేవి, అప్పుడూ ఇప్పుడూ ఎప్పుడూ ..  రెండే రెండు కులాలు: 

ఉన్న కులం. లేని కులం.

అయితే డబ్బు! లేదంటే పవర్!!

ఈ రెంటిలో .. ఏదో ఒకటి 'ఉన్న కులం' ఒకటి. ఏదీ 'లేని కులం' ఒకటి.  

మళ్లీ ఈ రెండింటికీ కూడా విడదీయరాని అనుబంధం ఉంటుంది. అది వేరే విషయం.   

ఎవరు ఒప్పుకొన్నా ఒప్పుకోకపోయినా, ఇదే నిజం.


కట్ టూ నా అనుభవం - 

నాకేమాత్రం ఇష్టం లేని ఈ కులం నేపథ్యంగా, నేను దారుణంగా నష్టపోయిన ఒకే ఒక్క ఎపిసోడ్ గురించి మరో బ్లాగ్ పోస్టులో రాస్తాను. 

బహుశా రేపే. 

Friday, 20 October 2017

టాలెంట్ ఒక్కటే కాదు .. ఇంక చాలా ఉంది!

హాలీవుడ్‌ను 'ల్యాండ్ ఆఫ్ డ్రీమ్‌స్' అంటారు.

అక్కడికి ఏటా కనీసం 100,000 మందికి తక్కువకాకుండా వస్తారు.

ఆర్టిస్టులూ టెక్నీషియన్లూ.

వాళ్లల్లో కేవలం 1 నుంచి 2 శాతం మందికి మాత్రమే ఏదో ఒక అవకాశం దొరుకుతుంది. మిగిలినవాళ్లంతా కనీసం ఒక సంవత్సరం నుంచి, కొన్ని దశాబ్దాలపాటు నానా కష్టాలు పడి వెనక్కివెళ్ళిపోతారు.

ఇలా వెళ్ళిపోయినవాళ్లంతా అదే హాలీవుడ్‌ను 'ల్యాండ్ ఆఫ్ బ్రోకెన్ డ్రీమ్‌స్' అని తిట్టుకోవడంలో ఆశ్చర్యంలేదు. 


కట్ టూ మన టాలీవుడ్ - 

పైనచెప్పిన లెక్కంతా ప్రపంచంలోని అన్ని సినిమా ఇండస్ట్రీలకు వర్తిస్తుంది.

మన బాలీవుడ్, టాలీవుడ్‌లు కూడా అందుకు మినహాయింపు కాదు.

సినిమా పుట్టినప్పటినుంచి ఇప్పటిదాకా అంతే.

ఇకముందు కూడా అంతే.

ఇక్కడ సక్సెస్ అనేది ఎప్పుడూ కేవలం 2 శాతం లోపే.

ప్రపంచంలోని ఏ సినీ ఇండస్ట్రీలోనయినా, ఏ పీరియడ్‌లోనయినా కేవలం వేళ్లమీద లెక్కించగలిగిన ఒక డజన్ మంది మాత్రమే సక్సెస్‌లో ఉంటారు.

ఆర్టిస్టులూ, టెక్నీషియన్లూ.

మిగిలినవాళ్లంతా ఏదోవిధంగా వెనుదిరగాల్సిందే.

ఈ వాస్తవాన్ని గ్రహించినవాళ్లు జాగ్రత్తపడతారు. భ్రమలో బతికేవాళ్లు మాత్రం అలాగే సినిమాకష్టాలుపడుతూ కొనసాగుతుంటారు. ఈలోగా జీవితం కొవ్వత్తిలా కరిగిపోతుంది.

ఇండస్ట్రీ మంచిదే. కానీ దాని సిస్టమ్ దానిది. ఆ సిస్టమ్‌లో ఇమడగలిగినవాడే ఇక్కడ పనికొస్తాడు.

ఇక్కడ టాలెంట్ ఒక్కటే కాదు పనిచేసేది. దాన్ని మించి పనిచేసేవి చాలా ఉంటాయి.

వాటిల్లో ముఖ్యమైనవి ఒక మూడున్నాయి:

లాబీయింగ్.

మనీ.

మానిప్యులేషన్స్.

పైన చెప్పిన మూడింటిలో కనీసం ఏ రెండింటిలోనయినా ఎక్స్‌పర్ట్ అయినవాడు మాత్రమే ఇక్కడ బతికి బట్టకడతాడు. సక్సెస్ సాధిస్తాడు.      

Tuesday, 17 October 2017

క్రియేటివిటీ అన్‌లిమిటెడ్!

సిల్వర్ స్క్రీన్‌కు నేను పరిచయం చేసిన మా మ్యూజిక్ డైరెక్టర్ ప్రదీప్‌చంద్రతో కలిసి, నేను ప్రారంభించిన కొత్త వెంచరే ఈ 'మాప్రాక్స్ ఇంటర్నేషనల్'.

సినిమాలు సినిమాలే.

ఈ విషయంలో, ఆల్రెడీ 'నమస్తే హైదరాబాద్' ట్రాక్ మీద ఉంది.

నేను ఇంతకుముందు తీసిన సినిమాలతో పోలిస్తే ఇదొక పెద్ద సినిమా. ఈ సినిమా బడ్జెట్, షూటింగ్ డేస్ వగైరా అన్నీ ఎక్కువే. ఈ ప్రొడక్షన్ దాని దారిలో అది అలా నడుస్తూ ఉంటుంది.

మరోవైపు -

ఈవెంట్స్, ప్రమోషన్స్, మ్యూజిక్ వీడియోస్, ఇండిపెండెంట్ ఫిలింస్, ఫిలిం ఆడిషన్ ఈవెంట్స్, షార్ట్ ఫిలింస్, షార్ట్ ఫిలిం ప్రీమియర్స్, బుక్స్ .. ఇలా మరెన్నో క్రియేటివ్ యాక్టివిటీస్‌లో నేనూ, ప్రదీప్ మునిగితేలాలనుకొంటున్నాం.

ఒక క్రమపద్ధతిలో ఆయా సృజనాత్మకరంగాల్లో దేశాల సరిహద్దులు కూడా దాటేయాలనుకొంటున్నాం.

ఒక్క ముక్కలో చెప్పాలంటే - మాప్రాక్స్ ఇంటర్నేషనల్ అనేది - మా ఇద్దరి విషయంలో - హద్దులులేని ఒక సృజనాత్మక తృష్ణ. 

మేం కోరుకొంటున్న సృజనాత్మక స్వేఛ్చకు ఒక రాచబాట.    

Monday, 16 October 2017

బ్యాక్ టు బ్లాగ్!

'బ్యాక్ టు స్కూల్' లాగా, 'బ్యాక్ టు బ్లాగ్' అన్నమాట!

నేననుకొన్న నా కొత్త బ్లాగ్ ప్రారంభించడానికి ఇంకా  సమయం ఉంది.

బహుశా 'నమస్తే హైదరాబాద్' షూటింగ్ పూర్తయిన తర్వాతనుంచి ప్రారంభించవచ్చు.

సో, బ్యాక్ టు మై నగ్నచిత్రం.

ఎట్‌లీస్ట్ ఇంకొన్నాళ్ళు. 


కట్ టూ ది గ్యాప్  - 

సరిగ్గా నాలుగు నెలల ఈ గ్యాప్‌లో చాలా జరిగాయి.

కలలో కూడా ఊహించలేని స్థాయిలో పెద్ద షాకింగ్ జెర్క్ ఇచ్చిన ఒక ఆరోగ్య సమస్య. అదుపు తప్పిన ఆర్థిక సమస్యలు. ఇంటా బయటా, ఒక్క క్షణం గుర్తుతెచ్చుకోడానికి కూడా బాధించే ఎన్నో అనుభవాల గాయాలు. నమ్మించి మోసాలు. నమ్మకద్రోహాలు.

ఇలాంటి ఎంతో నెగెటివిటీ మధ్య అక్కడక్కడా, అప్పుడప్పుడూ, వేళ్లమీద లెక్కించగలిగిన ఏవో కొన్ని అద్భుత అనుభవాలు, జ్ఞాపకాలు. స్నేహ సుగంధాలు, సౌరభాలు.  

జీవితం ఒక ఆట ఆడుకుంది నాతో.

ఇప్పుడు నేను చూపించదల్చుకున్నాను జీవితానికి. అసలు ఆటంటే ఎలా ఉంటుందో.

సరిగా నాలుగు నెలల క్రితం, ఈ 'నగ్నచిత్రం'లో ఇదే నా చివరి బ్లాగ్ పోస్ట్ అంటూ గుడ్‌బై చెప్పాను. ఇప్పుడు మళ్ళీ తిరిగొచ్చాను. కొత్త బ్లాగ్ ప్రారంభించేదాకా ఎప్పట్లా నాకు తోచిన ఏదో ఒక నాన్సెన్స్ ఇక్కడ రాసి పోస్ట్ చేస్తుంటాను.

వ్యక్తిగతంగా నాకు సంబంధించినంతవరకూ - బ్లాగింగ్ అనేది ఒక హాబీ. ఒక మెడిటేషన్. ఒక థెరపీ.

అన్నిటినీ మించి, చాలాసార్లు, నాలోని అంతస్సంఘర్షణకు ఒక ఔట్‌లెట్.   

Saturday, 17 June 2017

యాక్షన్!

ఇంక మాటల్లేవ్!

కమిట్ అయిన ఒకే ఒక్క సినిమా: 'నమస్తే హైదరాబాద్.'

అంతే.

ఒక సినిమా, ఎనిమిది నెలలు.

ఇప్పటికి ఇదొక్కటే లక్ష్యం.

ప్రస్తుతం దీనికి సంబంధించి, వివిధదశల్లో ఉన్న ప్రిప్రొడక్షన్ పనుల్లో బిజీగా ఉంది మా టీమ్.

నమస్తే హైదరాబాద్, పూర్తిగా మన హైదరాబాద్ బ్యాక్‌డ్రాప్‌లో తీస్తున్న ఇన్‌స్పైరింగ్, ట్రెండీ, యూత్ సినిమా.

నాకు, నా టీమ్‌కు ఇదొక ప్రిస్టేజియస్ సినిమా.

ఇంతకుముందటి నా మైక్రోబడ్జెట్ సినిమాలతో పోలిస్తే ఇదొక భారీ సినిమా. కాంప్రమైజ్ కాకుండా, కొంచెం లీజర్‌గా తీయాలనుకుంటున్న సినిమా.

సినిమా కంటెంట్, కాన్వాస్‌ను బట్టి దీన్లో .. తెలంగాణ, ఆంధ్రప్రదేశ్‌ల లోని ఆర్టిస్టులు మాత్రమే కాకుండా .. ముంబై, ఢిల్లీ, దేశంలోని ఇతర ప్రాంతాలనుంచి కూడా ఆర్టిస్టులు ఉండే అవకాశముంది.

నమస్తే హైదరాబాద్ సినిమాకు సంబంధించిన పూర్తి వివరాలు బహుశా అక్టోబర్ నుంచి సోషల్ మీడియాలో పోస్ట్ చేస్తుంటాను. షూటింగ్ నవంబర్ నుంచి అనుకుంటున్నాము.

కట్ టూ నగ్నచిత్రం - 

ఇంతకు ముందే చెప్పినట్టు, ఈ నగ్నచిత్రం బ్లాగ్‌లో ఇదే చివరి పోస్టు!

ఈ విషయం చెప్పడానికి కొంచెం బాధగా ఉన్నా, నిర్ణయం నిర్ణయమే. దీన్లో ఎలాంటి మార్పు లేదు. ఉండదు.

నేను చెప్పిన నా కొత్త 'డైలీ బ్లాగ్'ను త్వరలోనే ప్రారంభిస్తాను. కాకపోతే, ఎప్పుడు అన్నది డిసైడ్ చెయ్యాల్సింది మాత్రం వేరొకరు!

ప్యూర్‌లీ, అదొక పర్సనల్ స్పిరిచువల్ కనెక్షన్. ఒక సెమీ ఆటోబయోగ్రఫీ. ఒక సెలెక్టివ్ మెమొరీ.

త్వరలోనే నా ఈ కొత్త బ్లాగ్‌ను, 'నగ్నచిత్రం' బ్లాగ్‌కు కనెక్ట్ చేస్తాను. ఫేస్‌బుక్, ట్విట్టర్‌లలో కూడా ఈ కొత్త బ్లాగ్ వివరాలు పోస్ట్ చేస్తాను.

కట్ బ్యాక్ టూ మై సోషల్ యాక్టివిటీ - 

ఇకనుంచీ నా ప్రొఫెషనల్ యాక్టివిటీ అంతా సోషల్ మీడియాలోని నా ఫేస్‌బుక్, ఫేస్‌బుక్ పేజి, 'నమస్తే హైదరాబాద్' ఫేస్‌బుక్ పేజి, ట్విట్టర్‌లలో .. నా వీలునుబట్టి, ఎప్పటికప్పుడు పోస్ట్ చేస్తుంటాను.

వీటన్నిట్లో కూడా, నిజానికి ఇకనుంచీ నేను ఎక్కువగా ఉపయోగించేదీ, ఉపయోగించగలిగేదీ ఒక్క ట్విట్టర్‌ను మాత్రమే.

ఫేస్‌బుక్ మీద నా అయిష్టం రోజురోజుకూ పీక్స్ కు వెళ్తోంది. నమస్తే హైద్రాబాద్ సినిమా రిలీజ్ తర్వాత నేను ఫేస్‌బుక్‌ను పూర్తిగా వదిలేస్తున్నాను. ఇది పూర్తిగా నా వ్యక్తిగతం. 

తర్వాత నా సోషల్ మీడియా ప్రజెన్స్‌కు ట్విట్టర్ ఒక్కటి చాలు అనుకుంటున్నాను.       

టచ్‌లో ఉందాం.

థాంక్ యూ ఆల్! 

Monday, 12 June 2017

"పగలే వెన్నెల" కాయించిన మన సినారె ఇక లేరు!

'నన్ను దోచుకొందువటే' అంటూ ఆరంభించి, 'పగలే వెన్నెల' కాయించి, 'అనుబంధం ఆత్మీయత అంతా ఒక బూటకం' అని చెప్పిన జ్ఞానపీఠం మన 'సినారె' ఇక లేరు.

ఈ ఉదయం, ఈ విషాద వార్త తెలియగానే నేను పెట్టిన చిన్న ట్వీట్ అది.


సోషల్ మీడియా సంప్రదాయం ప్రకారం, దీన్ని కూడా యధావిధిగా కొందరు మహానుభావులు 'కాపీ పేస్ట్' చేశారు. అది వేరే విషయం. 

అయితే .. మన డైనమిక్ మినిస్టర్ 'కె టి ఆర్' గారు నా ట్వీట్‌ను రీట్వీట్ చేయడం విశేషం.

కట్ చేస్తే - 

కవి, సినీ గేయరచయిత, విమర్శకుడు, విశ్వవిద్యాలయ అధ్యాపకుడు, జ్ఞానపీఠ్ అవార్డు గ్రహీత, ఎన్ టి ఆర్ కు అత్యంత సన్నిహితుడు కూడా అయిన సినారె గారి గురించి .. ఆయన జీవితం, జీవనశైలి గురించి .. ఆయనే రాసిన 'కర్పూరవసంతరాయలు' లాంటి ఒక రసాత్మాక కావ్యమే రాయొచ్చు.
 

సినారే గారి కవిత్వం, ఇతర పుస్తకాలు కొన్ని,
 కనీసం ఒక డజన్ దేశవిదేశీ భాషల్లోకి ఆనువదించబడి ప్రచురితమయ్యాయి.
  

ఆయన చేతులమీదుగా, నాకు తెలిసి, ఎలాంటి అతిశయోక్తి లేకుండా, కొన్ని వేల పుస్తకాలు ఆవిష్కరింపబడ్డాయి. వాటిలో నావి కూడా రెండు పుస్తకాలుండటం నా అదృష్టం.
 

తెలుగు సాహితీలోకంలో తెలంగాణ నిలువెత్తు సంతకం మన సినారె గారికి ముకుళిత హస్తాలతో ఇదే నా నివాళి. 

Wednesday, 7 June 2017

చదువుకూ సంపాదనకూ సంబంధం లేదు!

చదువుకున్న ప్రతివాడికీ సంస్కారం ఉంటుందన్న గ్యారంటీ ఎవరైనా ఇవ్వగలరా?

ఇవ్వలేరు.

అలాగే, మన చదువులకూ మన సంపాదనకూ అస్సలు సంబంధం ఉండదు.

ఈ నిజాన్ని కూడా ప్రపంచవ్యాప్తంగా ఎందరో బిలియనేర్లు, మిలియనేర్లు నిరూపించారు.

ప్రపంచంలో 5వ అత్యంత రిచెస్ట్ పర్సన్, తెల్లారిలేస్తే ప్రపంచం మొత్తాన్ని తన ఫేస్‌బుక్ తప్ప మరోటి చూడకుండా ఎడిక్ట్ చేసిన మార్క్ జకెర్‌బర్గ్‌ను కాలేజ్‌లోంచి మధ్యలోనే బయటికి పంపించేశారు.

ప్రపంచంలోనే నంబర్ వన్ రిచెస్ట్ పర్సన్ బిల్ గేట్స్ కేస్ కూడా సేమ్ టూ సేమ్! కాలేజ్ లోంచి మధ్యలోనే గెంటేశారు.  

చైనాలో అందరికంటే రిచెస్ట్ పర్సన్ జాక్ మా హార్వార్డ్‌లో చదవాలనుకొని 10 సార్లు అప్లై చేసినా సీటివ్వలేదు. సీట్ సంగతి పక్కనపెడితే, ప్రతిచోటా, ఆయన అప్లై చేసిన 30 ఉద్యోగాల్లో ఆయనొక్కడికి తప్ప అందరికీ ఉద్యోగాలిచ్చారు!

ఇక్కడ ఇండియాలో, మన ధీరూభాయ్ అంబానీ జీవితం ఈ విషయంలో మనందరికీ తెలిసిన మరో పెద్ద ఉదాహరణ. దేశ రాజకీయాలను అవలీలగా మానిప్యులేట్ చేయగలిగే ఒక అతి పెద్ద వ్యాపార సామ్రాజ్యాన్నే సృష్టించాడతను!

కట్ టూ  స్పీల్‌బర్గ్ - 

సౌత్ కాలిఫోర్నియా యూనివర్సిటీలో 'థియేటర్, ఫిల్మ్ అండ్ టెలివిజన్ కోర్స్' కోసం ఎన్నిసార్లు అప్లై చేసినా మన స్టీవెన్ స్పీల్‌బర్గ్‌కు ఆ యూనివర్సిటీ సీటివ్వలేదు. విధిలేక, చివరకు, యూనివర్సల్ స్టూడియోలో 'జీతం లేని' ఇన్‌టర్న్‌గా ఎడిటింగ్ డిపార్ట్‌మెంట్‌లో చేరాడు స్పీల్‌బర్గ్. తర్వాతంతా చరిత్రే!

సో, ఇక్కడ మ్యాటర్ చదువు, డిగ్రీలు, మెడల్స్ కావు.

మైండ్‌సెట్.

అదంత ఈజీ కాదు .. 

Sunday, 4 June 2017

త్వరలో నా కొత బ్లాగ్!

ఫేస్‌బుక్ లాగే బ్లాగింగ్ కూడా బోర్ కొట్టే స్థాయికి వచ్చేసింది. కానీ, మిగిలిన సోషల్ మీడియా లాగా బ్లాగింగ్ అనేది ఒక రొటీన్ టైమ్‌వేస్ట్ వ్యవహారం కాదు.

బ్లాగింగ్ ఈజ్ రైటింగ్.

ఒక డిసిప్లిన్. ఒక థెరపీ. ఒక మెడిటేషన్. ఒక ఆనందం.

నా జీవనశైలికి సంబంధించి ఇదొక పాజిటివ్ లైఫ్‌ఫోర్స్. ఒక ఆక్సిజన్.

పాయింట్‌కొస్తే -

కొద్ది రోజుల్లో నా కొత్త ప్రాజెక్టులు ఎనౌన్స్ చెయ్యబోతున్నాను. ఒకసారి వాటి గురించి ఎనౌన్స్ చేశానంటే, ఇక ఆ రోజునుంచే 'నగ్నచిత్రం' కు గుడ్‌బై!

ఈ బ్లాగ్ మాత్రం ఇలాగే ఆన్‌లైన్‌లో ఉంటుంది. దీన్లోని కొన్ని ఎన్నిక చేసిన పోస్టులతో తర్వాత ఒక బుక్ వేసి రిలీజ్ చేస్తాను. అది వేరే విషయం.

ఇప్పుడిక్కడ చర్చిస్తున్న అసలు విషయం .. నా కొత్త బ్లాగ్.

నా రెగ్యులర్ పనులు, రచనలు, సినిమాలు, ఈవెంట్స్, వర్క్‌షాప్స్, వ్యక్తిగతమైన టెన్షన్స్ .. ఇవన్నీ ఎలా ఉన్నా .. వీటితో ఎంత బిజీగా ఉన్నా .. ఒక్కటి మాత్రం తప్పదు.

నా కొత్త బ్లాగ్‌లో ప్రతిరోజూ ఒక పోస్ట్ నేను విధిగా రాసి, పోస్ట్ చెయ్యాలి.

ఎందుకంటే .. అది డెయిలీ బ్లాగ్!

ప్రతిరోజూ అందరూ ఎదురుచూసేలా ఉండే ఒక సీరియల్ లాంటిది.

కానీ, ఫిక్షన్ కాదు.

మరేంటన్నది త్వరలోనే మీకు తెలుస్తుంది. 

Saturday, 3 June 2017

గన్స్ అండ్ థైస్

మొన్న ఆర్టిస్ట్ చలపతిరావు గారి ఇష్యూ గురించి ఓ రెండ్రోజులు నానా హంగామా జరిగింది. చానెల్స్‌లో, బయట సోషల్ మీడియాలో కూడా.

వున్నట్టుండి రామ్‌గోపాల్‌వర్మ తన "గన్స్ అండ్ థైస్" వెబ్ సీరీస్ టీజర్ వదిలాడు.

ఆ టీజర్లో ఉన్న స్థాయిలో న్యూడిటీని మనవాళ్లు ఇంతవరకు ఏ భారతీయ సినిమా లేదా సీరియల్ టీజర్లో చూసి ఉండరు.

చానెల్స్‌కు, మేధావులకు, మహిళా సంఘాలకు కావల్సినంత పని దొరికింది అని చాలా మంది అనుకున్నారు.

బట్ .. అలాగేం జరగలేదు.

జరగదని కూడా నాకు తెలుసు.

అందరూ హాయిగా ఆ టీజర్ చూసేసి గమ్మునున్నారు. జాతీయ స్థాయిలో అన్ని టీవీ చానెళ్లు  వర్మ "గన్స్ అండ్ థైస్" గురించి ఆయనతో బోల్డన్ని ఇంటర్వ్యూలను చేశాయి. ఇంకా చేస్తున్నాయి.

విచిత్రంగా .. ఏ అన్నపూర్ణ సుంకరగానీ, అన్నా వెట్టిక్కాడ్ గానీ సీన్లోకి ఎంటర్ కాలేదు!

అదంతే.

అదొక 'అడల్ట్ కంటెంట్' ఉన్న అంతర్జాతీయ స్థాయి వెబ్ సీరీస్. ఎవ్వరూ ఏమనడానికి లేదు. ఫస్ట్ ఎపిసోడ్ ఎప్పుడు అప్‌లోడ్ చేస్తాడా అని ఎదురుచూడ్డం తప్ప!

Friday, 2 June 2017

9 నిమిషాల్లో బ్లాగ్‌పోస్ట్ రాయడం ఎలా?

రెండు తెలుగు సినిమాలు, ఒక ఇంగ్లిష్ సినిమా, ఒక వెబ్ సీరీస్, ఒక ఈవెంట్, ఒక వర్క్‌షాప్, ఒక బుక్ రిలీజ్ మొదలైనవాటి పనులు, ఇతర వ్యక్తిగతమయిన వెరీ సీరియస్ 'టైమ్‌బౌండ్ కమిట్‌మెంట్‌'ల వత్తిడిలో ఇప్పుడు నాకు అస్సలు సమయం ఉండటం లేదు.

సమయం మిగుల్చుకోలేకపోతున్నాను.

ఇప్పుడిదంతా ఫేస్ బుక్కులూ, ట్విట్టర్ల యుగం.

లేటెస్ట్‌గా 'ఇన్స్‌టాగ్రామ్' మీద పడ్డారు.

షార్ట్ కట్ లో రెండు వాక్యాలు, లేదంటే జస్ట్ ఒక బొమ్మ!

అంతకు మించి పోస్ట్ చేసే సమయం ఎవరికీ లేదు. చదివే సమయం, ఓపికా నెట్ యూజర్లకు అసలే లేదు.

అందుకే - ఇకనించీ  ఈ బ్లాగ్ లోని పోస్టులన్నీ సాధ్యమయినంత చిన్నగా రాయాలని డిసైడయ్యాను. మరోవిధంగా చెప్పాలంటే - సినీ ఫీల్డు, క్రియేటివిటీ లకు సంబంధించి
ఈ బ్లాగ్‌లో నేను రాసే అవే నగ్న సత్యాలు ఇప్పుడు కొంచెం చిన్నగా వుంటాయి.

సో, నో వర్రీస్!

మీ సమయం విలువేంటో నాకు తెలుసు.

ఇకనుంచీ ఈ బ్లాగ్‌లో ఏది రాసినా పది నిమిషాల లోపే! ఇప్పుడు మీరు చదువుతున్నది కూడా ..


కట్ చేస్తే - 

ఇప్పటివరకు, ఈ బ్లాగ్ మొత్తంలో అతి పెద్ద బ్లాగ్‌పోస్టు .. నిన్న నేను గురువుగారు దాసరి నారాయణరావు గారి స్మృతిలో రాసిన పోస్టే కావడం విశేషం. 

Wednesday, 31 May 2017

వందనం .. అభివందనం!

నటునిగా వచ్చిన ఒక అతి చిన్న అవకాశం కోసం, చేస్తున్న చిన్న ఉద్యోగం కూడా వదులుకొని, 1960ల్లో చిత్రరంగంలోకి ప్రవేశించారు గురువు గారు దాసరి నారాయణరావు. 

తర్వాత ఊహలు, అంచనాలు తల్లకిందులై .. రచనారంగంలోకి, దర్శకత్వశాఖలోకి సహాయకుడిగా ప్రవేశించారు.

సుమారు 25 చిత్రాలకు "ఘోస్ట్"గా పనిచేశాకగానీ రచయితగా ఆయనకు రావాల్సిన గుర్తింపు రాలేదు.

ఇక, ఆ తర్వాతంతా చరిత్రే!

మొత్తం 151 చిత్రాలకు కథ, స్క్రీన్‌ప్లే, మాటలు, దర్శకత్వం, 1000 కి పైగా పాటల రచన, 60 చిత్రాల్లో నటన. ప్రొడ్యూసర్‌గా 30 సినిమాలు, డిస్ట్రిబ్యూటర్, ఎగ్జిబిటర్, ఉదయం డెయిలీ, శివరంజని సినీవీక్లీల పత్రికాధిపత్యం, ఎడిటర్, ఫిల్మ్ చాంబర్ ఆఫ్ కామర్స్‌లోనూ, ఫిల్మ్ ప్రొడ్యూసర్స్ కౌన్సిల్లోనూ బాధ్యతాయుతమైన పోస్టులు, రాజకీయాలు, కేంద్ర మంత్రి, గిన్నిస్ రికార్డ్, అవార్డులు, రివార్డులు .. ఇంకా ఎన్నో, ఎన్నెన్నో.

నా "సినిమా స్క్రిప్టు రచనాశిల్పం" పుస్తకం ముగింపు పేజీలో ఒక 'సక్సెస్ స్టోరీ'గా గురువుగారి గురించి నేను రాసిన వాక్యాలివి.


కట్ టూ ది లెజెండరీ డైరెక్టర్ -  

గురువు గారి గురించి నేనొక పెద్ద పుస్తకమే రాయగలను. అలాంటిది, ఒక చిన్న బ్లాగ్‌పోస్ట్‌లో అసలేం రాయగలను?

అసాధ్యం.

కానీ, ఆయనకు సంబంధించి నాకు తెలిసిన కొన్ని గొప్ప విషయాల్ని, నేను మర్చిపోలేని కొన్ని జ్ఞాపకాల్ని, నా ఫీలింగ్స్‌నీ .. కేవలం బుల్లెట్ పాయింట్స్ రూపంలో, సాధ్యమైనంత క్లుప్తంగా రాసే ప్రయత్నం చేస్తున్నాను:

> ఒక సంవత్సరంలో 15 సినిమాలు డైరెక్ట్ చేసి రిలీజ్ చేయగలరా? 
అవును. చేయొచ్చు అని 1980 లోనే నిరూపించారు దర్శకరత్న దాసరి నారాయణరావు గారు. అంటే నెలకి ఒక సినిమా కంటే ఎక్కువే! అలాగని ఏదో చుట్టచుట్టి అవతపడేసిన సినిమాలు కావవి. వాటిల్లో కనీసం 70% సినిమాలు హిట్లు, సూపర్ హిట్లు, సిల్వర్ జుబ్లీలు. స్వప్న, శ్రీవారి ముచ్చట్లు, సర్కస్ రాముడు, సర్దార్ పాపారాయుడు, సీతారాములు మొదలైనవి ఆ లిస్ట్ లోనివే!

> ఒకే రోజు 4 చోట్ల 4 సినిమాల షూటింగ్ జరుగుతుంటుంది. దర్శకుడు మాత్రం ఒక్కరే. దాసరి గారు! ఎక్కడికక్కడ షాట్స్ ఎలా తీయాలో తన అసిస్టెంట్స్‌కి చెబుతూ, 4 లొకేషన్లకు తిరుగుతూ తీసిన షాట్స్ చూసుకొంటూ అన్నీ మళ్లీ రివ్యూ చేసుకోవడం. అవసరమైతే కరెక్షన్స్ చేసుకోవడం. అద్భుతం ఏంటంటే, అలా తీసిన 4 సినిమాలూ హిట్ సినిమాలే కావడం!

> ఇలా తన పనిలో ఎక్కువభాగం చూసుకొన్న అప్పటి తన అసోసియేట్ డైరెక్టర్స్‌కు  గురువుగారు "కో-డైరెక్టర్" అన్న టైటిల్ కార్డ్ కొత్తగా క్రియేట్ చేసి మరీ ఇచ్చారు. అదీ తన అసిస్టెంట్స్‌కు దాసరిగారిచ్చిన గౌరవం. ఈ 'కో-డైరెక్టర్' కార్డ్ నేపథ్యం ఇప్పటి కోడైరెక్టర్లలో ఎంతమందికి తెలుసంటారు?

> ఇండస్ట్రీ చరిత్రలో మొట్టమొదటిసారిగా "డైరెక్తర్" పొజిషన్‌కు ఒక స్థాయి, ఒక విలువ, ఒక గౌరవం, ఒక ఫ్యాన్ ఫాలోయింగ్ తీసుకొచ్చిన ఘనత గురువుగారిదే. అప్పట్లో ఆయన చెన్నై నుంచి ఫ్లైట్‌లో హైద్రాబాద్ వచ్చారంటే చాలు. ఇక్కడ బేగంపేట్ ఎయిర్‌పోర్ట్‌లో కనీసం ఒక 30 కార్లలో డిస్ట్రిబ్యూటర్స్, ప్రొడ్యూసర్స్, టెక్నీషియన్స్, ఆర్టిస్టులు, అభిమానుల కాన్వాయ్ ఎప్పుడూ రెడీగా ఉండేదంటే విషయం అర్థం చేసుకోవచ్చు. దటీజ్ డైరెక్టర్ దాసరి!       

> ఒకవైపు తండ్రీకొడుకులు, మరోవైపు తళ్లీ కూతుళ్ళు. కూతురు తండ్రిని ప్రేమిస్తుంది. కొడుకు తల్లిని ప్రేమిస్తాడు. ఇంత అడ్వాన్స్‌డ్ సబ్జెక్టుతో 42 ఏళ్ల క్రితం, 1975 లోనే ఒక సినిమా తీసి సిల్వర్ జుబ్లీ చేశారు గురువుగారు. అదే 'తూర్పు పడమర'. అప్పట్లో బాలు గారు పాడిన .. ది వెరీ సెన్సేషనల్ సాంగ్ 'శివరంజనీ, నవరాగిణీ!'  ఆ సినిమాలోని పాటే.

> ఇక "శివరంజని" సినిమాలో సావిత్రి, షావుకారు జానకి, జయంతి, ఫటాఫట్ జయలక్ష్మి, ప్రభ వంటి హీరోయిన్స్ మధ్య జయసుధను స్టేజి మీద కూర్చోబెట్టి .. అలా కెమెరా ప్యాన్ చేస్తూ .. జయసుధ అభిమానిగా హీరో హరిప్రసాద్‌తో "అభినవ తారవో" అని పాటపాడించటం .. పాట వింటూ హరిప్రసాద్‌ను చూస్తున్న జయసుధ క్లోజ్ కట్స్ కొన్ని .. రియల్లీ .. హాట్సాఫ్ టూ దట్ వన్ ఓపెనింగ్ సీక్వెన్స్ ఆఫ్ ది సాంగ్! 

> 1979 లో బ్లాక్ అండ్ వైట్‌లో గురువుగారు తీసిన "నీడ" సినిమా ఒక సంచలనం. పర్వర్టెడ్ కుర్రాడిగా హీరో కృష్ణ కొడుకు రమేష్ అందులో హీరో. ఆ షూటింగ్ సమయంలో సెట్స్‌కు వచ్చిన మహేశ్‌బాబు వయస్సు నాలుగేళ్ళు! ఆ సినిమాలోనే, ఇంటర్వల్‌కు ముందు కొన్ని నిమిషాలపాటు, తన ఆర్టిస్టుల ఆడిషన్ కూడా చూపించారు గురువుగారు. ఆ ఆడిషన్ ద్వారా సెలెక్ట్ అయి పరిచయమైనవాడే ఇప్పటి ది గ్రేట్ ఆర్ నారాయణమూర్తి!

> 1980లో అక్కినేని జన్మదినం సెప్టెంబర్ 20 నాడు షూటింగ్ ప్రారంభించి, 5 నెలలు కూడా పూర్తవకముందే సినిమా పూర్తిచేసి, 1981 ఫిబ్రవరి 18  అక్కినేని పెళ్లిరోజున గురువుగారు రిలీజ్ చేసిన సంచలన చిత్రం "ప్రేమాభిషేకం". రిలీజైన ప్రతి సెంటర్‌లోనూ 100 రోజులు, 200 రోజులు, 250, 300, 365, చివరికి రికార్డ్ స్థాయిలో 75 వారాల 'డైమండ్ జుబ్లీ' కూడా ఆడిందీ చిత్రం. ఇదంతా పక్కనపెడితే, బెంగుళూరులోని 'మూవీల్యాండ్' థియేటర్లో ఇదే ప్రేమాభిషేకం ఏకంగా 90 వారాలు ఆడటం ఇప్పటికీ బీట్ చేయని రికార్డ్!

>  1982 లో గురువుగారు తీసిన ఒక క్లాసిక్ కళాఖండం "మేఘసందేశం". రమేష్‌నాయుడు అద్భుత సంగీతంలో 11 పాటల మ్యూజికల్! మొత్తం 151 నిమిషాల నిడివి ఉన్న ఈ సినిమాలో, 57 నిమిషాల సౌండ్‌ట్రాక్! అదీ "మ్యూజికల్" అంటే!! ఇందులో కృష్ణశాస్త్రి కవిత్వం ఉంది. జయదేవుని అష్టపదులున్నాయి. పాలగుమ్మి పద్మరాజు పద్యాలున్నాయి. వేటూరి పాటలున్నాయి. ఆశ్చర్యంగా, ఈ సినిమాలో గురువుగారు ఒక్క పాట కూడా రాయలేదు! కారణం మనం ఊహించవచ్చు. ఆయన మొత్తం ఫోకస్ అంతా సినిమాను ఎంత క్లాసిక్ గా తీద్దామన్నదే.  

> నా ఉద్దేశ్యంలో జయసుధలోని సహజనటిని వెలికితీసింది దాసరిగారే. ఒక శివరంజని, ఒక మేఘసందేశం. జయసుధను మర్చిపోకుండా ఉండటానికి ఈ రెండు సినిమాలు చాలు.

> మేఘసందేశం సినిమాకు డి ఓ పి సెల్వరాజ్ అయినప్పటికీ, ఆపరేటివ్ కెమెరామన్‌గా దాదాపు ఆ సినిమాలో చాలా భాగం షూట్ చేసింది మాత్రం గురువుగారే అంటే ఎవరూ నమ్మరు. ఆ సినిమాలోని ప్రతి ఫ్రేమ్ మీద ఆయనకు అంత మమకారం! ఆ సినిమాకు 4 నేషనల్ అవార్డులు, 3 నంది అవార్డులు, 1 ఫిలిమ్‌ఫేర్ అవార్డ్ వచ్చాయంటే ఆశ్చర్యం లేదు.

> గురువుగారి సినిమాలకు "కథ, స్క్రీన్‌ప్లే, మాటలు, పాటలు, దర్శకత్వం" అన్న టైటిల్ కార్డు చూసి కొంతమంది "అంతా ఉట్టిదే. ఎవరెవరో ఘోస్టులు పని చేస్తే ఆయన టైటిల్ కార్డ్ వేసుకుంటారు" అని కొందరు అంటుంటారు. ఇలా అనే వాళ్లకు నిజం తెలియదని నా ఉద్దేశ్యం. కనీసం పాతిక చిత్రాలకు ఘోస్టుగా పనిచేసిన గురువుగారికి ఒక రైటర్, ఒక టెక్నీషియన్ విలువేంటో అందరికంటే బాగా తెలుసు. ఇది నేను నా వ్యక్తిగతమైన అనుభవంతో, ఆయనతో ఉన్న పరిచయంతో చెప్తున్న నిజం.

> గురువుగారి హాండ్‌రైటింగ్‌తో ఆయనే స్వయంగా రాసుకొన్న స్క్రిప్టులే కనీసం ఒక 500 ఉన్నాయంటే నమ్మగలరా? మామూలుగా అయితే నేనూ నమ్మలేను. కానీ, ఆ స్క్రిప్ట్ ఫైల్స్ అన్నింటినీ బంజారాహిల్స్‌లోని ఆయన ఆఫీస్‌లో రెండ్రోజులపాటు కూర్చొని, ఒక ఆర్డర్‌లో పెట్టి సర్దింది నేనే! ఇవి కాకుండా, ఆయన క్లుప్తంగా రాసుకొన్న స్టోరీలైన్స్, ట్రీట్‌మెంట్స్ కనీసం ఇంకో 500 ఈజీగా ఉంటాయి. ఇందులో 1% కూడా అతిశయోక్తిలేదు.

> కథా చర్చలప్పుడు పరుచూరి బ్రదర్స్, సత్యానంద్, కొమ్మనాపల్లి, ఎమ్మెస్ కోటారెడ్డి, రేలంగి నరసిం హారావు, దుర్గా నాగేశ్వరరావు వంటి ఉద్దండులంతా ఉండేవాళ్లు. కొందరితో వెర్షన్స్ కూడా రాయించుకొనేవాళ్లు. కానీ, చివరికి సెట్స్‌పైకి వచ్చాక సెకన్స్‌లో అప్పటికప్పుడు సీన్ కొత్తగా చెప్పేవారు. అది రికార్డ్ చేసుకొని, రాసుకొని వచ్చేలోపు అక్కడ షాట్ రెడీ! అదీ ఆయన స్టయిల్. కథాచర్చల్లో పాల్గొన్న ప్రతి రచయిత పేరు కూడా టైటిల్ కార్డ్స్‌లో ఉండేది. ఆయనలోనే ఓ గొప్ప క్రియేటివ్ రైటర్ ఉన్నప్పుడు, ఇంక ఘోస్ట్‌ల అవసరం ఏముంది?

> పాటలు కూడా అంతే. అలా ట్యూన్ వింటూ, ఇలా లిరిక్స్ చెప్తుంటారు! అసిస్టెంట్స్ రికార్డ్ చేస్తుంటారు. ఎవరో రాసిన పాటను తన పాటగా వేసుకోవల్సిన అవసరం ఆ స్థాయి దర్శకునికి అవసరమా?

> ఒకరోజు .. తెల్లారితే పాట షూటింగ్ ఉంది. పాట ఇంకా రికార్డ్ అవలేదు. ఆఫీస్‌లోనే రాత్రి 11 అయింది. నన్ను తనతో ఇంటికి రమ్మన్నారు గురువుగారు. కొత్త సొనాటా కార్లో ముందు డ్రయివర్ పక్కన ఆయన కూర్చుంటే, వెనక ఇద్దరు గన్‌మెన్స్ మధ్య టెన్షన్‌తో నేను కూర్చున్నాను.

> ఇంటికెళ్లాక ఆ రాత్రి మేడమ్ పద్మ గారితో చెప్పి నాకు భోజనం పెట్టించారు. అయ్యప్ప దీక్షలో ఉన్న తను స్నానం చేసి, అయ్యప్ప పూజ చేశారు. వచ్చి టేబుల్ దగ్గర కూర్చొని ట్యూన్ వినిపించమన్నారు. ఆ ట్యూన్ వింటూ ఒక పావుగంటలో పాట చెప్పారు. రికార్డ్ చేసి నేను రాసిచ్చాను. అప్పటికప్పుడు ఫోన్ చేసి, నన్ను వందేమాతరం శ్రీనివాస్ స్టూడియోకు పంపారు. అక్కడ శ్రీలేఖతో సహా అందరూ వెయిటింగ్. మరో గంటలో పాట రికార్డింగ్ అయిపోయింది. గురువుగారికి చెప్పాను. మర్నాడు ఉదయం పాట షూటింగ్ అనుకున్న టైమ్‌కు  ప్రారంభమయింది!

> నిజంగా ఘోస్ట్‌లను పెట్టుకొనేవారే అయితే ఆరోజు రాత్రి ఒంటిగంటవరకు ఒక పాట కోసం అంత కష్టపడాల్సిన అవసరం గురువుగారికుందా?

> దాదాపు 50 ఏళ్ల తన సినీజీవితంలో వందలాదిమంది కొత్త ఆర్టిస్టులను, టెక్నీషియన్లను పరిచయం చేసి, వారిని ఇండస్ట్రీలో నిలబెట్టిన క్రెడిట్ ఒక్క గురువుగారికే ఉంది. మోహన్‌బాబు, మురళీమోహన్ హీరోలుగా పాపులర్ అయ్యారంటే ప్రారంభంలో అంతా గురువుగారి ఆశీర్వాదమే. ప్రోత్సాహమే.

 > మరోవైపు .. ఎందరో కొత్త ఆర్టిస్టులతోపాటు .. ఎన్ టి ఆర్, ఏ ఎన్ ఆర్, కృష్ణ, శోభన్‌బాబు, కృష్ణం రాజు, జయసుధ, జయప్రద, శ్రీదేవి వంటి స్టార్స్‌కు కూడా అప్పట్లో సూపర్ డూపర్ హిట్స్ ఇచ్చిన క్రెడిట్ కూడా గురువుగారికే ఉంది.  

> 1972లో, తన తొలి చిత్రం "తాతా మనవడు" లో కమెడియన్ రాజబాబుని హీరోగా, విజయనిర్మల గారిని హీరోయిన్‌గా పెట్టి, ఎస్వీ రంగారావు ప్రధానపాత్రలో 25 వారాల సూపర్ డూపర్ హిట్ ఇవ్వడం ఒక్కటి చాలు దర్శకుడిగా ఆయనేంటో తెల్సుకోడానికి.

> "అనుబంధం ఆత్మీయత అంతా ఒక బూటకం .. ఆత్మ తృప్తికై మనుషులు ఆడుకొనే నాటకం" అని సినారె గారితో పాట రాయించి, అదే తన తొలిచిత్రంలో పెట్టడం ఒక్క గురువుగారికి మాత్రమే చెల్లింది. అప్పటికే తన సినీజీవితం, జీవితం .. గురువుగారికి చాలానే నేర్పించి ఉంటాయని నేననుకొంటున్నాను.
 

కట్ టూ గురువుగారితో నేను - 

> ఇలాంటి 'లెజెండ్' దగ్గర ఒకే ఒక్క సినిమాకు నేను అబ్జర్వర్/అసిస్టెంట్ డైరెక్తర్‌గా పనిచేయగలగడం నా అదృష్టం. ఆ 4 నెలల సమయంలో ఆయన నాపట్ల చూపిన ప్రేమ, అభిమానం నేను ఎన్నటికీ మర్చిపోలేను.

> ఆయన చెప్పిన జోకులు, తెలుగులో ఒక్క అక్షరం స్పెల్లింగ్ కావాలని తప్పుగా రాసినా ఆయన పట్టుకొనే విధానం, తాజ్ బంజారాలో కథా చర్చలు, మధ్యలో ఒక కథకు అమితాబ్ బచ్చన్ గారిని ఒక క్యారెక్టర్‌ కోసం అనుకొని, అప్పటికప్పుడు ఆయనకు కాల్ చేయడం, టైమ్ కాని టైముల్లో, ఆయన సొనాటా కారులో వెనక ఇద్దరు గన్‌మెన్స్ మధ్య టెన్షన్‌తో కూర్చుని ఆయనతోపాటు నేను తిరిగిన ట్రిప్పులు, ఆర్టిస్టులకు, టెక్నీషియన్స్‌కు ఆయనిచ్చే గౌరవం, అవసరమయినప్పుడు చూపించే ఆ క్షణపు కోపం .. ఇంకా ఎన్నో, ఎన్నెన్నో .. గురువుగారికి సంబంధించి నేను మర్చిపోలేని మంచి  జ్ఞాపకాలు.

> జూబ్లీహిల్స్‌లోని మణిశర్మ 'మహతి' రికార్డింగ్ థియేటర్లో, రికార్డింగ్‌తో ప్రారంభించిన నా తొలి చిత్రం "కల" కోసం నేను ఆహ్వానించగానే గురువుగారు ఎంతో సంతోషంగా వచ్చి, బయట కేవలం పూజదగ్గరే గంటసేపుకి పైగా నిల్చుని, తనే స్వయంగా అన్ని పూజా కార్యక్రమాలు దగ్గరుండి చూడటం, తర్వాత థియేటర్ లోపల రికార్డింగ్ ప్రారంభించడం, ట్యూన్‌లు, ట్రాక్‌లు అన్నీ చాలా ఓపిగ్గా వినడం .. నాకు బెస్ట్ విషెస్ చెప్పడం కూడా .. నేనెన్నటికీ మర్చిపోలేని మరో మధురసృతి.

సర్, మీరు లేరని నేననుకోవడంలేదు. అనుకోలేను.

థాంక్యూ ఫర్ ఎవ్రీథింగ్ సర్ ..    

Saturday, 27 May 2017

థాంక్ యూ!

విభిన్నమైన కొత్త సినిమాలు, వెబ్ సీరీస్, ఈవెంట్స్, వర్క్‌షాప్స్, బుక్ రిలీజ్ మొదలైన ఎన్నో ప్రాజెక్టులకు సంబంధించిన పనులు ఒకేసారి జరుగుతున్నాయి.

వీటిలో ప్రతి ఒక్కటీ వృత్తిపరంగా ఇప్పుడు నాకు చాలా ముఖ్యమైనది. దేన్నీ అంత ఈజీగా తీసుకోవడం లేదు. ఎన్నోరకాల వత్తిళ్ళు నన్ను చేజ్ చేస్తున్నప్పటికీ ఈ పనుల్ని అశ్రద్ధ చేయటంలేదు.

ఇవి ఒక్కొక్కటి ప్రారంభమౌతుంటే మిగిలిన చిన్న చిన్న వర్రీస్ అన్నీ అవే అదృశ్యమౌతాయి. ఊహించనంత వేగంగా.

ఆ ఫ్రీడం కోసమే ఈ శ్రమంతా.

నా ఈ జర్నీలో నాతోపాటు పయనిస్తున్న నా టీమ్‌కు అభినందనలు.

ఫీల్డులోని అన్‌సర్టేనిటీని, నన్ను అర్థం చేసుకొని, నాకు సహకరిస్తున్న నా మిత్రులు, శ్రేయోభిలాషులందరికీ అభివందనాలు. 

Friday, 26 May 2017

వాట్సాప్ లేకుండా 72 గంటలు!

నిమిషానికి 4 సార్లు 'టింగ్'మనే #WhatsApp కు గుడ్‌బై చెప్పాలని సరిగ్గా మూడురోజుల క్రితం అనుకున్నాను.

డన్!

ఆ రోజే ఆ పని పూర్తిచేసేశాను.

72 గంటలయింది.

భూమి బద్ధలవలేదు. సునామీ రాలేదు.

అసలివన్నీ ఎవరి కోసం?

జీవితంలో ఒక రేంజ్‌లో స్థిరపడి, సరదాగా టైమ్‌పాస్ చేసేంత టైమ్ ఉన్నవారికి. లేదంటే, జీవితం అంటే ఇంకా తెలియని ఎడాలిసెంట్ కాలేజ్ యువతకి, యువతకీ.

మనకంత సీనుందా?

నాకయితే లేదు.

వాట్సాప్‌లో మనం తప్పనిసరిగా అటెండ్ అవాల్సిన ముఖ్యమైన మెసేజ్‌లు రోజుకు రెండో మూడో ఉంటాయి. కానీ, తెల్లారి లేస్తే - గుడ్ మాణింగ్‌లు, రకరకాల గ్రీటింగ్స్, 'తిన్నారా పన్నారా' టైప్ ఇంక్వైరీలు, కొటేషన్స్‌, జోకులు, వీడియో క్లిప్స్ వగైరా రోజుకి కనీసం ఓ రెండొందలొస్తాయి.

ఈ రెండొందల మెసేజ్‌లలో ముఖ్యమైన ఆ రెండు మెసేజ్‌లే మనం మిస్ అయిపోతాం.

అవతల ఆ ముఖ్యమైనవాళ్లకి చెప్పినా నమ్మని రేంజ్‌లో మిస్అండర్‌స్టాండింగ్స్!

అంత అవసరమా?

వీటిని మించిన అతి ముఖ్యమైన, అత్యవసరమైన టైమ్‌బౌండ్ పనులు, బాధ్యతలు, కమిట్‌మెంట్లు మనకు చాలా ఉంటాయి. ఉన్నాయి.

ఫోకస్ అటు పెడదాం. 

Thursday, 25 May 2017

"ఓవర్ నైట్ సక్సెస్" అనేది ఒక పచ్చి అబద్ధం!

"ఓవర్ నైట్ సక్సెస్" అనే మాట మనం తరచూ వింటుంటాం.

అంటే రాత్రికి రాత్రే సక్సెస్ సాధించటం అన్న మాట.

అసలు అలాంటిది లేదు.

ఆమధ్య నేను వెళ్లిన ఒక యువ దర్శకుడి ఆఫీస్ లో - పూరి జగన్నాథ్ ఫోటోతో పాటు కొటేషన్ ఒకటి గోడకి అతికించి ఉంది.

“It took 15 years to get overnight success!”  అని.

ఇదే కొటేషన్ను సుమారు పదేళ్ల క్రితం ఓ స్పిరిచువల్ మార్కెటింగ్ గురు Joe Vitale పుస్తకం లో చదివాను.

ఓవర్ నైట్ సక్సెస్ వెనక ఎన్నో కష్టాలు, ఎంతో కృషి ఉంటుంది. అది బయటి వారికి కనిపించదు. వారికి కనిపించేది రెండే రెండు విషయాలు.

సక్సెస్, ఫెయిల్యూర్. 

Wednesday, 24 May 2017

మ్యూజిక్ మ్యాజిక్ .. వన్స్ మోర్!

"మా వాడు చదువుకోవట్లేదు. ఉద్యోగం చేయడు. బిజినెస్ చేయలేడు. ఏ పనీ చేతకాదు. ఎందుకూ పనికిరాడు. కొంచెం నీ దగ్గర డైరెక్షన్ డిపార్ట్‌మెంట్‌లో పెట్టుకో!"

బయటివాళ్ల దృష్టిలో డైరెక్షన్ డిపార్ట్‌మెంట్ అంటే మరీ అంత పనికిరానిదన్నమాట!

ఈ జోక్ నేను స్వయంగా గురువుగారు, దర్శకరత్న దాసరి నారాయణరావు గారి నోట విన్నాను.

ఒక్క డైరెక్షన్ డిపార్ట్‌మెంటే కాదు. టోటల్‌గా సినీఫీల్డులో పనిచేసేవారంతా ఎందుకూ పనికిరానివాళ్లని ఇతర ఫీల్డులవాళ్ల అభిప్రాయం.

"చదువుకోవడం చేతకానివాళ్లంతా సినీఫీల్డంటారు!" అని కూడా అంటారు కొంతమంది.

సరే, ఎవరు ఎలా అనుకున్నా ఏం ఫరవాలేదు. "మ్యాటర్ ఎప్పుడూ ఫీల్డు కాదు. మన మైండ్‌సెట్" అనేది కామన్‌సెన్స్.

అయితే మన ప్యాషన్‌తో అవతలి వాళ్లను ఇబ్బంది పెట్టకూడదు అనేది మరో కామన్ సెన్స్. కానీ, అప్పుడప్పుడూ ఇది మిస్ అవుతుంది. ఫీల్డు అలాంటిది. టోటల్ అన్‌సర్టేనిటీ!


కట్ టూ 'మ్యూజిక్ మ్యాజిక్' -

"స్విమ్మింగ్‌పూల్" చిత్రం ద్వారా మ్యూజిక్ డైరెక్టర్‌గా నేను పరిచయం చేసిన ప్రదీప్‌చంద్ర కు మ్యూజిక్ ఒక ప్యాషన్, ప్రాణం కూడా.

ఎం ఏ క్లాసికల్ మ్యూజిక్, ఎం ఏ వెస్టర్న్ మ్యూజిక్ పూర్తిచేశాడు. తర్వాత .. చదవడం చేతకాదు అనుకునేవాళ్లను సంతృప్తిపర్చడం కోసం కంప్యూటర్ సైన్స్ లో ఎం టెక్ చేశాడు. ఎం ఎస్సీ సైకాలజీ కూడా చేశాడు.

నేను హెచ్ ఎం టి, జె ఎన్ వి, ఆలిండియా రేడియో వంటి సెంట్రల్ గవర్నమెంట్ సంస్థల్లో ఉద్యోగాలు చేసినట్టు, ప్రదీప్ కూడా డెల్ లాంటి కంపెనీల్లో పనిచేశాడు. వదిలేశాడు.

ఆ తర్వాతే, ఆ "మంద మెంటాలిటీ" దుకాణం మూసేసి, మళ్ళీ తనకెంతో ప్రియమైన మ్యూజిక్‌ని చేరుకున్నాడు. అక్కున చేర్చుకున్నాడు.  

స్విమ్మింగ్‌పూల్ ఒక రొమాంటిక్ హారర్ సినిమా.

ఈ చిత్రం కోసం ప్రదీప్ చేసిన పాటల్లో ఒక్క మెలొడీ చాలు. తన టాలెంట్ ఏంటో గుర్తించడానికి. చివరి రీల్, చివరి సీన్‌లో అతనిచ్చిన బ్యాక్‌గ్రౌండ్ స్కోర్ చాలు. అసలు అతనేంటో తెలుసుకోడానికి!

చాలామంది మా సినిమాకు బయటివాళ్లు, లోపలివాళ్లు కూడా చాలా విషయాల్లో చాలా కామెంట్స్ చేశారు. కానీ, ఆ సినిమా పరిమితులు దానికున్నాయి.

ఒక మామూలు సినిమా స్టోరీ సిట్టింగ్స్‌కు అయ్యే ఖర్చుతో ఆ సినిమా పూర్తిచేసి, రిలీజ్ చేశాం. క్వాలిటిదగ్గర ఎక్కడా కాంప్రమైజ్ కాకుండా.

మా జేబుల్లోంచి కూడా డబ్బులు పెట్టుకొని, అప్పులు చేసి కూడా.  

ప్రదీప్‌లో ఉన్న ప్యాషన్‌ను చూసి - మ్యూజిక్ డైరెక్టర్‌గా అతని తొలి ఆడియో వేడుకను "లైవ్" చేశాను. ఒక రేంజ్‌లో ప్లాటినమ్ జుబ్లీ ఫంక్షన్ కూడా చేశాను.

ఇప్పుడింక ఇద్దరం కలిసి చాలా చెయ్యబోతున్నాం. చాలా ప్లాన్స్ ఉన్నాయి. ఛాలెంజెస్ ఉన్నాయి. చిన్న స్టార్టప్ ఒక్కటే జరగాల్సి ఉంది. అదీ జరుగుతుంది.      

ప్రదీప్‌ టాలెంట్ విషయానికొస్తే - స్విమ్మింగ్‌పూల్ జస్ట్ ఒక చిన్న ప్రారంభం మాత్రమే. ప్రాక్టికల్ పాయింటాఫ్ వ్యూలో తను నేర్చుకోవాల్సింది, చేయాల్సింది, చేసి తీరాల్సిందీ చాలా ఉంది.

నాకు తెలుసు. ప్రదీప్ అనుకున్నది సాధిస్తాడు.

'బ్లాక్ లేడీ'ని అందుకోవడం అంత ఈజీ కాదు.

కానీ, ఆ రోజు కూడా వస్తుంది ...

Tuesday, 23 May 2017

వాంటెడ్ "న్యూ స్క్రిప్ట్ రైటర్స్‌!"

కొత్త స్క్రిప్ట్ రైటర్స్‌కు వెంటనే అవకాశం!

ఇది ఉద్యోగ అవకాశం కాదు.

సినిమా ఇండస్ట్రీలోకి  మీరు ప్రవేశించడానికి అవకాశం.

అదీ, మీలో ఉన్న టాలెంట్‌నుబట్టి. మీలో ఉన్న ప్యాషన్‌ను బట్టి.


కట్ టూ పాయింట్ - 

టెక్నికల్‌గా ఒక సినిమా స్క్రిప్టును ఎలా రాస్తారో తెలిసిన కొత్త స్క్రిప్ట్ రైటర్స్ కోసం చూస్తున్నాను.

మామూలుగా కథలు రాయడం వేరు. సినిమా కోసం స్క్రిప్ట్ రాయడం వేరు.

ఈ ముఖ్యమైన తేడా తెలిసి ఉండటం చాలా ముఖ్యం. అంతే కాదు. తెలుగు ఫిలిం ఇండస్ట్రీలో సినిమా స్క్రిప్టుని (యాక్షన్ పార్ట్. డైలాగ్ పార్టులతో) ఏ ఫార్మాట్‌లో ఎలా రాస్తారో ఖచ్చితంగా తెలిసి ఉండాలి.

ఒకవేళ అంతర్జాతీయస్థాయిలో అందరూ ఫాలో అయ్యే "ఫైనల్ డ్రాఫ్ట్" సాఫ్ట్‌వేర్‌ని ఉపయోగించి స్క్రిప్టుని రాయగల సామర్థ్యం ఉంటే మరీ మంచిది.

ఈ అవకాశం కేవలం కొత్త/యువ స్క్రిప్ట్ రచయితలకు మాత్రమే అన్న విషయం దయచేసి గమనించాలి. ఆల్రెడీ ఇండస్ట్రీలోకి ప్రవేశించినవారికోసం కాదు.

బాగా రాయగల సామర్థ్యం ఉండీ, అవకాశాలు రానివారికి ఇదొక మంచి అవకాశం. కనీసం ఒక నలుగురు రైటర్స్‌ను తీసుకొనే అవకాశం ఉంది.

మీదగ్గరున్న స్టోరీలైన్‌లు నాకు నచ్చితే వాటిని తీసుకుంటాను. లేదంటే - నేనిచ్చిన స్టోరీలైన్ మీద మీరు స్క్రిప్ట్ వర్క్ చేసి మీ వెర్షన్ రాయాల్సి ఉంటుంది.

ఏదయినా - అశ్లీలం లేని ట్రెండీ యూత్ ఎంటర్‌టైనర్ సబ్జక్టులకే ప్రాధాన్యం.

టైటిల్ కార్డు తప్పక ఇస్తాను.

పైన చెప్పిన విధంగా నిజంగా స్క్రిప్ట్ రాయగల సామర్థ్యం ఉండి, ఆసక్తి ఉన్న కొత్త/యువ స్క్రిప్ట్ రైటర్స్‌కి (Male/Female) మాత్రమే ఈ అవకాశం అని మరోసారి మనవి.

Aspiring NEW Script Writers can send their details and mobile number to my Facebook inbox immediately. 

Monday, 22 May 2017

నెట్‌వర్క్ పెంచుకుందాం రా!

మనిషిని "సోషల్ యానిమల్" అన్నాడో తత్వవేత్త.

సంఘంలోని ఇతర వ్యక్తుల ప్రమేయం లేకుండా ఏ ఒక్కడూ ఉన్నత స్థాయికి ఎదగలేడు. కనీసం బ్రతకలేడు.

ఇది ఎవ్వరూ కాదనలేని నిజం.

మనం ఎంచుకున్న ఫీల్డులో ఉన్నత స్థితికి ఎదగడానికి ప్రత్యక్షంగానో, పరోక్షంగానో సంఘంలోని ఎంతోమంది సహకారం - లేదా - ప్రమేయం మనకు తప్పనిసరి.

ఈ వ్యక్తులే మన నెట్ వర్క్.

మన నెట్‌వర్క్ ని బట్టే మనం చేసే పనులు, వాటి ఫలితాలు ఉంటాయి. మన నెట్ వర్క్ లో సరయిన వ్యక్తులు లేకుండా ఫలితాలు మాత్రం సరయినవి కావాలంటే కుదరదు.

మనకు పనికి రాని నెగెటివ్ థింకర్స్, మనల్ని వాడుకుని వదిలేసే ముదుర్లు, మన సహాయంతోనే ఎదిగి, మనల్నే వేలెత్తి చూపే మోసగాళ్లు... ఇలాంటి జీవాలు ఏవయినా ఇప్పటికే మన నెట్‌వర్క్ లో ఉంటే మాత్రం వాటిని ఎంత త్వరగా వదిలించుకుంటే అంత మంచిది.

ఇలా చెప్పటం చాలా ఈజీ. కానీ, ఈ జీవుల్ని గుర్తించటానికి కొన్ని అనుభవాలు, కొంత టైమ్ తప్పక పడుతుంది. అయినా సరే, తప్పదు.

ఈ విషయంలో ఎలాంటి మొహమాటాలకు పోయినా జీవితాలే అతలాకుతలమైపోతాయంటే అతిశయోక్తికాదు.

అలాంటి అనుభవాలు ఒక్క సినీ ఫీల్డులోనే నేను ఎన్నో ఎదుర్కోవాల్సి వచ్చింది.

మహా కవి శ్రీ శ్రీ అన్నట్టు, "ఇంకానా ఇకపై చెల్లదు!"

ఇంక ఎలాంటి మొహమాటాల్లేవు.

ముఖ్యంగా, ఇప్పుడు నేను ప్రారంభించబోతున్న కొత్త సినిమాలు, వెబ్ సీరీస్, ఈవెంట్స్, వర్క్‌షాప్స్ మొదలైనవి వ్యక్తిగతంగా నాకెంతో ప్రతిష్టాత్మకమైనవి.

ఇంకో విధంగా చెప్పాలంటే ఒక పెద్ద ఛాలెంజ్. ఇంక ఇలాంటి సమయంలో కాంప్రమైజ్, మొహమాటం అనేవి ఎలా సాధ్యం?

వాటికి స్థానం లేదు. ఉండదు.


కట్ టూ మన నెట్‌వర్క్ - 

ఏ చిన్న పనిలోనయినా సరే, ఎంత చిన్న లక్ష్యమయినా సరే, ఎంతో పెద్ద గోల్ అయినా సరే - సక్సెస్ సాధించాలనుకొనే ప్రతి ఒక్కరూ - తమకు ఉపయోగపడే నెట్‌వర్క్ ను నిరంతరం పెంచుకుంటూ ఉండాలి.

ట్విట్టర్, ఫేస్‌బుక్ ఈ విషయం లో చాలా ఉపయోగపడతాయి.

ఇంకెన్నో ఉన్నా కూడా, ఈ రెండే బాగా పాపులర్ అని నా ఉద్దేశ్యం.

ఊరికే లైక్ లకు, కామెంట్లకు మాత్రమే సమయం వృధాచేయకుండా ఈ కోణంలో కూడా ఫేస్‌బుక్ ని ఉపయోగించటం అలవాటు చేసుకోవటం చాలా మంచి అలవాటు అవుతుంది.

ఈ వాస్తవాన్ని మనం ఎంత తొందరగా గ్రహిస్తే అంత మంచిది అని ప్రత్యేకంగా చెప్పటం అవసరమా?

Thursday, 18 May 2017

అది అబద్ధమైనా సరే, ముందు నాకు నచ్చాలి!

నాకు నచ్చని విషయం, నేను ఇష్టంగా ఎంజాయ్ చేస్తూ రాయలేని విషయం .. నేనస్సలు ఈ బ్లాగ్‌లో రాయలేను.

అది అబధ్ధమయినా సరే. ముందు నాకు నచ్చాలి. నేను ఇష్టపడాలి.

ఎట్‌లీస్ట్, ఆ క్షణం .. అది నాకు కిక్ ఇవ్వాలి.

ఆ రాతల కోసమే ఈ నగ్నచిత్రం బ్లాగ్.

పైన టైటిల్ ఎట్రాక్షన్ కోసమే ఆ వేరేవాళ్ల 'అబద్ధం' గురించి చెప్పాను తప్ప, అది మనవల్ల కాని పని. 'క్రాష్ కోర్స్' తీసుకున్నా పాస్ కావడం కష్టం.  

నో వే.

సో .. ఏ హిపోక్రసీ లేదు. ఏ ఇన్‌హిబిషన్స్ లేవు. నేను రాయాలనుకున్నది రాస్తాను. నచ్చినవాళ్లు చదువుతారు. నచ్చనివాళ్లు ఒకే ఒక్క క్లిక్‌తో ఇంకో బ్లాగ్‌లోకో సైట్ లోకో వెళ్లిపోతారు. అంతే.


కట్ టూ రైటర్స్ బ్లాక్ - 

ఇప్పుడు నేను వరుసగా చేయడానికి ప్లాన్‌చేసుకున్న రెండు తెలుగు సినిమాలు, ఒక ఇంగ్లిష్ సినిమా, ఒక వెబ్ సీరీస్, ఒక ఈవెంట్, ఒక వర్క్‌షాప్, ఒక బుక్ రిలీజ్ మొదలైనవాటి పనులు, ఇతర వ్యక్తిగతమయిన టైమ్‌బౌండ్ కమిట్‌మెంట్‌ల వత్తిడిలో అస్సలు సమయం లేక, సమయం మిగుల్చుకోలేక .. ఈమధ్య నేను నా బ్లాగ్‌ని దాదాపు పూర్తిగా మర్చిపోయాను.

'రైటర్స్ బ్లాక్' లాగా 'బ్లాగర్స్ బ్లాక్' అన్నమాట!  

ఎప్పుడో ఒకటీ అరా బ్లాగ్ పోస్ట్ తప్ప అసలేమీ రాయలేదీ మధ్య.

ఇది పెద్ద నేరం. నా దృష్టిలో.

రాయగలిగివుండీ, రకరకాల కారణాలను వెతుక్కొంటూ రాయకుండా ఉండటం, అలా ఉండగలగటం .. నిజంగా పెద్ద నేరం.

ఏదో రాసి ఎవర్నో ఉధ్ధరించాలన్నది కాదు ఇక్కడ విషయం. నన్ను నేను ఉధ్ధరించుకోవడంకోసం మాత్రం ఇది నాకు నిజంగా తప్పనిసరి.

రాయడం అనేది నాకు ఒక థెరపీ. ఒక యోగా. ఒక ఆనందం. ఒక కళ. ఒక గిఫ్ట్.

నిజానికి ఇదేమంత గొప్ప విషయం కాదు. అనుకుంటే ఎవరైనా రాయగలరు. కానీ, అందరూ అనుకోరు. అందరివల్లా కాదు.

ఇలాంటి గొప్ప అదృష్టాన్ని వినియోగించుకోకపోవడం నాకు సంబంధించినంతవరకు నిజంగా నేరమే.

ఈ నిజాన్ని నేను పదే పదే రిపీటెడ్‌గా రియలైజ్ అవుతుంటాను.

అదో పెద్ద జోక్ ..