Thursday 7 January 2016

కొత్త స్క్రిప్ట్ రైటర్స్ కోసం ..

ప్రధానంగా నేను ముందు రచయితని. నేను నంది అవార్డు తీసుకుంది కూడా రచయితగానే. రచయిత నుంచే దర్శకుడినయ్యాను.

ఒక దర్శకుడిగా ఇప్పటివరకు నేను పనిచేసిన నాలుగు చిత్రాలకు కూడా, నా పూర్తి స్థాయి సామర్ధ్యాన్ని ఉపయోగించి స్క్రిప్టు రాసుకొనే అవకాశం నాకు దొరకలేదు!

ఇందులో ఆశ్చర్యం లేదు. పరిస్థితులు అలాంటివి.

ఇంకా, నిజం చెప్పాలంటే, నా మూడో చిత్రానికి అసలు నేను పేపర్ మీద పెన్ను పెట్టే అవకాశమే  దొరకలేదు. అలాగే, షూటింగ్ కి కొద్దిరోజుల ముందే నాకు యాక్సిడెంట్ కావటం తో - ప్రాజెక్టుకు నష్టం రాకుండా ఉండటం కోసం, ఇంకెవరితోనో సినిమా షూటింగ్ పూర్తిచేయాల్సి వచ్చింది. అయితే - టెక్నికల్ గా దర్శకుడిగా, రచయితగా నా మూడో చిత్రానికి పేరు మాత్రం నాదే ఉంటుంది!

ఫిల్మ్ ఇండస్ట్రీలో కొన్ని అంతే  - మన ఇష్టాయిష్టాలతో పనిలేకుండా అలా జరిగిపోతుంటాయి.

ఇలాంటి పరిస్థితుల నేపథ్యంలో - నేనిప్పుడు ఓ కొత్త నిర్ణయం తీసుకొన్నాను. నా తర్వాతి చిత్రానికి బయటి రచయిత కథనే తీసుకోవాలనుకుంటున్నాను.

నా మొత్తం టైమంతా డైరెక్షన్, ప్రమోషన్, రిలీజ్, సక్సెస్‌లపైనే పెట్టాలన్నది  నా ఉద్దేశ్యం.

స్క్రిప్ట్ రైటింగ్ పైన పూర్తి అవగాహన ఉండి, అవకాశాలకోసం వేచిచూస్తున్న కొత్త రచయితలు నన్ను ఈమెయిల్ ద్వారా సంప్రదించవచ్చు. చాలావరకు నాతో పని ఆన్‌లైన్ లోనే జరుగుతుంది. ఇదీ నా ఈమెయిల్: mchimmani@gmail.com

కట్ టూ టైటిల్ క్రెడిట్ - 

నేనే చాలామందికి ఘోస్ట్ రైటర్‌గా పని చేశాను. నాకు ఘోస్టులు అవసరం లేదు. రచయిత విలువేంటో నాకు తెలుసు. కాబట్టి - నేను మీ కథ ఒప్పుకున్నట్టైతే టైటిల్ క్రెడిట్ మాత్రం తప్పక ఇస్తాను. 

1 comment:

  1. nenu writer nu kanu, kani na daggara stories unnai.

    ReplyDelete