Wednesday 6 January 2016

ఇండస్ట్రీ చాలా విచిత్రమైంది!

తెలుగు సినిమా ఇండస్త్రీ కి సంబంధించి నా లక్ష్యం చాలా చిన్నది. ఎన్నో చోట్ల, ఎన్నో విషయాల్లో ఎదురులేకుండా ముందుకు సాగిన నేను ఇక్కడ మాత్రం ఒక అతి చిన్న లక్ష్యాన్ని సాధించలేకపోయాను.

ఇట్ ఫీల్స్ రియల్లీ రియల్లీ బ్యాడ్. చాలా సార్లు.

కాని, ఇది ఫెయిల్యూర్ అని నేను అనుకోను. నిజానికి, మన ఫెయిల్యూర్ని నిర్ధారించేది బయటివారు కూడా కాదు. మనమే. మనం స్వయంగా అనుకున్నపుడే అది ఫెయిల్యూర్.

మనం ఒక లక్ష్యం అనుకొంటాం. ఆ లక్ష్యాన్ని చేరుకొనే దిశలో ఎన్నో ఢక్కా మొక్కీలు తినాల్సివస్తుంది. వాటివల్ల మనం అనుకున్న లక్ష్యాన్ని సాధించడం ఇంకా ఆలస్యం అవుతుండవచ్చు. అంత మాత్రాన మనం ఓడిపోయాం అనే ఎందుకు అనుకోవాలి? లక్ష్యాని సాధించే క్రమంలో ఒక్కో స్టేజిలో ఒక్కో ఛాలెంజ్ ను ఎదుర్కొంటూ ముందుకే వెళ్తున్నాం అని ఎందుకు అనుకోకూడదు?

కట్ టూ ఇండస్ట్రీ - 

ఇండస్ట్రీ నిజంగా చాలా విచిత్రమైంది. ఇక్కడ అనుకునేది ఒకటి. జరిగేది మరొకటి. ఇందుకు కారణాలు ఏవైనా కావొచ్చు. ఎవరైనా కావొచ్చు. కానీ, ఫిల్మ్ ఇండస్ట్రీలో ఉండే ఈ 'అన్ సర్టేనిటీ' అనే ఒక్క కారణం వల్ల - ఇక్కడ చాలా మంది చెప్పేది ఒకటి, చేసేది ఒకటిలా కనపడుతుంది.  

వాస్తవాలు వేరు. అవి అందరికీ తెలియవు. అనుభవించినవాళ్లకే తెలుస్తాయి.

లక్ష్యం విషయం ఎలా ఉన్నా .. ఇండస్ట్రీ నేపథ్యంగానే నాకు కొన్ని తక్షణ బాధ్యతలు, అవసరాలున్నాయి. ఆ దిశలో నేను ముందుకే వెళ్తున్నాను.     

No comments:

Post a Comment