సాదిక్ భాయ్ ఉస్మానియా యూనివర్సిటీలో నాకు సీనియర్. ఒకే హాస్టల్. "ఏ" హాస్టల్లో ఆయన రూం నంబర్ 35 అయితే, నాది 55. అప్పటినుంచీ ఆయనేంటో నాకు బాగా తెలుసు. ఆయనకా గట్స్ ఉన్నాయి.
అసలు "తోపుడు బండి" ఏంటి? దానిమీద కవిత్వం అమ్మడం ఏంటి? .. అందరూ అలా అనుకుంటుండగానే తోపుడు బండి రావటం జరిగింది. దానిమీద సిటీ అంతా తిరుగుతూ వేలకొద్దీ పోయెట్రీ పుస్తకాల్ని అమ్మడమూ జరిగింది. మొన్నటి హైద్రాబాద్ బుక్‌ఫెయిర్‌లో స్టాల్ నంబర్ 10 లో ఒక సంచలనం క్రియేట్ చేయడం కూడా జరిగింది. దటీజ్ సాదిక్!!
ఆయన క్రియేట్ చేస్తున్న ఈ మార్కెటింగ్ సంచలనాలను చూస్తే ఆయన్ను - "పి టి బర్నమ్ ఆఫ్ ఇండియా" అనవచ్చేమో!
ఇప్పుడు అదే సాదిక్ భాయ్ 100 రోజుల్లో 1000 కిలోమీటర్ల తోపుడుబండి పాదయాత్ర రేపు ప్రారంభించబోతున్నాడు. ప్రతి పల్లెకూ తోపుడు బండి వెళుతుందిప్పుడు. గ్రంథాలయాలు లేని పల్లెల్లో వాటిని నెలకొల్పుకొంటూ మరీ ఈ యాత్ర జరుగుతుంది. ఇదింకో గొప్ప విశేషం. ఒక రకంగా - మరో గ్రంథాలయోద్యమమన్నమాట!
ఇంత గొప్ప కార్యక్రమానికి ఆరంభం రేపు ఉదయం 10 గంటలకు, ఉప్పల్ రింగు రోడ్డు వద్ద జరుగుతోంది. అందరం వెళదాం. సాదిక్ భాయ్ ని అభినందిద్దాం.
జయహో తోపుడుబండి! జయహో కవిత్వం!!
No comments:
Post a Comment