Tuesday 28 July 2015

ఒక దేశభక్తుని 4 కొటేషన్లు

> నిద్రలో కలలు కనడం కాదు. నీ కల నిన్ను నిద్రపోనివ్వకూడదు.

> సక్సెస్ స్టోరీలు చదవొద్దు. అవి కేవలం ఒక సందేశాన్నే ఇస్తాయి. ఫెయిల్యూర్ స్టోరీలు చదవండి. అవి, నువ్వు సక్సెస్ సాధించడానికి అవసరమైన ఎన్నో ఐడియాలనిస్తాయి.

> కష్టాలనేవి నిన్ను నాశనం చేయడానికి రావు. నీలో దాగి ఉన్న శక్తుల్ని బయటకుతీయడంలో సహకరించడానికి  వస్తాయి. నీ కష్టాలకు తెలియజేయి .. నువ్వే ఓ పెద్ద కష్టమని!

> ఒక మంచి పుస్తకం 100 మంది మంచి స్నేహితులతో సమానం. కాని, ఓ మంచి స్నేహితుడు ఓ గ్రంథాలయంతో సమానం.

***

పేపర్ బాయ్ నుంచి మిసైల్ మ్యాన్ దాకా ఎదిగిన అబ్దుల్ కలాం జీవితమే ఒక సక్సెస్ సైన్స్. ఆయన చెప్పిన ఎన్నో మాటల్లో ఈ నాలుగు కొటేషన్‌లు నాకు బాగా గుర్తున్న కొటేషన్‌లు. నాకు బాగా నచ్చిన కొటేషన్‌లు.

అబ్దుల్ కలాం తను చనిపోతే ఒక రోజు సెలవు ఇవ్వద్దు. ఒకరోజు ఎక్కువ పనిచేయండి అన్నారు. నేనీరోజు సెలవు తీసుకోకుండా ఇంకో గంట ఎక్కువ పనిచేస్తున్నాను. ఇది మాత్రమే ఆయనకు ఈరోజు నేనివ్వగలిగిన అత్యుత్తమ నివాళి అనుకుంటున్నాను. 

Thursday 23 July 2015

స్విమ్మింగ్‌పూల్ లో రచ్చ రవి!

జబర్దస్త్ చూసేవాళ్లకు రచ్చ రవిని ప్రత్యేకంగా పరిచయంచేసే అవసరం లేదనుకుంటాను. జబర్దస్త్ ప్రోగ్రామ్‌తోపాటే, ఎన్నో సినిమాల్లో కూడా నటించిన రచ్చ రవి .. స్టేజ్ షోల్లో కూడా పిచ్చి బిజీనే!

సినీ ఫీల్డులో ఎప్పుడు, ఎవరు, ఎవరితో పరిచయమై, ఎంత తొందరగా బాగా క్లోజ్ అయిపోతారన్నది చెప్పలేరు. కొన్ని పరిచయాలు అలా అనుకోకుండా జరిగిపోతాయి.  

రచ్చ రవితో నా పరిచయం కూడా అలాంటిదే!

కట్ టూ స్విమ్మింగ్‌పూల్ -

కొన్ని కారణాలవల్ల ఆరోజు ఒక ఆర్టిస్టుకు ముందే ప్రోగ్రాం కాల్ వెళ్లలేదు. షూటింగ్ స్పాట్ నుంచి అప్పటికప్పుడు ఫోన్ చేసేటప్పటికి, ఆ ఆర్టిస్ట్ అప్పటికే వేరొక చాలా ముఖ్యమైన పనిలో ఉన్నాడు. షూటింగ్‌కు రావడం అనేది అసాధ్యం.

"ఇంకా సినిమాలో ఎంటర్ అవని క్యారెక్టర్ కదా - షూటింగ్ మర్నాడు పెట్టుకుందాంలే" అని అనుకోడానికిలేదు. ఆరోజు ఆ రెండు సీన్‌లూ ఆ లొకేషన్‌లో పూర్తిచేసితీరాలి. ఆరోజుతో మొత్తం టాకీ పార్ట్ పూర్తవుతుంది!

నిజానికి అది చాలా పెద్ద టెన్షన్.

కానీ .. కూల్‌గా నేనూ, కార్తీక్ కూర్చుని ఆలోచించాము.

కట్ చేస్తే - 

హీరో అఖిల్ కార్తీక్ ఇనిషియేషన్‌తో రచ్చ రవి స్విమ్మింగ్‌పూల్ లోకి ఎంటరయ్యాడు .. హీరో ఫ్రెండ్‌గా. ఆరోజు రవి ఫ్రీగా ఉండటం నిజంగా లక్కీ!

ఇక, రవిది ఎంత మంచి మనసు అంటే - సమస్యను అవతలివారి కోణంలోంచికూడా అలోచిస్తాడు. ఒక్క నిమిషం వృధా కానివ్వడు.

'విషయం ఇదీ' అని చెప్పాక - వెంటనే చేస్తానని ఒప్పేసుకున్నాడు రవి. "కారు పంపిస్తాం పికప్‌కి" అన్నప్పుడు ఒక్కటే మాటన్నాడు.

"అన్నా! మీ కారు సికింద్రాబాద్ నుంచి మణికొండ వచ్చి, దాన్ని నేను ఎక్కి, మళ్ళీ మీ సికింద్రాబాద్ షూటింగ్ లొకేషన్‌కు వచ్చేటప్పటికి హాఫ్ డే అయిపోద్ది అనవసరంగా. నేనే బైక్ మీద డైరెక్ట్‌గా వస్తాలే!" అని, అడ్రస్ తీసుకున్నాడు.

సరిగ్గా 45 నిమిషాల్లో లొకేషన్‌కు వచ్చేసాడు!

ఫిలిం ఇండస్ట్రీలో ఇలాంటి కోపరేషన్ చాలా అరుదు.

కట్ టూ స్విమ్మింగ్‌పూల్ ఆడియో లాంచ్ - 

"అన్నా! ఎంత బిజీగా ఉన్నా సరే, నేను మన సినిమా ఆడియో ఫంక్షన్‌కు వస్తాను. కాకపోతే, నాకు ఒక రెండ్రోజుల ముందు చెప్పండి!" అని నాకూ, కార్తీక్‌కూ మాట ఇచ్చినట్లుగానే - మొన్న జరిగిన మా ఆడియో ఫంక్షన్‌కు సరిగ్గా టైమ్‌కు వచ్చాడు రవి.

తప్పకుండా వస్తామన్న పెద్ద గెస్ట్‌లు పెద్ద హాండిచ్చారు. అది వేరే విషయం.

బ్యాక్ టూ రచ్చ రవి - 

ఆడియో ఫంక్షన్‌కు ఏదో గెస్ట్‌లా ఊరికే అలా రావడం, పోవడం కాకుండా - స్టేజ్ మీద  రవి  సోలోగానూ, గాలిపటం సుధాకర్‌తో కలిసి కంబైండ్ గానూ .. తన కామెడీతో రచ్చ రచ్చ చేసి ప్రేక్షకులను కడుపుబ్బ నవ్వించాడు. ఎలాంటి రెమ్యూనరేషన్ తీసుకోకుండా!

ఆ చిరునవ్వు, ఆ పలకరింపు, ఆ చొరవ, ఆ ఆత్మీయత .. సింప్లీ హాట్సాఫ్ టూ రవి!

షూటింగ్‌లో కూడా అంతే. హీరో అఖిల్ కార్తీక్, హీరోయిన్ ప్రియ వశిష్ట కాంబినేషన్లో తను నటించిన రెండు సీన్‌లను దడదడలాడించేస్తూ అద్భుతంగా నటించాడు రవి.  

టీవీ, స్టేజ్ ప్రొగ్రామ్‌లతో పాటు సినిమాల్లోనూ రచ్చ రవి ఇంకా బాగా పైకి రావాలని నా కోరిక. వస్తాడని నా నమ్మకం.

ఫినిషింగ్ టచ్ ఏంటంటే - 

ఇది షూటింగ్ అయ్యాక ఏదో మాటల సందర్భంలో తెల్సిన విషయం.

"మీది తెనాలి .. మాది తెనాలి" లాగా - రచ్చ రవి పుట్టిందీ, పెరిగిందీ వరంగల్ కావడం విశేషం. నేను పుట్టిన ఊరు కూడా అదే! 

Wednesday 22 July 2015

ఫిల్మ్ మేకింగ్ మేడ్ ఈజీ!

బాహుబలి, రుద్రమదేవి వంటి మాగ్నమ్ ఓపస్ లను పక్కన పెట్టండి. టాప్ స్టార్‌ల 30-40 కోట్ల సినిమాలను పక్కన పెట్టండి. ఇవన్నీ సాధ్యం కావడానికి వెనక చాలా కృషి ఉంటుంది. మనకు తెలియని మతలబులు, నేపథ్యం కూడా చాలా ఉంటుంది.

లేదా ఒక డైరెక్టర్ తన ఖాతాలో అప్పుడే ఒక అద్భుతమయిన సూపర్ హిట్ ఇచ్చి ఉండాలి. లేదంటే .. ఒక బలమైన సినిమా కుటుంబ నేపథ్యం ఉండాలి. అలా లేనప్పుడు, ఆ లాబీల కాంపౌండుల్లోకి కూడా ఎంటర్ కాలేరెవ్వరూ.

ఇదంతా నాణేనికి ఒకవైపు. ఇప్పుడు నేను చర్చిస్తున్నది నాణేనికి మరోవైపు.  

ఇంతకు ముందొకసారి ఈ టాపిక్ పైన, ఇదే బ్లాగ్‌లో రాశాను. సందర్భం వచ్చింది కాబట్టి మళ్ళీ రాస్తున్నాను.

కట్ టూ మన డిజిటల్ ఫిల్మ్ మేకింగ్ -  

ఇప్పుడు సినిమా యెవరైనా తీయొచ్చు. దానికి 30,40 కోట్లు లేదా 300 కోట్లు అవసరం లేదు. ఒకటి, రెండు కోట్లు చాలు.
తక్కువలో తక్కువ కొన్ని లక్షలు చాలు.

24 యూనియన్‌లు కూడా అక్కర్లేదు. కొంతమంది లైక్ మైండెడ్ ఫ్రెండ్స్ తో కూడిన ఒక చిన్న క్రియేటివ్ టీమ్ చాలు. అర్టిస్టులు, టెక్నీషియన్లు అందరూ అదే టీమ్!

టీమ్ ఫోకస్ అంతా ఉండాల్సింది కాల్ షీట్ టైమింగ్స్, బేటాలు, డబుల్ బేటాలూ, యూనియన్ రూల్స్ పైన కాదు. సినిమా, సినిమా మీద తమకున్న ప్యాషన్ పైన.

అప్పుడు మాత్రమే .. మంచి సినిమా - అనుకున్న కథతో - అనుకున్న విధంగా తీయవచ్చు. రిలీజ్ చేయవచ్చు.

అవును. నమ్మటం కష్టం. కానీ నిజం. ఇప్పుడంతా డిజిటల్ యుగం.  ల్యాబ్ లూ, స్టూడియోలూ, ఫిల్మ్ నెగెటివ్ లూ, ప్రాసెసింగ్ లూ, పడిగాపులూ ... ఆ రోజులు పోయాయి.

మినిమమ్ 30 లక్షలు ఉంటే చాలు.  కేవలం 45 రొజుల్లో ఒక మంచి కమర్షియల్ సినిమా తీయవచ్చు. ఇంకో 45 రోజుల్లో .. మరొక 20 లక్షల ప్రమోషన్‌తో .. ఆ సినిమాని యే టెన్షన్ లేకుండా రిలీజ్ చేయవచ్చు.

మంచి కథతో, కథనంతో ప్రేక్షకులను ఒప్పిస్తే చాలు. సినిమాలు ఆడతాయి.

కోటి నుంచి 2 కోట్లవరకు బడ్జెట్ ఉంటే  మరీ మంచిది. ఎక్కడా కాంప్రమైజ్ అయ్యే అవసరం అస్సలు రాదు.

ఏదయినా .. పిండికొద్దీ రొట్టె! బడ్జెట్ పెరిగినా కొద్దీ సినిమా రేంజ్ వేరేగా ఉంటుంది.  

నిజంగా ఒక చిన్న సినిమా ఆడిందంటే చాలు. ఓవర్‌నైట్‌లో థియేటర్‌ల సంఖ్య పెరిగిపోతుంది. బయ్యర్‌లు పోటీపడి సినిమా కొనుక్కుంటారు.  లాభం ఊహించనంతగా ఉంటుంది. కనీసం 100 మంది కొత్తవాళ్లకు బ్రతకడానికి పని దొరుకుతుంది. మరిన్ని మంచి అవకాశాలొస్తాయి.

మార్కెట్‌ను బాగా స్టడీ చేయడం, కంప్లీట్ క్రియేటివ్ ఫ్రీడమ్‌తో .. ముందు ప్లాన్ చేసుకున్న విధంగా, అనుకున్న బడ్జెట్‌లోనే  .. సినిమా తీయడం ముఖ్యం. కృష్ణా నగర్, గణపతి కాంప్లెక్సుల్లో పనిలేక తిరిగే పరాన్నజీవులు చెప్పే పనికిరాని మాటలు విని, ప్లాన్ నుంచి ఏ కొంచెం పక్కదారి పట్టినా అంతే సంగతులు.

అయితే - ఈ వాస్తవం ఎవరికైనా కేవలం అనుభవం మీద మాత్రమే తెలుస్తుంది.

కట్ టూ ఒక సంచలనం -       

2007 లో వచ్చిన 'పేరానార్మల్ యాక్టివిటీ' సినిమా ప్రపంచవ్యాప్తంగా ఒక సంచలనానికి నాంది పలికింది. అతి తక్కువ బడ్జెట్ లో తీసిన ఆ సినిమా 655,000% రిటర్న్స్ పొందింది!

అప్పటి నుంచీ, మనవాళ్లకు యెన్ని రకాలుగా చెప్పినా - యెన్ని వుదాహరణలతో చూపించినా - వినలేదు యెవరూ. చివరికి ఒక పేరున్న దర్శకుడు చేసి చూపించాకగానీ మనవాళ్లకు విషయం అర్థం కాలేదు.

ఇక ఇప్పుడంతా అదే దారి. డిజిటల్ ఫిలిం మేకింగ్ .. డిఎస్సెల్లార్  ఫిలిం మేకింగ్.

సో .. ఇప్పుడింక ఫిల్మ్ నెగెటివ్ అన్నదే లేదు. బాహుబలి అయినా సరే, బస్టాప్ అయినా సరే - ఫిల్మ్ మేకింగ్ అంతా డిజిటల్ లోనే! టెక్నాలజీ మొత్తం ఇప్పుడు డిజిటల్‌మయమైపోయింది.

కట్ టూ ఫిల్మ్ ఫాక్టరీ -

అంతా కొత్తవాళ్లు లేదా అప్‌కమింగ్ ఆర్టిస్టులు, టెక్నీషియన్‌లతో ఇప్పుడు నేను ఒక సీరీస్ ఆఫ్ సినిమాలను మైక్రో బడ్జెట్‌లో ప్లాన్ చేస్తున్నాను.

ఇదొక ప్యాషనేట్ ప్రాజెక్ట్.

ఒక్కో సినిమా బడ్జెట్ రేంజ్ 50 లక్షల నుంచి కోటి రూపాయలు మినిమమ్.

నిజంగా .. సినిమాల పైన, సినిమా బిజినెస్ పైన .. మొత్తంగా ఈ ఫీల్డు పైన ఆసక్తి, ప్యాషన్ ఉన్న .. కొత్త ప్రొడ్యూసర్లు / కో-ప్రొడ్యూసర్లు / మైక్రో ఇన్వెస్టర్లు మీ ఫోన్ నంబర్ ఇస్తూ, ఈమెయిల్ ద్వారా  నన్ను సంప్రదించవచ్చు. లేదా, మీ ఫోన్ నంబర్ తో నా ఫేస్ బుక్ లో మెసేజ్ పెట్టండి. మా ఆఫీస్ నుంచి మీకు ఫోన్ వస్తుంది. లేదా నేనే ఫోన్ చేస్తాను.

ఇన్వెస్టర్-హీరోలు/హీరోయిన్లు/సపోర్టింగ్ ఆర్టిస్టులు కూడా నన్నుసంప్రదించవచ్చు. హీరో/హీరోయిన్/సపోర్టింగ్ ఆర్టిస్టు కావాలన్న మీ కల ఇలా కూడా నిజం అవుతుంది. మీ ఇన్వెస్ట్ మెంట్ కి బిజినెస్ లో షేర్ కూడా ఉంటుంది.

అన్నింటికంటే ముఖ్యం ఏంటంటే - ఈ ప్రాజెక్ట్‌లో నాతో అసోసియేట్ కావడం ద్వారా, సినిమా బిజినెస్‌ను మీరు డైరెక్ట్‌గా తెలుసుకోవచ్చు.  ఇది అంతటా, అంత ట్రాన్స్‌పరెంట్‌గా సాధ్యమయ్యే పని కాదు. మరెన్నో లాభాలూ, కనీసం ఒక 20 చానెళ్లు కవర్ చేసే ప్రెస్ మీట్‌లు, ఊహించని ఓవర్ నైట్ ఫేమ్, పెద్ద రేంజ్ నెట్‌వర్క్, లైమ్ లైట్‌లో హడావిడీ .. ఇంకెన్నెన్నో ఉంటాయి.

ఇదొక షో బిజినెస్.

ఈ వైపు ఇష్టం ఉన్నవాళ్లు మాత్రమే ఇటు రావాలి. బిజినెస్ గా అయినా సరే, క్రియేటివ్ బిజినెస్ గా అయినా సరే. ప్యాషన్ ముఖ్యం. అనుకున్నది ఏదయినా సరే చేయాలన్న గట్స్ ముఖ్యం.

ఫేమ్, డబ్బూ .. వద్దన్నా అవే ఫాలో అవుతాయి ..

email: manutimemedia@gmail.com

Wednesday 15 July 2015

స్విమ్మింగ్‌పూల్ లో సత్తెన్న ఎలా మిస్ అయ్యాడు?

స్విమ్మింగ్‌పూల్‌లో - రెండు సీన్‌లలో - హీరోహీరోయిన్లతో కనెక్ట్ అయ్యే ఒక ముఖ్యమయిన పాత్రకు  సత్తెన్నను అనుకున్నాం.

అన్న ఆఫీస్‌కు వచ్చాడు.

హాయిగా మాట్లాడుకున్నాం. అంతా ఓకే అనుకున్నాం. షూటింగ్‌కు ఒక్క రోజు ముందు మాత్రం చెప్తాను. రావాలని చెప్పాను. సత్తెన్న ఓకే అన్నాడు.

కానీ ఆ తర్వాత పొరపాటు నావైపునుంచే జరిగింది. సత్తెన్న విషయంలో.

మా ప్రాజెక్ట్ అసలే ఒక మైక్రో బడ్జెట్ ఫిలిమ్. షూటింగ్ అంతా ఒక మాదిరి గెరిల్లా ఫిలిం మేకింగ్‌లా జరిగింది. ఒక టైమ్ అంటూ లేదు. మొత్తం 40 రోజుల షూటింగ్‌ను - డే అండ్ నైట్ కష్టపడి - కేవలం 13 రోజుల్లో పూర్తిచేశాం. ఎలాంటి ప్యాచ్ వర్క్ కూడా బ్యాలెన్స్ లేకుండా!

అంత 'అన్‌ట్రెడిషనల్‌' గా వెళ్లాం .. ఫిలిం మేకింగ్ కు సంబంధించి. కాల్‌షీట్స్, హాలిడేస్ .. అవన్నీ ఏం లేవు. మొత్తం 24 క్రాఫ్ట్స్ అనబడే వాటిల్లో సగానికిపైగా అన్నీ మేమే చేసేసుకున్నాం.

ఇదంతా ఎందుకు చెప్తున్నానంటే - చివరికి మా డైరెక్షన్ డిపార్ట్‌మెంట్‌లో కూడా అంతా కొత్తవాళ్లే. నేను వాళ్లకు ఏదయినా చెప్పి చేయించుకోవాలితప్ప, వాళ్లు నాకు ఏదయినా గుర్తు చేసి, అలర్ట్ చేసే అనుభవం వారికి లేదు.

బాయ్-టూ-అసిస్టెంట్ డైరెక్టర్-టూ-ప్రొడక్షన్ మేనేజర్-టూ-డైరెక్టర్ .. అన్నీ నేనే.

ప్రొడ్యూసర్ అరుణ్ గారు కూడా ఫీల్డుకి కొత్త కాబట్టి, పూర్తి స్థాయిలో ఇండియాలో ఉండరు కాబట్టి .. ఆయనవైపు చాలా చాలా పనులు కూడా నేనే ఫాలో అప్ చేసుకోవాల్సి వచ్చేది.

ఇలాంటి సిచువేషన్‌లో .. అది చివరి రోజు షూటింగ్ .. ఒక లొకేషన్‌లో.

అక్కడ, ఆరోజు .. సత్తెన్న రావాలి.

ముందురోజే ప్రోగ్రాం చెప్పాల్సింది. మర్చిపోయాం.

ఆ రోజు కాల్ చేస్తే - అప్పటికే అన్న వేరే చాలా చాలా ముఖ్యమయిన పర్సనల్ పనిలో బిజీ అయిపోయి ఉన్నాడు. రావడానికి ఏమాత్రం వీలు లేదు.

సారీ చెప్పాను. తర్వాత ఇంకో మైక్రో బడ్జెట్ ప్రాజెక్టు వెంటనే ఉంది. ఈ సారి ఇలాంటి పొరపాటు జరగదు అని చెప్పాను. అన్న "నో ఇష్యూస్" అంటూ అర్థం చేసుకున్నాడు. మంచి మనసుతో మొన్నటి మా ఆడియో లాంచ్ ఫంక్షన్‌కు కూడా వచ్చాడు.

దటీజ్ సత్తెన్న!

Saturday 11 July 2015

ఇక రుద్రమదేవి!

బాహుబలి హడావిడి అయిపోయింది.

ఇప్పటివరకూ ఇండస్ట్రీ చరిత్రలో ఎన్నడూ, ఏ సినిమాకూ లేని స్థాయిలో - దాదాపు ఒక మాఫియా రేంజ్‌లో - బ్లాక్ టికెట్‌ల మార్కెటింగ్ రికార్డులు తిరగరాసిందీ సినిమా.

వాట్ నెక్స్‌ట్?

రుద్రమదేవి.

13వ శతాబ్దంలో కాకతీయ సామ్రాజ్యాన్ని పాలించిన ఈ రాణి రుద్రమదేవి కథను ఎప్పుడో తను చిన్నప్పుడు నాన్-డిటైల్‌డ్ పుస్తకంలో చదివిన ఇన్‌స్పిరేషన్‌తో ఈ మహా యజ్ఞాన్ని గుణశేఖర్ తలపెట్టాడంటే .. ఆయనకు రియల్లీ హాట్సాఫ్!

ఆర్థికంగా ఎంతో రిస్క్ తీసుకొని, తానే ప్రొడ్యూసర్ కూడా అయి, కేవలం తన ప్యాషన్ కోసం, రుద్రమదేవి చిత్రాన్ని ఎంతో ప్రతిష్టాత్మకంగా రూపొందించాడు గుణశేఖర్. ఈ సినిమా ఆడియోను కూడా వరంగల్‌లో అత్యంత భారీగా జరిపాడు. అయితే - బాహుబలికి ముందే రిలీజ్ కావల్సిన రుద్రమదేవి చిత్రం ఏవో సాంకేతిక కారణాలవల్ల వాయిదా పడింది.

కట్ టూ స్పాట్ - 

"అంతా మనమంచికే" అన్నది అన్నిసార్లూ నిజం కాదు. కాని, రుద్రమదేవి విషయంలో అది నిజమే అనిపిస్తుంది.

ఆలస్యం అయితే అయింది. తీసుకోవల్సిన జాగ్రత్తలన్నీ తీసుకొని, రుద్రమదేవి రిలీజ్ కోసం - ఓ మంచి డేట్‌కు గుణశేఖర్ ఇప్పుడు స్పాట్ పెట్టొచ్చు. పెట్టిన ఆ స్పాట్ మళ్లీ మారకుండా ఉండటం చాలా ముఖ్యం.

సుమారు 80 కోట్ల బడ్జెట్‌తో - దర్శక నిర్మాతగా కత్తిమీద సాము చేస్తూ - అనుష్క హీరోయిన్‌గా గుణశేఖర్ రూపొందించిన రుద్రమదేవి ఆయనకు భారీ సక్సెస్‌ను సాధించిపెట్టాలని మనస్పూర్తిగా కోరుకుంటున్నాను.

Thursday 9 July 2015

రేపే బాహుబలి!

ఈ పిచ్చిని సైకాలజీలో "మాస్ హిస్టీరియా" అంటారన్నట్టు ఎక్కడో చదివాను.

నో డౌట్ .. ఇప్పటివరకు దేశంలో ఏ సినిమాకూ పెట్టనంత బడ్జెట్‌తో ఈ సినిమాని తీశారు. సుమారు రెండున్నరేళ్లపాటు వందలాదిమంది కష్టపడ్డారు. ఎన్నో రిలీజ్ డేట్స్ మార్పు తర్వాత, చివరికి రేపు సినిమా రిలీజవుతోంది.

ఎంతో ఎంతో హైప్ మధ్య!

తెలుగు, హిందీ, తమిళం, మళయాళంతో పాటు .. మొత్తం ఓ పది భాషల్లో - ప్రపంచవ్యాప్తంగా సుమారు నాలుగున్నరవేల థియేటర్స్‌లో రిలీజవుతున్నట్టు విన్నాను.

180 కోట్లు అని కొందరంటారు. 280 కోట్లు అని మరికొందరంటారు. మొత్తానికి బాగానే పెట్టారు.

కట్ టూ ప్రి-రిలీజ్ స్పాయిలర్స్ - 

మధ్యాహ్నం తర్వాత, ఇవాళ ఒక స్టూడియోలో ఓ చిన్న యాడ్ పనిమీద వెయిట్ చేస్తూ ఉన్నపుడు - నా మొబైల్ తీసి, అలా కాసేపు బ్రౌజ్ చేశాను.

ఎవరో లేడీ 2/5 పాయింట్స్ ఇస్తూ, బాహుబలికి అంత సీన్ లేదంటూ బాంబు పేల్చింది. అది యు ఎ ఇ నుంచి.

తర్వాత - యాక్చువల్‌గా రేపు విడుదల కాబోతున్న బాహుబలి మీద వరసపెట్టి ఎన్నెన్ని న్యూస్‌లు, వ్యూస్‌లు  చెప్పనక్కర్లేదు.

సైమన్ బర్చ్ కాపీ అంటూ రెండు పోస్టర్లను కంపేర్ చేస్తూ ఆన్‌లైన్‌లో వందలాది పిక్స్ పెట్టారు. వాటిల్లో ఒకదాన్ని నేనిక్కడ బ్లాగ్‌లో పెట్టాను.

కన్నడలో డాక్టర్ రాజ్‌కుమార్ 'మయూర' సినిమాకు కాపీ ఈ బాహుబలి అని కూడా వార్తలున్నాయి ఆన్‌లైన్‌లో. కొంతమంది వీరాభిమానులు - అసలు బాహుబలి షో అంటూ ఇంకా పడనే లేదు .. ఇదంతా ఫేక్ అంటున్నారు.

ఒక్క సెన్సార్‌కు మాత్రమే చూపించారట. వాళ్లు కూడా పూర్తిస్థాయి సినిమా చూళ్లేదట .. సెన్సార్ వాళ్లకు చూపించినప్పుడు  బ్యాక్‌గ్రౌండ్ ఏదో ఉండదట!!

ఇంతకంటే విచిత్రం ఇంకేముండదు.

థియేటర్‌లో ప్రేక్షకులు ఏ సినిమానయితే చూస్తారో, ఇంక మార్పులు, చేర్పులు ఉండని ఆ ఫైనల్ కాపీనే సెన్సార్ వారికిచ్చి సెన్సార్ చేయించుకుంటారన్నది కామన్‌సెన్స్! ఈ మాత్రం తెలవకుండా ఏవో వెర్రివెంగళప్ప రాతలు ఎందుకు రాస్తారో అర్థం కాదు.

ఏది ఏమయినా - రేపు రిలీజ్ కాబోతున్న బాహుబలి - అన్ని కోట్లు పెట్టి, అన్ని రోజులు పనిచేసి, ఎంతో హైప్ చేసిన రేంజ్‌లో .. సక్సెస్ సాధించాలని ఆశిద్దాం.

బెస్టాఫ్ లక్, రాజమౌళి అండ్ టీమ్!  

Wednesday 8 July 2015

యు కె లో స్విమ్మింగ్‌పూల్ సెన్సార్!

స్విమ్మింగ్‌పూల్ సినిమాను మన తెలంగాణ, ఎ పి, లతో పాటు - ఎబ్రాడ్‌లో యు కె, యూరోప్, అమెరికాల్లో కూడా ఏకకాలంలో రిలీజ్ చేయడానికి సన్నాహాలు పూర్తిస్థాయిలో జరుగుతున్నాయి.

అమెరికాలో కనీసం ఒక ఐదు ముఖ్యమయిన సెంటర్లలో రిలీజ్‌కు ఏర్పాట్లు ఎప్పుడో జరిగిపోయాయి.

యు కె, యూరోప్‌ల్లో స్విమ్మింగ్‌పూల్ రిలీజ్ ఏర్పాట్లను ప్రొడ్యూసర్ అరుణ్‌కుమార్ ముప్పన తన స్వంత డిస్ట్రిబ్యూషన్ సంస్థ అయిన శ్రీ శ్రీ ఇంటర్నేషనల్ ద్వారా స్వయంగా తానే పర్యవేక్షిస్తున్నారు.

సో, ఇక్కడి రిలీజ్ డేట్స్‌తో పాటు ఎబ్రాడ్‌లో కూడా రిలీజ్ డేట్స్ కుదరాలి కాబట్టి, స్విమ్మింగ్‌పూల్ రిలీజ్‌కు ఇంకొన్ని వారాల సమయం పట్టవచ్చు.

కట్ టూ బ్లాక్ కార్డ్ -  

యు కె లో స్విమ్మింగ్‌పూల్ సెన్సార్ మొన్ననే పూర్తయింది. మన దగ్గర సెన్సార్ పూర్తయ్యాక ఇచ్చే సెన్సార్ "సర్టిఫికేట్‌"నే అక్కడ యు కె లో "బ్లాక్ కార్డ్" అంటారు.

ఈ బ్లాగ్ పోస్ట్‌లో మీరు చూస్తున్న ఫోటో అదే. యు కె లో స్విమ్మింగ్‌పూల్ ప్రదర్శన కోసం ఇచ్చిన సెన్సార్ సర్టిఫికేట్ అన్నమాట. దీని ప్రకారం 12 సంవత్సరాలు దాటిన ఎవరైనా ఈ సినిమాను చూడొచ్చు అని బ్రిటిష్ బోర్డ్ ఆఫ్ ఫిలిం క్లాసిఫికేషన్ (BBFC) సర్టిఫికేట్ ఇచ్చింది.

సినిమా జోనర్ హారర్ అయితే చాలు .. ఇదే సినిమాకు మన దగ్గర సెన్సార్ రూల్స్ ప్రకారం - అందులో ఏం ఉన్నా, లేకపోయినా - మనకు వాళ్లిచ్చేది మాత్రం 'ఎ' సర్టిఫికేట్!  

Monday 6 July 2015

చచ్చే హక్కు కూడా ఉంది!

చివర్లో ఒక పంచ్ ఉంది. ఆ పంచ్ వేయడానికి ఈ న్యూస్ ఐటమ్ చాలా సూటబుల్ అనిపించి రాస్తున్నాను.

కట్ టూ చచ్చే హక్కు -   

చచ్చే హక్కునే ఇంగ్లిష్‌లో "రైట్ టు ఎండ్ లైఫ్" అంటారు.

రాత్రి ఏదో చూస్తుంటే, నెట్‌లో ఈ న్యూస్ ఐటమ్ కనిపించింది. ముందు ఇదేదో టిట్‌బిట్‌లా అనిపించింది. న్యూస్ చదివిన తర్వాత గాని విషయం అర్థం కాలేదు.

బెల్జియంలో దీన్ని ఏకంగా చట్టబధ్ధం చేసేశారేప్పుడో.

"నాకు లైఫ్ మీద విరక్తి కలిగింది. ఇంక నాకు బ్రతకాలని లేదు. చచ్చిపోతాను" అని పిటిషన్ పెట్టుకుంటే చాలు. అన్నీ జాగ్రత్తగా స్టడీ చేసి, అంతా ఓకే అనుకుంటే, అక్కడి కోర్టు కూడా ఓకే చెప్పేస్తుంది.

ఇలాంటి సైకోలు, డిప్రెషనిస్టులు, యూతనేషియా బాధితులు ఎవరో ఒక్కరో ఇద్దరో ఉంటారు కావొచ్చు అనుకోడానికి లేదు. బెల్జియంలో సంవత్సరానికి సగటున ఓ 1500 మంది ఇలా కోరి చచ్చిపోతున్నారు!

కట్ టూ లారా - 

లారా వయస్సు ఇరవై నాలుగు.

లేటెస్టుగా బెల్జియంలో చట్టప్రకారం చావడానికి అనుమతి పొందిన ఈ యువతి .. డిప్రెషన్‌ను ఇంక తట్టుకోలేనని డిసైడయిపోయింది. తనకు తానే చావడానికి అఫీషియల్‌గా అనుమతి పొందింది. అక్కడి సైకాలజిస్టులు, సైకియాట్రిస్టులు ఏం చేస్తున్నారో తెలీదుగాని - లారా మాత్రం తన "దహన సంస్కారాలు" ఎలా జరగాలో ప్లాన్ చేసుకుంటోంది కూల్‌గా!

ఇలాంటి హక్కేదో ఉందని - ఇక్కడ మనదగ్గర .. 'ఏమీ చేయడం చేతగాక, పక్కోడిని కెలుకుతూ టైమ్ పాస్ చేసే' ప్రపంచస్థాయి మేధావులు కొందరికి తెలిస్తే బావుండు! దాని కోసం పోరాడితే ఇంకా బాగుండు!!

Saturday 4 July 2015

చిన్న ఇన్వెస్టర్‌లు, కో/ప్రొడ్యూసర్‌లకు స్వాగతం!

30 కోట్ల నుంచి 250 కోట్లు ఖర్చుపెట్టి తీసే భారీ సినిమాల గురించి నేనిక్కడ మాట్లాడ్డం లేదు.

ఆ రేంజ్ సినిమాలు సూపర్ డూపర్ హిట్‌లయినా లాభాలు అంతంత మాత్రమే!

లోపలి అసలు అంకెలు వేరు. బయటకు బొంబాట్ చేసే ఫిగర్‌లు వేరు. అదో పెద్ద గ్యాంబ్లింగ్. వాటి విషయం వదిలేద్దాం. వాటి కోసం చాలామంది ఆల్రెడీ ఉన్నారు.

కట్ చేస్తే -

ఇప్పుడు పూర్తిగా చిన్న సినిమాలదే హవా. వ్యాపారపరంగా కూడా ఓ గొప్ప అవకాశంగా  చెప్పుకోవచ్చు. కేవలం 50 లక్షల లోపు బడ్జెట్‌తో (వీలుంటే ఓ కోటి, రెండు కోట్లతో), అంతా కొత్తవారితో / అప్‌కమింగ్ ఆర్టిస్టులు, టెక్నీషియన్లతో .. ఓ మాంచి సినిమా తీసి రిలీజ్ చేయవచ్చు.

ఈ విషయంలో లేటెస్ట్ ఉదాహరణలు - మొన్నటి ప్రేమకథాచిత్రమ్, హృదయ కాలేయం, నిన్నటి ఐస్‌క్రీమ్. త్వరలో విడుదలకాబోతున్న మా స్విమ్మింగ్‌పూల్.

అంతా కొత్తవారితో ఇదే చిన్న రేంజ్ బడ్జెట్లో చేసిన చిత్రాల్లో - కేవలం నైజామ్ ఏరియాలోనే కోట్లు కలెక్షన్ చేసిన చిత్రాలు కూడా ఉన్నాయి. దీన్నిబట్టి ఇప్పుడు బిజినెస్ ట్రెండ్ కూడా ఎలా ఉందో గమనించవచ్చు.

సినిమాలు, ఫిలిం ప్రొడక్షన్ పట్ల ఆసక్తి ఉండటం ముఖ్యం. లేదంటే, ఒక ప్యూర్ బిజినెస్‌గానయినా అలోచించగలగాలి. సినిమాలో కంటెంట్, దాని ప్రమోషన్ బాగుంటే చాలు. మన ఇన్వెస్ట్‌మెంట్, బిజినెస్, ప్రాఫిట్స్ విషయంలో ఎలాంటి టెన్షన్ ఉండదు.

అంతా కరెక్ట్ ప్లానింగ్‌తో చేస్తే - ప్రాజెక్టు మొత్తం కేవలం 5 నెలల్లో పూర్తయిపోతుంది.

ఒక చిన్న ఇన్‌వెస్ట్‌మెంట్ ద్వారా ఫీల్డులోకి ఎంటరయి - అసలు సినిమా బిజినెస్ ఏంటన్నది ప్రత్యక్షంగా తెలుసుకోడానికి కూడా ఇది మీకో మంచి అవకాశం.

నిజంగా ఆసక్తి ఉండి, చిన్న స్థాయిలోనయినా (కనీసం 10 లక్షలు) వెంటనే ఇన్వెస్ట్ చేయగల కొత్త కో-ప్రొడ్యూసర్లు, మీ మొబైల్ నంబర్ ఇస్తూ, ఫేస్‌బుక్/ట్విట్టర్ మెసేజ్ ద్వారా నన్ను వెంటనే కాంటాక్ట్ చేయొచ్చు. బెస్ట్ విషెస్ .. 

Thursday 2 July 2015

స్విమ్మింగ్‌పూల్‌లో కె జె దశరథ్!

సూపర్ పర్సనాలిటీ. పవర్‌ఫుల్ వాయిస్. సినిమా అంటే ప్యాషన్.

దటీజ్ కె జె దశరథ్!

మా ఇద్దరి పరిచయం సుమారు మూడేళ్లనాటిది. అప్పుడే ఒక ప్రాజెక్టుకు మేం కలిసి పనిచేయాల్సింది. కలలో కూడా నేనెన్నడూ ఊహించని నా భారీ యాక్సిడెంట్ వల్ల అది కుదర్లేదు. వాయిదాపడింది.

మరోసారి ఇంకా బాగా కలిసి పనిచేసే అవకాశాన్ని ఆయనే క్రియేట్ చేశారు. కానీ అనుకున్నది జరగలేదు. అంతా ఉల్టాపుల్టా అయిపోయింది.

అయినా సరే, ఎలాగయినా దశరథ్‌ను వెండితెరకు నేనే పరిచయం చేయాలనుకున్నాను.

బికాజ్ .. అతనిలో ఓ మంచి స్నేహితుడు కూడా ఉన్నాడు కాబట్టి. యాక్టింగ్ అంటే అతనికి చచ్చేంత ప్యాషన్ కాబట్టి.

కట్ టూ స్విమ్మింగ్‌పూల్ -  

కె జె దశరథ్ ఇంతకుముందే చాలా యాడ్స్‌లో, ఇన్‌ఫమర్షియల్స్‌లో నటించారు. సిల్వర్ స్క్రీన్ మీద మాత్రం నా స్విమ్మింగ్‌పూల్ సినిమాతోనే ఎంట్రీ!

"సినిమాలో నటించడం నాకు మొదటిసారి. నేను బాగా చేయగలనో .. లేదో!" అని షూటింగ్‌కి ముందు చాలాసార్లు నాతో అన్నారు దశరథ్.

నాకు మాత్రం బాగా నమ్మకం. అతను బాగా నటించగలడనీ, నటించేలా నేను చేయగలననీ.

స్విమ్మింగ్‌పూల్ హారర్ సినిమా కాబట్టి ఎక్కువ పాత్రలకు అవకాశం లేదు. అయినా సరే - దశరథ్‌కు బాగా సూటయ్యే ఒక మంచి రోల్‌ను ఆయనకిచ్చాను.

ఆ పాత్ర మ్యానరిజం, డైలాగులు ఎంత వెరైటీగా ఉండేలా నేను ప్లాన్ చేశానో - అంతకంటే అద్భుతంగా దశరథ్ ఆ పాత్రలో జీవించారు.

అయినా  .. నాకు సంతృప్తి లేదు. యాక్టర్‌గా దశరథ్‌కు ఓ పెద్ద పవర్‌ఫుల్ రోల్‌తో నేనే బ్రేక్ ఇవ్వాలి.

ఆరోజు కోసమే నేను ఎదురుచూస్తున్నాను. బహుశా దశరథ్ కూడా.