Sunday 21 December 2014

అరుణ్‌కుమార్ స్టయిలే వేరు!

హోటల్ బసేరా - టూ - యాత్రి నివాస్ - టూ - రొమాంటిక్ హారర్ సినిమా!

అర్థం కాలేదు కదూ?

రెండే రెండు మీటింగ్స్. కట్ చేస్తే సినిమా లాంచ్. అదీ అరుణ్‌కుమార్ వ్యవహార శైలి.

అరుణ్‌కుమార్ ఎవరో కాదు. మై ప్రొడ్యూసర్.. ఎ మ్యాన్ ఆఫ్ యాక్షన్.

కట్ టూ ది ప్రొడ్యూసర్ -

నాలుగు ఈమెయిల్స్ కమ్యూనికేషన్ తర్వాత అరుణ్‌కుమార్, నేను మొట్టమొదటిసారిగా సికింద్రాబాద్ లోని బసేరా హోటల్లో కలిశాం. అక్కడ మా సిట్టింగ్ ఎందుకో కమ్‌ఫర్టబుల్‌గా అనిపించలేదు.

షిఫ్ట్ టూ యాత్రి నివాస్.

చిన్నా, పెద్దా మీటింగ్స్ ఏవయినా - యాత్రి నివాస్‌లో నాకు చాలా కమ్‌ఫర్టబుల్‌గా ఉంటుంది. ఆ మీటింగ్స్ పర్సనల్‌వి కావొచ్చు. బిజినెస్‌వి కావొచ్చు. మొత్తానికి యాత్రి నివాస్‌ ఓ గుడ్ ప్లేస్.

అరుణ్‌కుమార్ మెకానికల్ ఇంజినీర్. యు కె లో ఎం ఎస్ చేశారు. చాలా చిన్న వయసులోనే యు కె లో స్వంతంగా బిజినెస్ ప్రారంభించి, దాన్ని విజయవంతంగా నడిపిస్తున్న ట్రాక్ రికార్డ్ ఆయనకుంది.

నా దృష్టిలో ఇదేమంత చిన్న విషయం కాదు.

కట్ టూ ది స్టయిల్ - 

అరుణ్‌కుమార్ లో నాకు బాగా నచ్చిన మొదటి అంశం ఆయన పలకరింపు.

" హలో అండి! ఎలా ఉన్నారు?"

ఎక్కడో యు కె నుంచి .. అనవసరపు మాస్కులు లేని ఇలాంటి పలకరింపు ఈ రోజుల్లో దాదాపు మృగ్యం.

అరుణ్‌కుమార్ లో నాకు నచ్చిన రెండో అతి ముఖ్యమైన అంశం - క్లారిటీ!

ఉదాహరణకు, నేనొకదానికి 100 రూపాయలు ఖర్చవుతుందంటే - అది ఎలా ఖర్చవుతుందో క్రిస్టల్ క్లియర్ క్లారిటీతో తెల్సుకుంటారు. అది ఖర్చు చేస్తున్న సమయంలో జరిగే పని, ఆ పనిలోని వివిధ దశలు, ప్రతి దశలోనూ ఉండే కనిపించని రిస్కులు .. ఇలా ప్రతి చిన్న అంశం గురించీ చాలా క్లియర్‌గా మన వెర్షన్ తీసుకుంటారు అరుణ్.

అయితే ఇది అక్కడితో అయిపోదు.

దీనికి సంబంధించి, తన వైపు నుంచి బోలెడంత రిసెర్చ్ చేస్తారు. తన వెర్షన్ మనకు డీటెయిల్డ్‌గా ఈమెయిల్లో పంపిస్తారు. స్టెప్ బై స్టెప్ .. అవసరమయితే ఎక్సెల్ షీట్‌లో చాలా క్లియర్‌గా ఉంటుందా ఇన్‌ఫర్మేషన్.

అరుణ్‌కుమార్ ఇచ్చే ఇన్‌ఫర్మేషన్ ఎంత క్లియర్‌గా ఉంటుందంటే, అది మనకు ముందే తెలిసిన బేసిక్ ఇన్‌ఫర్మేషనే అయినా - ఒక బిజినెస్‌మ్యాన్ యాంగిల్ లో, ఎక్సెల్ లో ఆయన ఇచ్చే ఆ ప్రజెంటేషన్‌కు మనమే ఆశ్చర్యపోతాం!

తను చేయాలనుకొంటున్న పనికి సంబంధించిన ప్రతి విషయంలోనూ స్పష్టత పట్ల ఆయన చూపించే శ్రధ్ధ, ఆయన ఆలోచనా విధానం .. ఇవే ఆయన్ను ఓ సక్సెస్‌ఫుల్ ఎంట్రెప్రెన్యూర్‌ను చేశాయన్నది నా వ్యక్తిగత అభిప్రాయం.

కట్ టూ మన రొమాంటిక్ హారర్ - 

మేం కలిసి సినిమా చేద్దాం అనుకున్న తర్వాత ఆయన నన్ను కోరిన ఒకే ఒక్క విషయం సినిమా జోనర్.

హారర్ తీద్దామని!

మాట్లాడకుండా ఓకే అన్నాను. అదే ఇప్పుడు మేము షూటింగ్ పూర్తి చేసిన రొమాంటిక్ హారర్. బహుశా ఎల్లుండి ఈ సినిమా టైటిల్ చాంబర్ నుంచి అఫీషియల్‌గా మాకు అందుతుంది.

సినిమా బిజినెస్ పట్ల ఎంతో ప్యాషన్ ఉన్న అరుణ్‌కుమార్‌కు - కాన్‌సెప్ట్ స్టేజ్ నించి ఫిలిం రిలీజ్ అయ్యేవరకూ - ప్రతి స్టేజ్ లోనూ, ప్రతి విషయం తెలిసేలా చేయడమే నేను పర్సనల్‌గా తీసుకున్న బాధ్యత. ఈ అవగాహనే, తర్వాతి ప్రాజెక్టుల ప్లానింగ్‌లో ఆయనకు చాలా ఉపయోగపడుతుంది.

చిన్నదయినా, పెద్దదయినా - జరగాల్సిన పనిని ఎంత బాగా, ఎంత సక్సెస్‌ఫుల్‌గా ఎగ్జిక్యూట్ చేయాలో అరుణ్‌కుమార్ కు తెల్సినంతగా ఎవ్వరికీ తెలియదు.

ఈ లక్షణం సహజంగా రావాల్సిందే. లేదంటే ఒక ప్యాషన్‌తో స్వయంగా నేర్చుకోవాల్సిందే.

అలాకాకుండా - ఒకరిని చూసి నేర్చుకున్నా, ఒకరిని ఫాలో అయినా .. అది రాదు కాక రాదు. నాకు తెలిసి ఈ గిఫ్ట్ అరుణ్‌కుమార్ కే సొంతం.

షూటింగ్ సమయంలో కొన్ని రోజులు అరుణ్‌కుమార్ లేనప్పటి లోటు మా టీమ్ మొత్తం మందికీ తెలిసింది.  ఆ లోటుని మేమంతా నిజంగా ఫీలయ్యాం. అలా ఫీలయ్యేలా చేయగల శక్తి ఆయనకుంది.

ఇలాంటి ఔత్సాహిక యువ ప్రొడ్యూసర్ మిత్రులు ఇండస్ట్రీలో ఎక్కువమంది రావాలని నా అభిలాష.

బిజినెస్ పరంగా అరుణ్‌కుమార్ కు సంబంధించి - ఇప్పుడు మేము చేస్తున్న ఈ రొమాంటిక్ హారర్ కేవలం ఒక పైలట్ ప్రాజెక్ట్ మాత్రమే. ఈ పైలట్ ప్రాజెక్టుకు చాలా ప్రత్యేకతలున్నాయి. టైటిల్ లోగో రిలీజ్ తర్వాత, అవన్నీ ఒక్కొక్కటిగా తెలుస్తాయి.

టైటిల్ లోగో ఆవిష్కరణ తర్వాతే మా అసలైన ప్రమోషన్ ఆరంభమవుతుంది.

ఇక ఈ పైలట్ ప్రాజెక్ట్ అనుభవంతో అరుణ్ భవిష్యత్ ప్రాజెక్టుల ప్రణాళికలు కొంచెం భారీగానే ఉంటాయి.

అన్నీ అనుకూలం చేసుకొని, సరిగ్గా ప్లాన్ చేసుకొని, త్వరలో మా ఇద్దరి కాంబినేషన్లో మేం ప్రారంభించబోయే మా రెండో చిత్రం ఒక రేంజ్‌లో సంచలనం సృష్టించగలదని నా నమ్మకం.

ఆ నమ్మకాన్ని నిజం చేయగల శక్తి అరుణ్‌కుమార్ కు ఉంది.

అదే ఆయన స్టయిల్.  

No comments:

Post a Comment