ఈ నిశ్శబ్దం వెనక నిజంగా ఏదో ఉంది ..

సెక్రటేరియట్ రెండు ముక్కలైంది.

అసెంబ్లీ రెండు భాగాలైంది.

ప్రతి మంత్రిత్వ శాఖకు సంబంధించిన అన్ని వ్యవహారాల్లోనూ ఈ విభజన నిట్టనిలువుగా ఓ గీత గీసినట్టుగా జరిగింది.

తెలంగాణా ఏర్పాటు తర్వాత - దాదాపు అన్ని విషయాల్లో, అన్ని విభాగాల్లో మైక్రో లెవెల్లో పంపకాలన్ని చకచకా జరిగిపోయాయి.

ఒక్క సినీ ఫీల్డు విషయంలో తప్ప!

ఈ ఒక్క ఫీల్డుని మాత్రం టి ఆర్ ఎస్ ప్రభుత్వం కానీ, కే సి ఆర్ గానీ ఇంతవరకూ ఎందుకని టచ్ చేయలేదు?

సో, అగెయిన్ కట్ టూ మన టాపిక్ - 

డౌట్ లేదు. నిజంగా ఎదో ఉంది..

ఎందుకంటే - ఇక్కడ జరిగినన్ని అవకతవకలు, అణచివేత, దోపిడీ, దురాక్రమణలు, మోసం.. మరెక్కడా జరగలేదని సాక్షాత్తూ ఫీల్డువాళ్ళే చెబుతారు. ఇంకా చెప్పాలంటే, 'ఆ' వర్గం వాళ్ళే ఎక్కువగా చెబుతారు!

పైపైన ఎవరో ఆ నలుగురు అయిదుగురు తప్ప, అటువైపువాళ్ళు కూడా ఎవరైనా అసలు ఏం బాపుకున్నారని?! మా ప్రాంతం వాళ్ళు అనీ, మా కులం వాళ్లనీ గుడ్డిగా వారికి వత్తాసు పలకడం తప్ప!

ఇదిలా ఉంటే - మన తెలంగాణా సినీ జీవులు మాత్రం ఎవరికీ వారే యమునాతీరేలా .. ఒక్కోరు ఒక్కో చిన్న గ్రూప్ తో వెళ్లి అటు కే సి ఆర్ నో, ఇటు ఇంకెవరినో కలిసి ఓ మెమొరాండం ఇచ్చి వస్తున్నారు. లేదంటే - తలా ఓ ప్రెస్ మీట్ పెట్టి ఎవరికీ తోచింది వాళ్ళు చెబుతున్నారు.

మనవాళ్ళలో ఉన్న ఈ అజ్ఞానపు ఎడాలిసెంట్  అనైక్యతను క్యాష్ చేసుకోవడం వాళ్లకు అంత కష్టమా?!

వాళ్ళ సామ్రాజ్యం ఇలాగే ఇంకా కొనసాగించుకోడానికి ఇంతకు మించి ఇంకేం కావాలి వారికి? మనవాళ్ళు ఇంకెప్పుడు తెలుసుకుంటారు?

ఇదంతా ఎలా ఉన్నా - తారీఖులు, దస్తావేజులు, లెక్కలు అన్నీ తయారవుతున్నాయి. ఏ ప్రాంతంవాళ్ళు ఎంతమంది? ప్రభుత్వం నుంచి ఎవరు ఏం తీసుకున్నారు? ఎందుకు తీసుకున్నారు? చివరికి చేసిందేమిటి? ఫక్తు దురాక్రమణలెన్ని? .. అసలు ఇప్పుడు లోపల్లోపల ఏం జరుగుతోంది?

ఈ అధ్యయనం అంతా చాలా సూక్ష్మస్థాయిలో జరుగుతోందని తెలిసింది. ఏదో ఓ రోజు కె సి ఆర్ నుంచి ఓ మంచి హాట్ హాట్ శుభవార్త వింటాము.

అందులో ఒకటి.. రెండు వేల ఎకరాల్లో హైదరాబాద్ లో హాలీవుడ్ స్థాయిలో భారీ "సినిమా సిటీ".

కె సి ఆర్ సినిమా సిటీ ఆలోచన వెనక నాకు మాత్రం ఓ పెద్ద స్ట్రాటజీ లీలగా కనిపిస్తోంది. ఒకవైపు తెలంగాణలో సినీపరిశ్రమ అభివృధ్ధి ద్వారా మరింత ఆదాయం పెంచుకోవడం. రెండోది ఎక్కడో సుదూరంగా లేవకుండా ఒక మీడియా సామ్రాజ్యాన్ని దెబ్బకొట్టడం. వన్ షాట్ .. టూ బర్డ్స్ అన్నమాట!

ఏది ఏమయినా - చివరికి ఫిలిం నగర్ సామ్రాజ్యం కూడా నిట్టనిలువునా రెండు ముక్కలు కాక తప్పదు! ఇప్పటిదాకా ఏలిన ఆ సామ్రాజ్యాధినేతలు ఆ తర్వాత ఇక్కన్నుంచి నెమ్మదిగా తోక ముడవకా తప్పదు.