Sunday 27 July 2014

ఒక సెన్సేషన్ .. 3 కొత్త సినిమాలు!

ఇందాకే వర్మ "ఐస్ క్రీమ్" చూసాను.

వర్మ మాటల్లో.. "చీకట్లో అరిచే ఆ కుక్క" ఎందుకు 0/5 రేటింగ్ ఇచ్చిందో గాని .. ఇండస్ట్రీలో ఒక చిన్న సంచలనానికి మాత్రం కారణమైంది. పిచ్చి ఫ్రీ పబ్లిసిటీ అన్నమాట!  ఆ విషయాన్ని అలా వదిలేద్దాం.

కట్ టూ నా ఫీలింగ్స్ - 

> వర్మ ఓ పెద్ద ప్రయోగశీలి అయిన ఫిలిం మేకర్.
> ఒక సినిమా క్రియేషన్ విషయంలో ఆయన అనుకున్నది ఏదయినా సరే చేసేస్తాడు.
> రిజల్టు గురించి ఆయనకు పెద్ద పట్టింపు లేదు.
> ఆయన తీసే ఒక్కో సినిమాకు లక్ష్యం ఒక్కోరకంగా ఉంటుంది. ఈ సినిమా లక్ష్యాన్ని ఒక సత్య, సర్కార్ వంటి సినిమాల లక్ష్యంతో పోల్చటం సరైనది కాదు.
> ఫ్లోకేమ్ మేకింగ్ బాగుంది. అసలు దాన్ని స్టడీ చేయడం కోసమే నేనీ సినిమాకు వెళ్ళా!
> ఫ్లోకేమ్ మేకింగ్ ఫాలో అయితే ఎక్కువ షాట్స్ తీసే అవసరం ఉండదు. క్రేన్లు, ట్రాక్, ట్రాలీ.. ఇతర లారీ లోడ్ ఎక్విప్మెంట్ అసలు అవసరమే రాదు.
> సరిగ్గా ప్లాన్ చేసుకుంటే .. కథనుబట్టి.. టీం ఓపికనుబట్టి .. ఒక సినిమాను 24 గంటల్లో కూడా తీయవచ్చు.
> ఇలాంటి సినిమాలకు కంటెంట్ చాలా బాగుంటే నిర్మాతకు కనకవర్షమే! మేకింగ్ లో దాదాపు అసలు ఖర్చేమీ ఉండదు కాబట్టి!
> కంటెంట్ అందరికీ నచ్చే అవకాశం లేనప్పుడు - ట్రైలర్స్, పోస్టర్స్, ప్రమోషన్ బాగుండాలి. వీటన్నిటికి తోడు, మీడియాలో రకరకాల అల్లకల్లోలం సృష్టిస్తూ చాలా నైస్ గా మేనిపులేషన్ చేయగలగాలి. ఈ సినిమా విషయంలో - ఈ యాంగిల్లో వర్మ సూపర్ సక్సెస్ అయ్యాడు.
> అసలు సినిమా అంటేనే ఒక మేనిపులేషన్ అన్నారెవరో! ఈ విషయంలో ఆర్ జి వి ఓ పెద్ద ఎక్స్ పర్ట్  అని నా వ్యక్తిగత అభిప్రాయం. ఏ రివ్యూయర్, ఏ చానెల్ ఏం మొత్తుకున్నా - ఆ "క్రియేటివ్ గందరగోళాత్మక క్రైసిస్" ని కూడా తన సినిమాకు అనుకూలంగా బాగా వర్కవుట్ చేసుకోగలిగాడు వర్మ.

కట్ టూ దిమ్మతిరిగే రిజల్ట్ - 

> మంచి ఓపెనింగ్స్. మంచి కలెక్షన్స్. పెట్టిన పెట్టుబడికి ఎన్నో రెట్లు లాభం!
> మొత్తంగా సినిమా కమర్షియల్ గా సక్సెస్. అదేగా కావాల్సింది!
> కొత్తగా వచ్చే ఔత్సాహిక ఫిలిం మేకర్స్ కు "కో ఆపరేటివ్ ఫిలిం మేకింగ్" గురించి లెక్కలు బాగా చెప్పాడు. ఇది ఇంకో సెన్సేషన్.
> ఈ "చీకట్లో అరిచే కుక్క" తెలియక క్రియేట్ చేసిన గందరగోళం వర్మ మరో మూడు కొత్త సినిమాల ఎనౌన్సుమెంట్ కు కారణమైంది: "ఐస్ క్రీమ్ 2", "XES", "కోరిక" .. ఒకే దెబ్బకి మూడు పిట్టలన్నమాట!
> కథ, నటీనటుల ఎంపిక అసలు అయిందో లేదో గాని  - నా అంచనా  ప్రకారం పై మూడు కొత్త సినిమాల ప్రమోషనల్ ప్లానింగ్, రిలీజ్ ఏర్పాట్లు, బిజినెస్ మాత్రం దాదాపుగా ఇప్పటికి అయిపోయే ఉంటాయి! ఇంకేం కావాలి?

సో, పక్కా పాజిటివ్ కోణంలో అప్రిసియేట్ చేస్తున్నాను ..

దటీజ్ వర్మ! 

No comments:

Post a Comment