Wednesday 3 July 2013

నా బెస్ట్ ఫ్రెండ్!

'నగ్నచిత్రం'లో నా బ్లాగింగ్ నాకు చాలా సహాయం చేస్తోంది. నాకు మూడ్ బాగా ఉన్నప్పుడు బ్లాగ్ రాయటం మామూలే. కానీ, నేనేదయినా టెన్షన్లో ఉన్నా, చిరాగ్గా ఉన్నా దాన్ని "రబ్ ఆఫ్" చేసుకోవటం కోసం నేను ముందుగా వెళ్లేది నా బ్లాగ్ దగ్గరికే.

ఏదయినా రాస్తాను. లేదంటే, అంతకుముందు రాసిన పోస్టులు ఒకసారి బ్రౌజ్ చేస్తాను. రాసిన వాటిని చదువుతోంటే, కొత్తగా నేను రాయాల్సిన టాపిక్స్ అప్పటికప్పుడు మనసులో మెరుస్తాయి. ఈ మధ్యలో నా టెన్షన్ పూర్తిగా ఎగిరిపోతుంది. మళ్లీ నా నేచురల్ మూడ్ లోకి వస్తాను.

అలా - నగ్నచిత్రం బ్లాగ్ నన్ను బాగా కాపాడుతోంది. కావల్సినప్పుడు ఉత్సాహాన్నిస్తోంది. కొన్ని కొన్ని సార్లు కొత్త ఆలోచనలు నాలో క్రియేట్ అవ్వడానికి ఓ కేటలిస్ట్‌గా కూడా పనిచేస్తోంది!

వీటన్నింటినీ మించి, ఎలాంటి సంకోచం లేకుండా, నా ఆలోచనలను పంచుకోడానికి ఒక దగ్గరి మిత్రునిలా, ఒక "అవుట్‌లెట్‌"గా కూడా పనిచేస్తోంది.

నా వ్యక్తిగత విషయాల్ని, కొన్ని స్వగతాల్ని పక్కన పెడితే - ఇప్పుడు నేను ఎక్కువగా సినిమాల గురించి, సినీ ఫీల్డులోని కొన్ని నిజాల గురించే ఎక్కువగా రాస్తున్నాను ఈ బ్లాగ్‌లో. అయితే ఈ సినిమా రాతలు క్రమంగా తగ్గిపోతాయి. ఇవి కొంతకాలం మాత్రమే అనుకున్నాను. కానీ చూస్తుంటే అలా జరిగేట్టు లేదు.

ఇప్పుడు అంతా కొత్తవాళ్లతో సినిమాలు తీస్తూ, మంచి బిజినెస్‌లు చేస్తున్న "యూత్ సినిమాల ట్రెండ్"ని క్యాష్ చేసుకోవాలన్నదే ప్రస్తుతం నా అసలైన గోల్. కానీ, దీన్ని ఓవర్‌టేక్ చేస్తూ, బ్యాగ్రౌండ్‌లో ఇంకా నూటొక్క కారణాలున్నాయి. అవన్నీ ఇక్కడ చర్చించడం ఇప్పటికిప్పుడు సాధ్యం కాదు.

చాలా కాలం తర్వాత మళ్లీ నేను సినిమాలు చేస్తున్నాను. చేయాల్సి వస్తోంది. సినిమాలు చిన్నవే అయినా, మొత్తం మూడు సినిమాల సీరీస్ కాబట్టి, నిజానికి దీన్నొక పెద్ద ప్రాజెక్ట్ గా చెప్పవచ్చు. ఇప్పుడు నేను ఎదుర్కొంటున్న రకరకాల ఆలస్యాల్నీ, పరిణామాలనీ చూస్తోంటే, నిజంగానే నేను కొన్ని ఇబ్బందులు ఎదుర్కోవచ్చు.

కానీ, ఖచ్చితంగా.. నేను ఈ మూడు మైక్రోబడ్జెట్ సినిమాలతో అప్పుడే గుడ్‌బై చెప్పటం లేదు. చిన్నగా నా ఆలోచనలు మైక్రోబడ్జెట్ సినిమాల "ఫ్యాక్టరీ" వైపు కదులుతున్నాయి. విష్ మీ బెస్టాఫ్ లక్! :)

ఏది ఎలా వున్నా - ఈ బ్లాగ్‌లో సినిమా రాతలతోపాటు, నాకు ఎంతో ఇష్టమయిన "పర్సనల్ డెవెలప్‌మెంట్, స్పిరిచువాలిటీ"ల మీద కూడా ఇకనుంచీ బాగా రాయాలనుకుంటున్నాను. రాస్తాను.  

4 comments:

  1. All the best for your upcoming projects.

    ReplyDelete
    Replies
    1. Thank you so much, Lasya Ramakrishna garu..

      Delete
  2. చిన్న సినిమాలే చింతలు లేని సినిమాలు!

    ReplyDelete
    Replies
    1. "చిన్న కుటుంబం చింతలేని కుటుంబం" లాగా అన్నమాట! :)
      Thanks for your comment, Surya Prakash ji.

      Delete