Friday 8 March 2013

కిక్కిస్తున్న టైటిల్ క్రేజ్!


అంతా కొత్త వారితో ఇప్పుడు నేను తీయబోతున్న యూత్ ఎంటర్‌టైనర్ చిత్రం కోసం - మొన్న ఫిబ్రవరి 26 నాడు టైటిల్ ని రిజిస్ట్రేషన్‌కి పంపాను. ఆ తర్వాత సరిగ్గా 6 వ రోజున చాంబర్ (TFCC) నుంచి నాకు కాల్ వచ్చింది - "మీ టైటిల్ ఓకే అయింది. సర్టిఫికేట్ కోసం ఎవరినయినా పంపించండి" అంటూ...

కట్ చేస్తే -

మొన్న మార్చి 4 నాడు మధ్యాహ్నం నాకు తెలీని ఒక నంబర్ నుంచి ఓ కాల్ వచ్చింది. "మీరు 'ఫలానా' టైటిల్ రిజిస్టర్ చేసుకున్నారట కదా! మేమూ మా సినిమాకి అదే టైటిల్ అనుకుంటున్నాము. మీ టైటిల్ మాకివ్వడానికి ఏమయినా వీలవుతుందా?" అని. నిన్న మధ్యాహ్నం మళ్లీ ఓ కాల్.. అదే టైటిల్ గురించి, అదే టీమ్ నుంచి! ఇదే విషయం మీద మొన్న నాకు ఫోన్ చేసిన వ్యక్తి వాళ్ల డైరెక్టర్ అని చెప్పాడు. "సారీ" చెప్పాను.

నిజానికి, ఈ టైటిల్ ని స్క్రిప్టు దశలోనే అనుకొన్నాన్నేను. "Love Just Happens ..." అనేది ఈ టైటిల్ కి ట్యాగ్‌లైన్. కొందరికి నచ్చింది, కొందరికి నచ్చలేదు. అయినా నేను ఈ టైటిల్‌కే ఫిక్స్ అయిపోయాను.

ఈ టైటిల్ లో ఉన్న రెండే రెండు చిన్న పదాలు, సుమారు 30 ఏళ్ల క్రితం వచ్చిన ఒక సూపర్ హిట్ చిత్రంలోని ఒక పాటలోవి. సృష్టికర్త వేటూరి సుందర రామమూర్తి. నా చిత్రం టైటిల్ కార్డ్స్ లో ముందే ప్రత్యేకంగా వేటూరి గారికోసం వినమ్రతాపూర్వక కృతజ్ఞతగా ఓ కార్డు వేయాలనుకుంటున్నాను. నా తొలి చిత్రం "కల" కోసం వేటూరిగారితో కలిసి పనిచేసే గొప్ప అవకాశం నాకు దొరకడం నేను మర్చిపోలేని ఒక జ్ఞాపకం. "కల" లో వేటూరి గారు అయిదు పాటలు రాశారు.

కట్ చేస్తే -

ప్రస్తుతం ఈ టైటిల్ కోసం కొన్ని లోగోలను డిజైన్ చేస్తున్నాము. కొన్ని రోజుల్లోనే టైటిల్ మీ ముందుంటుంది. ఇక, ఈ టైటిల్‌తో కూడిన మొదటి పాటను రికార్డ్ చేయటం కూడా ఎప్పుడో అయిపోయింది! యమగా ఉన్న ఆ పాట వింటూనే ఈ బ్లాగ్ రాశాను... :)

No comments:

Post a Comment